(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីបញ្ហាអាកាសធាតុនៅកម្ពុជា ដោយបញ្ជាក់ថា រដូវវស្សាឆ្នាំនេះបានចូលមកដល់ហើយ ចាប់ពីថ្ងៃទី០៦ ខែឧសភា ឆ្នាំ២០១៧តទៅ (ដើមរដូវវស្សា ចាប់ខែឧសភា ដល់ខែមិថុនា ឆ្នាំ២០១៧)។

ជាមួយគ្នានេះ ក្រសួងធនធានទឹក បានអំពាវនាវឲ្យបងប្អូនប្រជាពលរដ្ឋ បង្កើនការប្រុងប្រយ័ត្នខ្ពស់បំផុត ចំពោះបាតុភូតរន្ទះ និងខ្យល់កន្ត្រាក់ដែលអាច នឹងកើតមានញឹកញាប់ នៅដើមរដូវវស្សានេះ ពិសេសនៅតំបន់វាលទំនាប និងតំបន់ខ្ពស់រាប។

ក្រសួងបានបញ្ជាក់ទៀតថា ចាប់ពីថ្ងៃនេះ ដល់ថ្ងៃទី១១ ខែឧសភា អាចនឹងមានភ្លៀងធ្លាក់រាយប៉ាយ ពីបង្គួរទៅច្រើន ក្នុងក្របខ័ណ្ឌស្ទើរទូទាំងប្រទេស ហើយសីតុណ្ហភាពអតិបរមា ក៏នឹងចាប់ផ្តើមថយចុះបន្តិចវិញ ពី៣៣-៣៥អង្សាសេ៕

ប្រភព : Fresh News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]