ភ្នំពេញ៖ ក្រោយពីសម្រាលបានកូនស្រីដ៏ស្រស់ស្អាត និងសម្រាកនៅមន្ទីរពេទ្យអស់រយៈពេល៣យប់ ពេលនេះ ភរិយារបស់កីឡាករ ឈិន ឈឿន គឺអ្នកនាង ប៉ូឡែន បានចេញពីមន្ទីរពេទ្យវិញហើយ កាលពីព្រឹកមិញនេះ។
បើយោងតាមការបង្ហោះរូបភាពនិងសារនៅលើបណ្តាញសង្គមហ្វេសប៊ុក ខ្សែបម្រើការពារស្លាបស្ដាំរបស់ក្រុមជម្រើសជាតិកម្ពុជា កីឡាករ ឈិន ឈឿន បានបញ្ជាក់ថា «ខ្ញុំតំណាងឲ្យ គ្រួសារ សូមអរគុណដល់ មន្ទីរសំរាកព្យាបាល នឹង សម្ភព សានីន អ្នកគ្រូៗ នឹង បុគ្គលិក ដែលបានមើលថែ ព្យាបាល យ៉ាងដិតដល់ ទៅលើ ប្រពន្ធ កូន របស់ខ្ញុំ» ។
បន្ថែមពីនេះទៀត កីឡាកររូបនេះ ក៏បានអរគុណ ដល់គ្រួសារ បងប្អូន មិត្តភក្តិ និងជាពិសេសអ្នកគាំទ្រផងដែរ ដែលតែងតែសួរសុខទុក្ខ ស្រលាញ់ និងគាំទ្រកន្លងមក។
គួររំលឹកផងដែរថា ឈិន ឈឿន និងភរិយា បានផ្តល់កំណើតដល់កូនស្រីមួយរូប ដោយបានដាក់ឈ្មោះថា «ឈឿន អីុឡា» កើតថ្ងៃទី០៩ ខែមេសា ឆ្នាំ២០១៧ វេលាម៉ោង៧: ១៧នាទី ។ ក្នុងនោះដែរ ទាំងកីឡាករ ឈិន ឈឿន និងភរិយា សុទ្ធតែបានសម្តែងនូវអារម្មណ៍រំភើប និងរីករាយក្រលែង ព្រោះនេះគឺជាកូនដំបូងរបស់អ្នកទាំងពីរ ។
ដោយឡែក ចំពោះអាជីពបាល់ទាត់វិញ យើងមិនទាន់ដឹងច្បាស់ថា តើ កីឡាករ ឈិន ឈឿន នឹងវិលចូលក្នុងក្រុមជម្រើសជាតិ និងក្លិបនៅពេលណានោះទេ មានតែរង់ចាំមើលទាំងអស់គ្នា ហើយបើសិនជាមានព័ត៌មានបន្ថែមទាក់ទងនឹងរឿងនេះ Khmerload នឹងរីករាយផ្សាយជូន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
