នៅរាល់ពេល ដែលធ្វើដំណើរម្តងៗ មនុស្សយើងតែងតែ គិតពីសុវត្ថិភាពជាចំបង។ ហេតុនេះទើបថ្ងៃនេះ យើងនឹងលើកឡើងនូវ ការជ្រើសរើស ទីតាំងឬកន្លែងអង្គុយ ដែលមានសុវត្ថិភាពបំផុត ទៅតាមប្រភេទមធ្យោបាយធ្វើដំណើរ វិញម្តង។
ចង់ដឹងថា កន្លែងអង្គុយត្រង់ណាដែលមានសុវត្ថិភាពបំផុត និងត្រង់ណាដែលមានគ្រោះថ្នាក់បំផុតនោះ សូមប្រិយមិត្តតាមដានអត្ថបទខាងក្រោមនេះទាំងអស់គ្នា ៖
១. ឡាន
• កន្លែងអង្គុយដែលសុវត្ថិភាពបំផុត ៖ គឺកៅអី នៅពីក្រោយអ្នកបើកឡាន និងកៅអីនៅកណ្តាលបន្ទាប់ពីនោះ។
• កន្លែងអង្គុយដែលគ្រោះថ្នាក់បំផុត ៖ គឺកៅងីចំហៀងជាប់នឹង អ្នកបើកឡាន ពីព្រោះនៅពេលអ្នកបើកបរព្យាយាមគេចពីឧបសគ្គ អ្នកអង្គុយជាប់នោះរងគ្រោះថ្នាក់ជាងគេបំផុត។
២. ឡានប្រភេទដឹកអ្នកដំណើរ
• កន្លែងអង្គុយដែលសុវត្ថិភាពបំផុត ៖ គឺកៅអីនៅពីក្រោយ បែរខ្នងដាក់អ្នកបើកបរ ដោយសារមានហានិភ័យប៉ះទង្គិចក្បាលទាបបំផុត។
• កន្លែងអង្គុយដែលគ្រោះថ្នាក់បំផុត ៖ គឺកៅអីជាប់នឹងអ្នកបើកបរដដែល ដោយសារកៀកជាប់នឹងទ្វារបង្អួចពេក ដែលអាចបណ្តាលឲ្យមុតកញ្ចក់បានយ៉ាងងាយ។
៣. ឡានក្រុង
• កន្លែងអង្គុយដែលសុវត្ថិភាពបំផុត ៖ គឺកៅអីភាគច្រើន ដែលបែរទៅខាងមុខនៅកណ្តាលផ្ទៃខាងក្នុងរថយន្ត ដោយអ្នកអង្គុយទីតាំងនេះ មិនងាយរងគ្រោះថ្នាក់ឡើយ។
• កន្លែងអង្គុយដែលគ្រោះថ្នាក់បំផុត ៖ គឺកៅអី ២ ជួរខាងមុខដោយសារតែផ្ទៃកញ្ចក់ខាងមុខធំ ដែលអាចបណ្តាលឲ្យងាយប៉ះទង្គិច។ រីឯកៅអីនៅជាប់តាមបង្អួចទា្វរ ក៏មានគ្រោះថ្នាក់ខ្លាំងដែរ ជាពិសេសអ្នកអង្គុយក្រោយបង្អស់។
៤. រថភ្លើង
• កន្លែងអង្គុយដែលសុវត្ថិភាពបំផុត ៖ គឺកៅអីនៅចំកណ្តាលតួរថភ្លើង។ ប្រសិនបើអ្នកជ្រើសទូរថភ្លើងទី ៥ ឬ ទី ៦ ក៏ជាការប្រសើរ ពីព្រោះទូនៅចុង និងទូជិតក្បាលរថភ្លើង ងាយរងការបំផ្លាញជាងគេ។
• កន្លែងអង្គុយដែលគ្រោះថ្នាក់បំផុត ៖ គឺកៅអីអង្គុយដែលបែរទៅទិសដៅធ្វើធ្វើដំណើរ (កៅអីបែរមុខ) ពីព្រោះនៅពេលជាន់ហ្រ្វាំង វាអាចបណ្តាលឲ្យអ្នកដួលបាន។
៦. កប៉ាល់ ឬនាវា
• កន្លែងអង្គុយដែលសុវត្ថិភាពបំផុត ៖ គឺកន្លែងអង្គុយដែល នៅជាន់ខាងលើ ជិតកន្លែងបញ្ជាកប៉ាល់ ពីព្រោះផ្នែកខាងលើនៃកប៉ាល់លិចក្រោយគេបង្អស់។
• កន្លែងអង្គុយដែលគ្រោះថ្នាក់បំផុត ៖ គឺកន្លែងអង្គុយ នៅបាតកប៉ាល់ ពីព្រោះក្នុងករណីលិចនាវានោះ អ្នកមិនងាយរកផ្លូវចេញបានទេ។
៧. យន្តហោះ
អ្នកជំនាញ មិនអាចបញ្ជាក់ព្រមគ្នាបានទេថា កន្លែងដែលមានសុវត្ថិភាពបំផុតលើតួយន្តហោះ ស្ថិតនៅទីណា។ ប៉ុន្តែ អ្នកជំនាញភាគច្រើន បាននិយាយថា កៅអីអង្គុយដែលនៅខាងក្រោយ រងគ្រោះថ្នាក់តិចជាងគេ មិនដូចកៅអីខាងមុខឡើយ៕
ប្រភព៖ Bright Side
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
