តិចនិក ក្នុងការរៀបចំតុបតែងបន្ទប់ ឬផ្ទះរបស់អ្នក ដែលមានទំហំតូច ឲ្យមើលទៅមានភាពធំទូលាយ

ថ្ងៃនេះយើងនឹងណែនាំ ប្រិយមិត្តអ្នកអាន ឲ្យមកចេះរៀបចំតុបតែង បន្ទប់ដែលមានទំហំតូច ឲ្យប្រែមកហាក់ដូចជាមានទំហំធំទូលាយ ដោយគ្រាន់តែផ្លាស់ប្តូរការរៀបចំ បែបងាយៗ និងបន្តិចបន្តូចប៉ុណ្ណោះ។

ចង់ដឹងយ៉ាងណានោះ សូមតាមដានទាំងអស់គ្នា ដូចខាងក្រោម ៖

១. អ្នកគួរដាក់វាំងនន ឲ្យខ្ពស់កៀកទៅនឹងពិតាន នោះបង្អួចរបស់អ្នក នឹងមើលឃើញធំជាងមុន 

២. អ្នកគួរយកដែកឆក់ ដែលឆក់ក្រដាសជាប់នឹងទូទឹកកក ប្រមូលចេញពីផ្ទៃទូទឹកកកឲ្យអស់ ហើយដាក់វាម្តុំ នៅលើផ្ទាំងដែកឆក់ ជិតនោះទើបជាការប្រសើរ

៣. អ្នកមិនត្រូវដោះស្បែកជើងដាក់ គ្មានសណ្តាប់ធ្នាប់ពេញផ្ទះនោះទេ។ អ្នកគួរមានទូដាក់ស្បែកជើងមួយ ទើបជាការប្រសើរ ពីព្រោះវាជួយឲ្យមានភាពទូលាយ និងមិនរញ៉េរញ៉ៃថែមទៀត

៤. អ្នកគួរតែបិទក្រដាស លើផ្ទៃបន្ទប់ក្រឡាបញ្ឈរ និងពណ៌ស្រាលៗ ពីព្រោះការប្រើពណ៌ងងឹត និងក្រឡាផ្តេក ធ្វើឲ្យបន្ទប់មើលទៅកាន់តែតូច

៥. អ្នកប្រហែលជាមិនជឿទេថា ការប្រើកន្សែងច្រើនពណ៌ខុសៗគ្នា អាចធ្វើឲ្យបន្ទប់ទឹក មើលទៅរញ៉េរញ៉ៃ និងមើលទៅហាក់ដូចជា មានរបស់ច្រើន មិនល្អភ្នែកទាល់តែសោះ

៦. អ្នកគួរជ្រើសរើស គ្រឿងសង្ហាររឹមតុបតែង ក្នុងបន្ទប់ ដែលមានជើង ទើបមានភាពទូលាយ មិនចង្អៀត ដូចគ្រឿងសង្ហាររឹមគ្មានជើងនោះទេ

៧. ដើម្បីការពារភាពរញ៉េរញ៉ៃ អ្នកគួររៀបចំ បែងចែករបស់របរ ទៅតាមប្រភេទរបស់វា រួចរក្សាទុកក្នុងប្រអប់ផ្សេងៗគ្នា ទើបជាការប្រសើរ

៨. មនុស្សភាគច្រើនគិតថា បន្ទប់តូចគួរតែដាក់កម្រាលព្រំ តូចបានហើយ ប៉ុន្តែជាក់ស្តែង វាធ្វើឲ្យគ្រែមើលទៅធំចង្អៀត ជាងកម្រាលព្រំធំ

៩. ស្រីៗយើងភាគច្រើន មានគ្រឿងតុបតែងមុខ និងខ្លួនប្រាណច្រើនណាស់ ហេតុនេះ អ្នកមិនគួររៀបចំរប៉ាត់រប៉ាយពេញ ទូសំអាងនោះទេ អ្នកគួររៀបចំវាចូលក្នុងថតទូ ឬបិទដែកឆក់ ឲ្យឆក់ជាប់នឹងក្តារឆក់ លើជញ្ជាំងក៏ជាការប្រសើរ

១០. បន្ទប់ដែលមិនសូវធំ មិនត្រូវដាក់លម្អ ចង្កៀងធំៗ ឲ្យចង្អៀតនោះទេ។ អ្នកគួរតែប្រើអំពូលបង្កប់ តាមពិតាន ដើម្បីឲ្យបន្ទប់មានភាពធំទូលាយ៕

ប្រភព៖ Bright Side

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖

កំហុសដែលអ្នកមិនដឹងថាអនុវត្តខុស ជារៀងរាល់ថ្ងៃ លើឧបករណ៍អេឡិចត្រូនិច ដូចជាទូរស័ព្ទ និងកុំព្យូទ័រ ឲ្យប្រែជាឆាប់ខូច ដោយមិនដឹងខ្លួន!

ជាញឹកញាប់ អ្នកតែងតែមានអារម្មណ៍ថា ឧបករណ៍ប្រើប្រាស់អេឡិចត្រូនិច របស់អ្នកដូចជាស្មាតហ្វូន និងកុំព្យូទ័រយូរដៃ ហាក់ដូចជា ឆាប់ចាស់ ឆាប់ខូច ប្រើមិនបានយូរទាល់តែសោះ។ ជាក់ស្តែងអ្នកគួរតែបន្ទោសសកម្មភាពរបស់អ្នកជាប្រចាំវិញ ទើបត្រូវពីព្រោះមនុស្សភាគច្រើន យល់ខុសក្នុងការប្រើប្រាស់ ព្រមទាំងថែទាំ មិនបានត្រឹមត្រូវសោះឡើយ។

ហេតុនេះយើងនឹង បង្ហាញពីកំហុស និងដំណោះស្រាយមួយចំនួន ដែលអ្នកគួរតែយល់ដឹងព្រមទាំងអនុវត្តផង ដើម្បីឲ្យឧបករណ៍អេឡិចត្រូនិចទាំងនោះ ប្រើបានយូរ៖

១. ការសាកថ្ម

• ថ្មប្រភេទ lithium-ion និង lithium-polymer ដែលមានក្នុងទូរស័ព្ទ tablet និងកុំព្យូទ័រយួរដៃ ត្រូវតែសាកឲ្យពេញឡើងវិញ និងកុំបណ្តោយឲ្យ ថ្មធ្លាក់ដល់សូន្យឲ្យសោះ ពីព្រោះការសាកពី ០ ឡើងដល់ ១០០ ពេញ អាចសាកបានតែ ៤០០ ទៅ ៦០០ ដងប៉ុណ្ណោះ។

• ដើម្បីឲ្យប្រើប្រាស់បានកាន់តែយូរ អ្នកត្រូវតែឧស្សាហ៍សាកថ្ម វាឲ្យបានញឹកញាប់ ជាពិសេស នៅពេលវាធ្លាក់ដល់ ២០% ឬ ១០%។

• ឧបករណ៍អេឡិចត្រូនិច សព្វថ្ងៃ ទោះបីជាសាកថ្មពេញហើយ មិនដកឆ្នាំងសាកចេញក៏មិនមានហានិភ័យអ្វីដែរ ប៉ុន្តែ នេះមិនមែនមានន័យថាអ្នកត្រូវទុកជាប់រហូតគ្រប់ពេលនោះទេ។ ជាក់ស្តែង ថ្មនឹងកាន់បានយូរជាង ប្រសិនបើអ្នកសាកត្រឹម ៤០% ទៅ ៨០%។

• អ្នកមិនត្រូវទិញ ឆ្នាំងសាកដែលថោកៗនោះទេ ពីព្រោះវាគ្មានស្តង់ដារ និងមានហានិភ័យខ្ពស់។ ជាពិសេស អ្នកមិនត្រូវសាកថ្ម ដោយប្រើខ្សែ USB ជាមួយនឹងឧបករណ៍ដទៃ (ដូចជា កុំព្យូទ័រ) ឡើយ។

• ចៀសវាងទិញ និងប្រើប្រាស់ ឆ្នាំងសាក ដែលអាចសាកបានរហ័ស តិចជាងមួយម៉ោង។

• ដើម្បីការពារការឡើងកម្តៅទូរស័ព្ទ អ្នកគួរដោះសំបកទូរស័ព្ទចេញ នៅពេលសាកថ្ម។

• រៀងរាល់ ៣ ខែម្តង អ្នកគួរប្រើថ្មទូរស័ព្ទ ឬថ្មកុំព្យូទ័រ ឲ្យអស់ដល់ ០% រួចធ្វើការសាកមួយពេញ ១០០% វិញ ដើម្បីថែទាំសុខភាពថ្មឧបករណ៍របស់អ្នក។

២. ការគ្រប់គ្រងសីតុណ្ហភាព

• រាល់ពេលប្រើប្រាស់កុំព្យូទ័រយួរដៃ អ្នកត្រូវចៀសវាងដាក់វាលើជើង ឬលើពូក ដើម្បីការពារការឡើងកម្តៅម៉ាស៊ីន។ វិធីប្រើប្រាស់ល្អបំផុត គឺប្រើជើងកុំព្យូទ័រ (ខ្លះមានកង្ហារភ្ជាប់ជាមួយផង) ជាជំនួយ។

• ថ្មប្រភេទ lithium-ion មិនអាចឡើងកម្តៅខ្លាំងបានទេ ហេតុនេះអ្នក គួរតែរក្សាឧបករណ៍របស់អ្នក ចៀសឆ្ងាយពីកាំរស្មីព្រះអាទិត្យ ឬកន្លែងដែលមានកម្តៅក្តៅខ្លាំងនោះទេ។

• សីតុណ្ហភាពត្រជាក់ពេក ក៏មិនល្អសម្រាប់ថ្មដែរ។ សូមអ្នកប្រើប្រាស់ទូរស័ព្ទ ដោយមានសំបកការពារ នៅពេលអ្នកចេញក្រៅ នៅពេលមានសីតុណ្ហភាពត្រជាក់ខ្លាំង។

៣. ការការពារអេក្រង់

• អ្នកត្រូវដាក់អេក្រង់កុំព្យូទ័រ ឲ្យចៀសឆ្ងាយពី កាំរស្មីព្រះអាទិត្យផ្ទាល់ ពីព្រោះវាអាចបំផ្លាញពណ៌ លើអេក្រង់បាន។

• អ្នកត្រូវថែទាំអេក្រង់ឲ្យបានល្អ ជាពិសេស កុំប្រើម្រាមដៃប៉ះ ឬសង្កត់អេក្រង់ឲ្យសោះ។

• អ្នកអាចប្រើក្រណាត់ទន់ជូតអេក្រង់បាន តែសូមកុំប្រើទឹកបាញ់សម្អាតឲ្យសោះ ព្រោះវាមានជាតិអាម៉ូញាក់ ដែលអាចបំផ្លាញអេក្រង់បាន។

៤. ការសម្អាតធូលី និងកំទេចកំទី

• ប្រសិនបើអ្នកដាក់ទូរស័ព្ទក្នុងកាបូបស្ពាយ នោះធូលី និងកំទេចកំទីផ្សេងៗ និងរារាំងប្រព័ន្ធទូរស័ព្ទរបស់អ្នក។ ដើម្បីកម្ចាត់ធូលីទាំងនោះចេញ អ្នកត្រូវបិទទូរស័ព្ទរបស់អ្នក រួចប្រើច្រាសដុសធ្មេញ និងក្រណាត់ទន់មកសម្អាត។

• ជាក់ស្តែង អ្នកគួរតែដាក់ទូរស័ព្ទ នៅដាច់ដោយឡែកពីគេ (ចំហៀងកាបូប)។

• អ្នកត្រូវសម្អាត កុំព្យូទ័ររបស់អ្នកមួយឆ្នាំ ម្តង ឬពីដង (អាស្រ័យលើលក្ខខណ្ឌដំណើរការ) ជាពិសេសនៅពេល ដែលអ្នកលើសម្លេងថ្លង់ចេញពីកុំព្យូទ័រ ឬសង្កេតឃើញថា ឆាប់ក្តៅខុសពីធម្មតា។

• ប្រសិនបើអ្នកមិនចេះសម្អាតទេ អ្នកអាចទាក់ទង សេវាកម្មអ្នកជំនាញកុំព្យូទ័រ មកធ្វើជំនួសក៏បាន៕