ខេត្តព្រះសីហនុ ៖ សេចក្តីរាយការណ៍ពីនគរបាលស្រុកព្រៃនប់បានឲ្យដឹងថា នៅវេលាម៉ោង១៧និង៣០នាទី ថ្ងៃទី២៧ ខែមេសា ឆ្នាំ២០១៧ ស្ថិតក្នុងតំបន់សេដ្ឋកិច្ចពិសេសក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ មានករណីផ្ទុះឡកំដៅកុងប្លាកេក្នុងរោងចក្រ ហ្លាញ ហ្វូ រីង ខេមបូឌា ខូអិលធីឌី ដែលជារោងចក្រផលិតក្ដាកុងប្លាកេ បណ្ដាលឱ្យកម្មករចំនួន២នាក់រងរបួសធ្ងន់ ។
ជនរងគ្រោះក្នុងហេតុការណ៍ផ្ទុះឡកំដៅនេះទី១-ឈ្មោះ រាំង ធី ភេទ ប្រុស មានទីលំនៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ និងទី២-ឈ្មោះ នាង នឿន ភេទប្រុស មានទីនៅភូមិព្រៃនប់២ ឃុំបិតត្រាំង ស្រុកព្រៃនប់ ខេត្តព្រះសីហនុ ។ ក្រោយកើតហេតុជនរងគ្រោះត្រូវបញ្ជូនទៅសង្គ្រោះនៅមន្ទីពេទ្យសេតេ ចំណែកឯឡកំដៅដែលផ្ទុះឆេះនោះគឺគេបានពន្លត់រលត់ជាស្ថាពរ ។ ចំពោះករណីនេះដែរគេពុំទាន់ដឹងមូលហេតុនៅឡើយទេ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]