ភ្នំពេញ៖ តារាសម្ដែងស្រីរូបស្រស់ សោភានិយមស្លៀកសិចស៊ី កញ្ញា ដួង ម៉ានិច បានទិញផ្ទះសម្រាប់ ជូនអ្នកមានគុណស្នាក់នៅក្នុងទីក្រុងភ្នំពេញ ដោយមើលទៅសង់ជិត រួចរាល់ហើយបាន ៨០ភាគរយ តាមវិធីបង់រំលស់ ជាមួយប្រាក់ដែលនាង រកបានពីកម្លាំងញើស ឈាមពីការងារសិល្បៈ ។
តារាសម្តែងស្រីរាសីឡើងខ្ពស់កញ្ញា ដួង ម៉ានិច បានឲ្យភ្នាក់ងារយើងដឹងថា ផ្ទះដែលសង់បានប្រមាណ ៨០ភាគរយ គឺជាផ្ទះទី២ ដែលនាងទិញត្រៀមទុកសម្រាប់ ជូនអ្នកមានគុណ ស្នាក់នៅក្នុងទីក្រុងភ្នំពេញ ដោយមើលទៅសង់ ជិតរួចរាល់ហើយ ។ នាងក៏បញ្ជាក់ថា ផ្ទះនេះមិនមានបុរស កំណាន់ចិត្តនៅពីក្រោយចាំជួយ ឧបត្ថម្ភឲ្យទិញផ្ទះគាប់ចិត្ត ម្តាយក្មេកនោះទេ ។
តារាស្រីនិយមស្លៀកសិចស៊ី កញ្ញា ដួង ម៉ានិច បន្តថា ផ្ទះនេះគឺនាងខ្ញុំទិញ តាមវិធីបង់រំលស់ ជាមួយប្រាក់ដែល នាងខ្ញុំរកបានពីកម្លាំងញើសឈាម ហើយផ្ទះនេះវាមិនថ្លៃប៉ុន្មានទេ គឺមានតម្លៃជាង ៣ ម៉ឺន ដុល្លារ ប៉ុណ្ណោះ ដែលស្ថិតនៅម្តុំ តំបន់សង្កាត់កំបូល ។ ផ្ទះនេះដែរបានពីប្រាក់ដែល បានខិតខំសន្សំរយៈពេល ជិតដប់ឆ្នាំមកហើយ ។
ដោយរាងអន់ចិត្ត តារាស្រីចូលចិត្តសិចស៊ី រូបនេះបន្ថែមថា ចាប់តាំងពីនាងបានហក់ ប្រឡូកសិល្បៈមក គឺគ្មានអ្នកណាជួយចិញ្ចឹមអ្វីនោះទេ ហើយតាម ពិតទៅសម្រាប់ការងារ សិល្បៈសម្តែងនោះ គឺគ្រាន់តែបានមក ត្រឹមតែរស់ប៉ុណ្ណោះ ។ ប្រាក់សន្សំទិញផ្ទះនេះ បានពីចំណូលបើកអាជីវកម្មមួយលក់ ស្រាក្រឡុកមួយ ឯខេត្តប៉ៃលិន ដែលនាងបានប្រកបរកស៊ីនេះ តាំងពីឆ្នាំ ២០០៧ មក ខណៈឯប្រាក់ដែលបានពី សិល្បៈវិញគឺគ្រាន់តែ មានចំណែកតិចតួចបំផុត ។
សូមជម្រាបថា តារាសម្តែងវ័យក្មេងចូលចិត្ត បង្ហាញដើមទ្រូងជាដើមទុន កញ្ញា ដួង ម៉ានិច បានគ្រងតំណែងជា តួស្រីឈ្មោះនាងនី ដើរតួជាប្រពន្ធពស់ នៅក្នុងពេលថតរឿង «ពស់កេងកង» ខណៈពេលកំពុងថតស្រាប់តែ ជួបរឿងភ្ញាក់ផ្អើលមួយ ដោយភ្លាមៗស្រាប់តែ កាមេរ៉ាថតរឿងបើកលែងចេញ នៅក្នុងប្លង់ដែលនាង ត្រូវថតក្នុងឈុត សត្វពស់កេងកង ចាប់រំលោភ ។
កញ្ញា ដួង ម៉ានិច ដែលទើបតែមានភាពល្បី ខ្លាំងនៅចុងឆ្នាំ ២០១៦ និងទទួលការសរសើរ ពីមហាជនថា ថតសម្តែងសមជាតួប្តីប្រពន្ធនឹងតារាសម្តែងប្រុស ជើងចាស់លោក ទេព រិន្ទដារ៉ូ ក្នុងខ្សែភាពយន្តភាគ ថតសាឡើងវិញរឿង «ពស់កេងកងថ្មី» ទើបថតចប់ថ្មីៗនោះ ឥឡូវនេះក៏សល់លុយទិញផ្ទះ ល្វែងមួយជូនអ្នកម្តាយជាទី ស្រឡាញ់របស់នាង ៕
ប្រភព៖ LookingToday
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
