សូម្បីតែបញ្ហាស្បែកកើតមុនលើផ្ទៃមុខ ក៏អាចបង្ហាញពី បញ្ហាសុខភាព នៅខាងក្នុងរាងកាយរបស់អ្នកបានដែរ!

គ្រូពេទ្យចិនសែ តែងតែនិយាយថា ផ្ទៃមុខរបស់មនុស្ស គឺជាបង្អួច សម្រាប់មើលសុខភាពផ្ទៃខាងក្នុង។ នេះក៏ដោយសារតែ ស្បែករបស់មនុស្ស មានប្រតិកម្ម ដោយសារតែមានដំណើរការខុសប្រក្រតីណាមួយ ក្នុងរាងកាយ។

ហេតុនេះ ចង់ដឹងថា ស្ថានភាពផ្ទៃមុខ បណ្តាលមកពីបញ្ហាសុខភាពអ្វីនោះ សូមតានដានទាំងអស់គ្នា ដូចខាងក្រោមនេះ ៖

១. ត្រង់ថ្ងាស និងចិញ្ចើម

ស្នាមកន្ទួលក្រហម ឬមុន ដែលកើតនៅលើថ្ងាស ឬបរិវេណចិញ្ចើម គឺបណ្តាលមកពីបញ្ហាក្រពះពោះវៀនច្បាស់ណាស់។ ហេតុនេះ សូមអ្នកកាត់បន្ថយ ការទទួលទានអាហារចៀន ឬអាហារសំបូរជាតិខ្លាញ់ ព្រមទាំងកាត់បន្ថយការសេពគ្រឿងស្រវឹងផង ទើបជាការល្អ។ 

២. ត្រង់ច្រមុះ

មុនដែលកើតមាននៅលើច្រមុះ ជាសញ្ញា ដែលបញ្ជាក់ថាអ្នកកំពុងមានបញ្ហា ទាក់ទងនឹងសរសៃឈាមបេះដូង បណ្តាលមកពីកត្តា “ស្រ្តេស” ជាចំបង។ ហេតុនេះ អ្នកគួរតែរំសាយអារម្មណ៍ឲ្យបានធូរស្រាល និងគេងឲ្យបានគ្រប់គ្រាន់ផង។

៣. ត្រង់ត្រចៀក

នេះបើយោងតាមគ្រូពេទ្យចិន កន្ទួលក្រហម ឬមុនត្រង់ត្រចៀក អាចបណ្តាលមកពី ដំណើរការតម្រងនោម និងប្រព័ន្ធទឹកនោម មិនមានភាពប្រក្រតី។ ហេតុនេះ អ្នកគួរតែកាត់បន្ងយ ការទទួលទានជាតិប្រៃ (អំបិល) និងកាហ្វេ រួចបែរមកទទួលទានទឹក ឲ្យបានច្រើនវិញ។ 

៤. ត្រង់ថ្ពាល់

បញ្ហាស្បែក ត្រង់ថ្ពាល់ផ្ទៃខាងលើ អាចបណ្តាលមកពីបញ្ហាទងសួត និងសួត របស់អ្នក ជាពិសេស ទាក់ទងនឹងប្រព័ន្ធផ្លូវដង្ហើមតែម្តង។ បញ្ហាអាឡែស៊ី ក៏អាចជាមូលហេតុមួយផងដែរ។ រីឯ ផ្នែកថ្ពាល់ខាងក្រោម អាចបណ្តាលមកពីបញ្ហាមាត់ធ្មេញរបស់អ្នក។ ហេតុនេះ អ្នកគួរតែយកទុកដាក់លើប្រព័ន្ធផ្លូវដង្ហើមបន្ថែម ដោយឧស្សាហ៍ដើរស្រូបខ្យល់អាកាស ឈប់ជក់បារី និងកុំហិតផ្សែងបារី។ មួយវិញទៀត អ្នកគួរយកចិត្តទុកដាក់លើអនាម័យមាត់ធ្មេញ ដោយកាត់បន្ថយការបរិភោគអាហារផ្អែម និងបញ្ឈប់ការទទួលទានភេសជ្ជៈសូដា។ 

៥. ត្រង់មាត់

បញ្ហារោគសើរស្បែកនៅជុំវិញមាត់ អាចជាសញ្ញាបញ្ជាក់ថា អ្នកមានបញ្ហារំលាយអាហារ រហូតពិបាករំលាយអាហារ និងមានជំងឺពោះវៀន។ ហេតុនេះ អ្នកគួរឈប់ទទួលទានអាហារមិនល្អសម្រាប់សុខភាព (Fast food) រួចងាកមកទទួលទានអាហារ សំបូរជាតិសរសៃ ដូចជាបន្លែ និងផ្លែឈើវិញ។ 

៦. ត្រង់ចង្កា

បញ្ហានៅត្រង់កន្លែងនេះ គឺបង្ហាញពីបញ្ហា ទាក់ទងនឹងប្រព័ន្ធបន្តពូជរបស់អ្នក ឬវាអាចបណ្តាលមកពី បញ្ហាអតុល្យភាពអរម៉ូន និងវដ្តរដូវមិនប្រក្រតី។ ប្រសិនបើមុនលើចង្កានេះ មានតែមួយ អ្នកមិនចាំបាច់បារម្ភនោះទេ ប៉ុន្តែប្រសិនបើវាបន្តឡើងមិនឈប់ឈរ រយៈពេលយូរ នោះអ្នកគួរតែទៅជួបជាមួយគ្រូពេទ្យ៕ 

ប្រភព៖ Bright Side

ដោយឡែកព័ត៌មានគួរឲ្យចាប់អារម្មណ៍មួយទៀត៖

ហេតុផលគួរឲ្យភ្ញាក់ផ្អើល ដែលអ្នកមិនគួរ ប្រឹងទប់ «ផោម» នោះទេ

មនុស្សយើងភាគច្រើន ជានិច្ចជាកាល តែងតែប្រឹងទប់ផោម ដោយសារគិតថា វាជាទម្លាប់មិនល្អ និងគួរឲ្យខ្មាសគេថែមទៀត។ ប៉ុន្តែ អ្នកប្រហែលជាមិនដឹងថា ទម្លាប់មួយនេះ អាចបណ្តាលឲ្យមានបញ្ហាដល់សុខភាពនោះទេ។

ចង់ដឹងថាមានហេតុផលមិនគួរទប់ផោមអ្វីខ្លះនោះ សូមតាមដានទាំងអស់គ្នា ដូចខាងក្រោម៖

១. ផោម ជាការបញ្ចេញនូវឧស្ម័នពុលចេញពីរាងកាយ តាមធម្មជាតិ។ ហេតុនេះ ប្រសិនបើអ្នកទប់ផោម គឺដូចជារក្សាទុកឧស្ម័នពុល នៅក្នុងរាងកាយ យ៉ាងអ៊ីចឹង។

២. ការទប់ផោម អាចបង្កជាសម្ពាធទៅដល់ ពោះវៀន បានយ៉ាងខ្លាំង។ ជួនកាល វាបណ្តាលឲ្យស្ទះ ឬធ្វើឲ្យគន្លាក់ពោះវៀន ឡើងពកទៀតផង។

៣. នៅពេលដែលអ្នកទប់ផោម ឧស្ម័នពុលទាំងឡាយ នឹងបុកឡើងទៅក្រពះវិញ ដែលនឹងធ្វើឲ្យក្រពះរបសអ្នក ពោរពេញទៅដោយជាតិពុលជាក់ជាមិនខាន។

៤. អ្នកប្រហែលជាធ្លាប់ដឹងហើយថា ប្រសិនបើអ្នក ប្រឹងទប់ផោម នោះផោមនឹងកាន់តែរីកធំខ្លាំង រហូតទប់មិនជាប់ ហើយថែមទាំងអាចមានក្លិនស្អុយជាងធម្មតាថែមទៀត។

៥. នៅពេលដែលអ្នកស្រេកទឹក ឬឃ្លាន អ្នកប្រាកដជា បញ្ចេញសំលេងកូរពោះ។ ប៉ុន្តែ អ្នកដឹងទេថា ការទប់ផោម ក៏អាចបណ្តាលឲ្យមាន សំឡេងកូរពោះកាន់តែឮខ្លាំងដែរ ដោយសារតែឧស្ម័នពុលបុកឡើងទៅលើវិញ។

៦. នៅក្នុងករណីកម្រខ្លះ អ្នកដែលមានក្រពះ ឬពោះវៀនខ្សោយ នឹងអាចទទួលរងការបំផ្លាញពីឧស្ម័នពុល ដែលភាយឡើងមកលើវិញ ដោយសារតែទប់មិនបញ្ចេញ។ ហេតុនេះ ដើម្បីការពារជំងឺក្រពះពោះវៀនផ្សេងៗ អ្នកមិនគួរទប់ផោមនោះទេ។

៧. ការទប់ផោម ក៏អាចបណ្តាលឲ្យហើមពោះ ប្រព័ន្ធរំលាយអាហារមិនដំណើរការ ព្រមទាំងក្រហាយទ្រូង ថែមទៀត ពីព្រោះ ឧស្ម័នពុលនឹងបុកឡើងមកលើវិញ ដូចបានរៀបរាប់ខាងលើអ៊ីចឹង។

៨. ជាក់ស្តែង ការផោម មិនមែនជារឿងដែលគួរឲ្យខ្មាសនោះទេ ដោយសារតែវាជា ការបញ្ចេញឧស្ម័នពុល បែបធម្មជាតិ ដែលមិនមែនមានតែមនុស្សយើងឯណា សូម្បីតែសត្វល្អិតក៏វាចេះផោមដែរ។

*** ហេតុនេះលើកក្រោយ ប្រសិនបើអ្នកចង់ផោម អ្នកអាចដើរចេញឲ្យឆ្ងាយ ឬទៅបន្ទប់ទឹក ដើម្បីផោមក៏បាន ជាជាងទប់វាចូលទៅក្នុងរាងកាយវិញ៕