អេស្ប៉ាញ៖ តារាឆ្នើមរបស់ក្លឹបអធិរាជស Real Madrid កីឡាករ Cristiano Ronaldo បានបង្ហាញនូវសែ្បកជើងបាល់ទាត់ថ្មីរបស់ខ្លួន ដែលផលិតដោយក្រុមហ៊ុនផលិតសម្ភារៈដ៏ធំ Nike ក្នុងគោលបំណងរំលឹកនៅពេលវេលារបស់គេនៅក្លឹបបិសាចក្រហម Manchester United ។
Ronaldo បានពាក់អាវលេខ ២៨ ដែលជាលេខនៃក្លឹបកាលពីកុមារភាព Sporting Lisbon ប៉ុន្តែនៅពេលដែលលោក Sir Alex Ferguson ទិញរូបគេមកកាន់ក្លិប Manchester United ខ្សែប្រយុទ្ធវ័យ៣២ឆ្នាំរូបនេះក៏ត្រូវបានផ្តល់ជាកិត្តិយសឲ្យពាក់អាវលេខ៧វិញ កាលពីឆ្នាំ២០០៣ ហើយថែមទាំងប្រាប់ទៀតថា វីរៈបុរសល្បីៗជាច្រើនដូចជា David Beckham, Eric Cantona និង George Best ស៊ុតតែពាក់លេខមួយនេះ (លេខ៧)។
ប្រធានក្រុមជម្រើសជាតិព័រទុហ្គាល់ បានបញ្ជាក់ថាលោក Sir Alex ប្រៀបបានជាឪពុករបស់ខ្លួន ក្នុងអាជីពជាកីឡាករបាល់ទាត់ ដែលរូបគេអាចរៀនសូត្រ នឹងយល់ដឹងច្រើនអំពីបាល់ទាត់។
Ronaldo បាននិយាយថា «ខ្ញុំចាំ នៅពេលដែលខ្ញុំចាកចេញពី Lisbon មកអង់គ្លេស Ferguson បានប្រាប់ខ្ញុំថា ស្ដាប់ណា! ខ្ញុំចង់ឲ្យឯងពាក់លេខ៧» ។
Ronaldo បន្ដ «ខ្ញុំពិតជាភ្ញាក់ផ្អើល ព្រោះខ្ញុំបានដឹងថាអ្នកណាខ្លះដែលធ្លាប់ពាក់លេខនេះ ខ្ញុំក៏បានយល់ព្រម ហើយវាជារឿងដ៏អស្ចារ្យ។ Alex Ferguson ប្រៀបដូចជាឪពុកក្នុងពិភពបាល់ទាត់សម្រាប់ខ្ញុំ ហើយខ្ញុំបានអភិវឌ្ឍន៍ខ្លួនបានច្រើន មិនត្រឹមតែការលេខបាល់ប៉ុណ្ណោះទេ សូម្បីតែកាយសម្បទារបស់ខ្ញុំ ក៏មានការផ្លាស់ប្តូរបែ្លកដែរ»។
គួរបញ្ជាក់ឲ្យដឹងថា ៦ឆ្នាំ ដែល Ronaldo លេងឲ្យ Manchester United កីឡាកររូបនេះស៊ុតបានចំនួន ១១៨គ្រាប់ ក្នុងការបង្ហាញខ្លួនចំនួន ២៩២ប្រកួត និងបានឈ្នះ Premier League ចំនួន ៣ដងជាប់គ្នា FA Cup ១ដង នឹង Champions League ចំនួន១ដង ផងដែរ៕
ប្រភព៖ Dailymail
ដោយឡែក ព័ត៌មានគួរឲ្យចាប់អារម្មណ៍មួយផ្សេងទៀត៖ នេះហើយលទ្ធផលបង្ករហិង្សាដាក់អាជ្ញាកណ្តាល ចុងក្រោយពិន័យមិនឲ្យលេងបាល់ទាត់មួយជីវិត
ព័រទុហ្គាល់៖ កីឡាករបាល់ទាត់សញ្ជាតិព័រទុហ្គាល់ម្នាក់ឈ្មោះ Marco Goncalves ត្រូវបានពិន័យមិនអោយលេងបាល់ទាត់ អស់មួយជីវិត ដោយសារតែរូបគេបានប្រើហិង្សា ឲ្យជង្គង់ទៅកាន់អាជ្ញាកណ្ដាលកាត់សេចក្ដី បន្ទាប់ពីទទួលបានកាតក្រហម ក្នុងការប្រកួតបាល់ទាត់នៃលីកលំដាប់ទី៤ រវាងក្រុម Canelas 2010 ទល់នឹងក្រុម Rio Tinto ។
បើយោងតាមវីដេអូបង្ហាញឲ្យឃើញថា កីឡាករ Goncalves លេងឲ្យក្រុម Canelas 2010 រូបនេះ បានទៅឈ្លោះជាមួយនឹងកីឡាកររបស់ក្រុម Rio Tinto បង្ករជាអំពើហិង្សាវាយតប់គ្នា ទើបធ្វើឲ្យអាជ្ញាកណ្ដាលសម្រេចចិត្តពិន័យកាតក្រហម។
ក្រោយមកទៀត ដោយទប់កំហឹងពុំបាន Goncalves ក៏បានឲ្យមួយជង្គង់ចំច្រមុះអាជ្ញាកណ្ដាល ស្ទើរតែសន្លប់ ធ្វើឲ្យភ្លាមៗនោះ មន្រ្ដីអាជ្ញាកណ្ដាលផ្សេងៗទៀត ក៏ដូចជាប៉ូលីស បានចូលមកឃាត់ខ្លួនរូបគេ ស្របពេលដែលលោកអាជ្ញាកណ្ដាលដែលរងគ្រោះ ត្រូវបានគេបញ្ចូនទៅកាន់មន្ទីរពេទ្យ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
