ឆ្កែចំលែក ដែលគេបានបង្ហាត់សំរាប់ហិតលុយ

ប៉ូលីសត្រួតពិនិត្យម្នាក់ ជនជាត់អីុតាលី និងឆ្កែរបស់គាត់ ធ្វើការនៅអាកាសយានដ្ឋាន Naples។ យើងធ្លាប់បានដឹងថា ប៉ូលីសប្រើប្រាស់ឆ្កែសំរាប់ ស្វែងរកជនល្មើសដែរប្រើប្រាស់គ្រឿងញៀន រឺក៏អ្នកស្រវឹងស្រា ប៉ុន្តែឆ្កែរបស់គាត់នេះគឺ គាត់បង្ហាត់អោយចេះហិតក្លិនលុយ ដើម្បីស្វែងរកប្រាក់ ដែលអ្នកទេសចរណ៍ដាក់តាមខ្លួនច្រើនហួសទៅនឹងចំនួនដែលរដ្ឋបានកំនត់។ ឆ្កែនេះមានឈ្មោះថា Stella វាអាចហិតដឹងពីប្រភេទប្រាក់ដុល្លា ប្រាក់អឺរ៉ុប ប្រាក់ផោន និងប្រាក់របស់រុស្សី ផងដែរ។

Stella គឺជាអាវុធមួយដែល បានជួយដល់រដ្ឋាភិបាលអីុតាលី ក្នុងប្រព័ន្ធពន្ធដា ក្នុងមួយឆ្នាំ អីុតាលីត្រូវបាត់បង់លុយប្រហែល ៣៤០ កោដិដុល្លា សហរដ្ឋអាមេរិច។

ចាប់តាំងពីដើមឆ្នាំ Stella បានរកឃើញលុយចំនួន ៤លានដុល្លាសហរដ្ឋអាមេរិច ក្នុងវ៉ាលីរបស់ជនជាតិចិនម្នាក់។ យោងទៅតាមច្បាប់ គេអាចដាក់លុយតាមខ្លួនបាន មួយមឺុនបីពាន់ដុល្លាតែប៉ុណ្ណោះ ហើយលុយដែលលើសពីនេះទៅទុកនៅនឹងប៉ូលីសដែលនៅអាកាសយានដ្ឋាន។

ដោយ អៀង

ខ្មែរឡូត