អេស្ប៉ាញ៖ ថ្វីត្បិតការប្រកួត El Clasico រវាងជើងខ្លាំង Real Madrid និង Barcelona បានបញ្ចប់ពិតមែនក្តី ប៉ុន្តែចំពោះរឿងរ៉ាវចម្រូងចម្រាស់វិញ គឺមិនទាន់បានបញ្ចប់នៅឡើយទេ មិនថាបញ្ហាកីឡាករ ឬបញ្ហារបស់អ្នកគាំទ្រ។
ដោយឡែក ងាកមកចាប់អារម្មណ៍រឿងរ៉ាវកីឡាករវិញ ថ្មីៗកន្លងនេះ មានសារព័ត៌មានកីឡាជាច្រើនបានចុះផ្សាយពី ខ្សែប្រយុទ្ធ Lionel Messi គឺជាវីរៈបុរសនៃការប្រកួត ខណៈ Ronaldo បានត្រឹមខឹងសម្ប៉ានឹងមិត្តរួមក្រុមក្រោយបញ្ចប់ការប្រកួត។
ពាក់ព័ន្ធនឹងបញ្ហានេះដែរ ខ្សែប្រយុទ្ធរបស់ Real Madrid កីឡាករ Cristiano Ronaldo ត្រូវបានគេសង្កេតឃើញថា មានការខឹងសម្ប៉ាជាខ្លាំង និងស្រែកដាក់កីឡាករដែលជាមិត្តរួមក្រុមរបស់ខ្លួនថែមទៀតផង ក្រោយពីបានធ្លោយឲ្យ ក្លិប Barcelona ស៊ុតចូលនៅនាទីចុងម៉ោងនៃកាប្រកួត។
ចំពោះពាក្យសម្តីស្រែកបន្ទោសដាក់មិត្តរួមក្រុមខ្លួនឯងនេះ ត្រូវបានសារព័ត៌មានរបស់អេស្ប៉ាញ ចុះផ្សាយឲ្យដឹងថា Ronaldo បានស្តីទៅកាន់កីឡាករ Marcelo និង Luka Modric ដែលបានបណ្តោយឲ្យកីឡាករ Sergi Roberto ខ្សែការពាររបស់ Barcelona អូសបាល់ឡើងលើដោយងាយស្រួល ដោយក្នុងនោះ Ronaldo បានស្រែកបន្ទោសថា «អ្នកគួរតែឈូស ឬទប់ស្កាត់គាត់» ។
បើទោះជាយ៉ាងណាក៏ដោយ Marcelo ខ្សែការពារស្លាបឆ្វេងរបស់ Real ក៏បានទទួលកំហុសនេះផងដែរ ដោយកីឡាកររូបនេះបាននិយាយថា «ខ្ញុំទទួលស្គាល់កំហុសដែលបណ្តាលឲ្យរបូតគ្រាប់បាល់នៅចុងម៉ោងនេះ ប៉ុន្តែរឿងបែបនេះនរណាៗក៏ធ្លាប់ជួបប្រទះដែរ» ៕
ប្រភព៖ The Sun
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
