ភ្នំពេញ៖ តារាចម្រៀង សុខ ស្រីនាង បានចុះកិច្ចសន្យា ជាផ្លូវការហើយ ជាមួយផលិតកម្ម ហង្សមាស ដើម្បីមានឱកាសច្រើន ក្នុងការស្តារមុខមាត់ជាថ្មី ទាំងការច្រៀង និងសម្តែងភាពយន្ត ខណៈទើបតែបញ្ចប់ កិច្ចសន្យាជាមួយ ផលិតកម្មសាន់ដេរ ។
ទោះជាស្ងាត់បាត់ទីផ្សារ មួយរយៈក្តី តារាចម្រៀងស្រី មេម៉ាយរូបស្រស់ សុខ ស្រីនាង ត្រូវបានគេទម្លាយថា នាងបានបញ្ចប់ កិច្ចសន្យាជាមួយ ផលិតកម្មសាន់ដេហើយ និងកំពុងត្រៀមខ្លួន ចូលជ្រកក្រោមដំបូល ផលិតកម្មហង្សមាសផងដែរ ។
ធ្វើឲ្យទស្សនិកជនចាប់អារម្មណ៍ជាថ្មី ក្រោយពីនាងបែកប្តី ហើយរត់ចូលច្រៀង ក្នុងផលិតកម្មសាន់ដេ។ ចូលក្នុងផលិតកម្មថ្មី នាងមានឱកាស ច្រើនបង្គួរ ដើម្បីស្តារមុខមាត់ជាថ្មី ទាំងការច្រៀង និងសម្តែងភាពយន្ត ។
បន្ទាប់ពីជ្រកក្រោម ដំបូលផលិតកម្មសាន់ដេរ អស់រយៈ៥ឆ្នាំ អ្នកមេម៉ាយរូបនេះ ធ្លាប់រត់ទៅចូលច្រៀង ឲ្យផលិតកម្ម RGB ប៉ុន្តែត្រូវបាន ស្ងប់ស្ងាត់ទៅវិញ ។ ពេលនេះ សុខ ស្រីនាង បានចុះកិច្ចសន្យា ជាផ្លូវការហើយ ជាមួយផលិតកម្មហង្សមាស ។ ក្រោយពិចារណា ជាច្រើនខែ សុខ ស្រីនាង បានសម្រេចចិត្ត ចុះកុងត្រាជាផ្លូវការ ជាមួយផលិតកម្មហង្សមាស ហើយនាងអាច នឹងមានបទចម្រៀង ចេញនៅពេលដ៏ខ្លី ខាងមុខនេះ ។
មានការលើកឡើងដែរថា សុខ ស្រីនាង អាចនឹងទម្លាយ ភាពទាល់ច្រក ពោលគឺអាច នឹងស្តារប្រជាប្រិយភាព នាងឡើងវិញ ក្រោយផ្អាកការងារសិល្បៈ ជាច្រើន ខែហើយផលិតកម្ម ក៏មានគោលការណ៍ លើកមុខមាត់តារាចម្រៀង ចំណូលថ្មីរូបនេះផងដែរ ។
គ្រាន់តែចូល ក្នុងឆ្នាំ២០១៧ភ្លែត មានតារាចម្រៀង ស្រី-ប្រុស ជាច្រើនដួង បាននាំគ្នាផ្លាស់ប្តូរទ្រនំ ជាបន្តបន្ទាប់ ដែលអ្នកខ្លះ បានចាកចេញពីផលិតកម្ម ហង្សមាស ចូលផលិតកម្ម ថោន និងមានតារាខ្លះទៀត បានសម្រេចចិត្ត ចេញពីផលិតកម្មសាន់ដេរ ចូលផលិតកម្ម ហង្សមាសជាដើម ។
គួរំលឹកថា តារាចម្រៀងស្រអែមស្រស់ សុខ ស្រីនាង យល់សុបិនឃើញពស់ដេញ ចឹកច្រើនដង តែត្រូវបាននាង វាយឲ្យងាប់ទាំងអស់ បើតាមចាស់បុរាណ ចំណាំថា ដល់គូរ រឺមានគេតាម ចោមស្រឡាញ់ច្រើន ទោះយ៉ាងណា នាងសុំមិនទាន់គិតគូរ ពីរឿងស្នេហានោះទេ ព្រោះកំពុងជាប់រវល់ខ្លាំងជាមួយការងារសិល្បៈ។
សូមជម្រាបថា តារាចម្រៀងស្រអែមស្រស់ សុខ ស្រីនាង ដូចជាមានហុងស៊ុយ ជាងមុន ព្រោះបទចម្រៀងថ្មីៗ របស់នាង ដែលជាបទ Original Song និងតម្លៃខ្លួន ហាក់ឡើងខ្ពស់ជាមុនបន្តិច ខណៈដែលមានគេសរសើរថា កាន់តែមានរូបសម្រស់ ស្រស់ស្អាតគួរអោយ ខ្នក់ខ្នាញ់ជាងមុន៕
ប្រភព៖ LookingToday
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
