ខេត្តបន្ទាយមានជ័យ ៖ ជនសង្ស័យម្នាក់ ត្រូវកម្លាំងអាវុធហត្ថខេត្តចាប់ខ្លួន កាលពីវេលាម៉ោង០៣ និង៥០នាទីរសៀលថ្ងៃទី២៥មេសា ស្ថិតនៅចំណុចកំណាត់ផ្លូវជាតិលេខ៥ ក្នុងភូមិព្រែកល្ពៅ ឃុំប្ញស្សីក្រោក ស្រុកមង្គលបូរី ក្រោយជាប់ចោទពីបទចាប់បង្ខំនារីជាសង្សាររំលោភសេពសន្ថវៈ រហូតបានសម្រេចនៅក្នុងបន្ទប់ជួលនាង ដែលកើតឡើងកាលពីវេលាម៉ោង ១២និង៣០នាទីថ្ងៃទី២១ មេសា កន្លងមក ។
ប្រភពឱ្យដឹងថា ជនសង្ស័យឈ្មោះខុន ផាណែត អាយុ២៦ឆ្នាំ ។ រីឯនារីសង្សារអាយុ២៣ឆ្នាំ បានប្តឹងថា ជនសង្ស័យបានចាប់បង្ខំនាងរំលោករហូតបានសម្រេចចំនួន១លើក ។
ក្រោយឃាត់ខ្លួននាំទៅសាកសួរ ជនសង្ស័យបានសារភាពថា រូបគេពិតជាបានបង្ខំនាងរួមភេទ រហូតបានសម្រេច១លើកមែន ដោយសារតែខ្លួនជាសង្សានឹងគ្នាយូរឆ្នាំមកហើយ ហើយពេលដែលខ្លួនប្រព្រឹត្តនោះ ក្នុងពេលដែលខ្លួនស្រវឹងស្រាផងដែរ។
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]