មនុស្សយើងប្រហែលជាមិនសូវចាប់អារម្មណ៍ សាច់ធ្លាក់នៅតាមចង្កេះប៉ុន្មានទេ ប៉ុន្តែជាក់ស្តែង ពិតជាកង់ៗអាក្រក់មើលខ្លាំងណាស់ ជាពិសេស ស្លៀកសម្លៀកបំពាក់មិនស្អាតថែមទៀត។
ខាងក្រោមនេះ ជាលំហាត់ប្រាណកម្ចាត់សាច់យារធ្លាក់តាមចំហៀងខ្លួនជាប្រចាំនៅផ្ទះ ៖
លំហាត់ប្រាណទី ១
• ឈរឲ្យត្រង់ រួចឱនមកមុខ និងរក្សាជើងឲ្យត្រង់ដដែល
• ព្យាយាមដាក់ដៃ ឲ្យដល់កម្រាល
• ធ្វើដដែលៗ ឲ្យបាន ១០ ទៅ ១៥ ដង
លំហាត់ប្រាណទី ២
• ឈរឲ្យត្រង់ ហើយដាក់ជើងឃ្លាតគ្នាបន្តិច
• លើកដៃមួយចំហៀងឡើង និងដាក់បាតដៃនោះ ពីក្រោយ ក
• ដៃមួយចំហៀងទៀត កាន់ដុំដែកតូចមួយ ទាញ និងផ្អៀងខ្លួនចុះបន្តិចៗ
• ផ្លាស់ប្តូរដៃ និងអនុវត្តដដែលៗឲ្យបាន ១៥ ទៅ ២០ ដង
លំហាត់ប្រាណទី ៣
• ក្រាប ដោយប្រើដៃច្រត់ និងជើងទប់ (អាវ៉ង់)
• បន្ទន់កែងដៃចុះ (ធ្វើកាយវិការ ឡើងចុះ ឡើងចុះ)
• អនុវត្តដដែលៗឲ្យបាន ២០ ទៅ ៣០ ដង
លំហាត់ប្រាណទី ៤
• ក្រាបផ្កាប់មុខ ទៅនឹងកម្រាល រួចដាក់ដៃច្រត់ពីមុខ
• បត់ខ្នង ងើបក្បាល ទាញដៃ និងជើងឡើង ក្នុងពេលតែមួយ
• យកដៃចាប់ខ្មងជើង
• ដកដង្ហើមចូលឲ្យវែង និងនៅឲ្យស្ងៀម ២ ទៅ ៣ វិនាទី
• ដកដង្ហើមចេញមកវិញ រួចត្រលប់ទៅស្ថានភាពដើមវិញ
• អនុវត្តបែបនេះដដែលៗ ឲ្យបានរយៈពេល ២០ ទៅ ៦០ វិនាទី
លំហាត់ប្រាណទី ៥
• ដេកផ្កាប់មុខ ព្រមទាំងដាក់ដៃ ដាក់ជើងសណ្តូកឲ្យត្រង់
• លើកដៃ និងលើកជើង ពត់ឡើងលើ ដំណាលគ្នា ហើយនៅឲ្យស្ងៀមបែបនេះ ២ ទៅ ៣ វិនាទី
• ត្រលប់មកស្ថានភាពដើមវិញ
• អនុវត្តដដែលៗឲ្យបាន ១៥ ទៅ ២០ ដង
លំហាត់ប្រាណទី ៦
• ផ្កាប់ខ្លួន ដោយដាក់ក្បាលពោះ ឲ្យចំនឹងបាល់ធំមួយ
• ដាក់ជើងឃ្លាតពីគ្នាបន្តិច និងទប់លំនឹងផង
• ដាក់ដៃពីក្រោយ ក
• ឱនស្មាចុះឡើង និងត្រូវរក្សាក ឲ្យត្រង់
• អនុវត្តដដែលៗ ១២ ទៅ ១៥ ដង
លំហាត់ប្រាណទី ៧
(បញ្ជាក់៖ អ្នកមិនធ្លាប់ហាត់ អាចមានគ្រោះថ្នាក់ ហេតុនេះ អ្នកគួរហាត់ក្បាច់ទាំង ៦ ខាងលើប្រមាណជា ២ សប្តាហ៍ ឲ្យស្ទាត់ជាមុនសិន ទើបជាការប្រសើរ)
• ដេកផ្ញារ និងបញ្ឈរជង្គង់ឡើងលើ ហើយដាក់បាតដៃសង្កត់លើកម្រាល សងខាងក្បាលរបស់អ្នក
• លើកត្រគាក និងស្មាឡើង ដោយពត់ខ្នង ម្តងបន្តិចៗ រហូតខ្ពស់ផុតពីកម្រាល
• នៅឲ្យស្ងៀមឲ្យបាន ៣ ទៅ ៥ វិនាទី
• ត្រលប់មកស្ថានភាពដើមវិញ រួចអនុវត្ត ម្តងឬពីរដងទៀតបានហើយ៕
ប្រភព៖ Bright Side
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]