ភ្នំពេញ៖ តារាចម្រៀងកញ្ញា គង់ ច័ន្ទរដ្ឋា បង្ហើបថា សម្រាប់ការ បញ្ចោញភាពសិចស៊ី របស់ខ្លួនថតស្ទាយបែបនេះ ដែលមើលទៅដូច ឈុតស្រាត ដែលគ្រាន់បិទបន្តិច គឺគូដណ្តឹងបាន អនុញ្ញាតថតសិចស៊ីគ្រប់យ៉ាង ។
តារាស្រីមានសំណាង គង់ ច័ន្ទរដ្ឋា បញ្ជាក់ថា រូបថត ស៊ិចស៊ីជាច្រើនសន្លឹក ដែលនាងបង្ហោះជាបន្តតាំងចុង ឆ្នាំ២០១៦នេះ គ្រាន់តែជាស្ទាយថ្មី ដោយចង់មានការ ផ្លាស់ប្តូរបន្តិចឱ្យប្លែកភ្នែក ថែមទៀត ប៉ុណ្ណោះ ។
ម្យ៉ាងរូបទាំងនោះ នាងបាន ថតឱ្យទស្សនាវដ្តី បរទេសដែលគេប្រើ ប្រាស់បច្ចេកទេស មើលទៅដូចពិត ដែលនាងថត ដោយដោះខោអាវ បញ្ចោញទាំងល្វែងលើ និងក្រោម ។ ប៉ុន្តែ ការពិតនាងបានស្លៀកពាក់ បិទជិត កន្លែងសំខាន់ៗទាំងអស់ ហើយអ្នកថតរូប គេប្រើការកាត់ត ឱ្យមើលដូចនាងថត បញ្ចោញឈុតស្រាត ។
តារាចម្រៀងស្រី ប្រចាំផលិតកម្ម 7 Music កញ្ញាគង់ ច័ន្ទរដ្ឋា បានប្រាប់ថា រូបថតទាំងនេះ ក្រោយពីបង្ហាញនោះ មានការគាំទ្រ និងសរសើរចំពោះ ការបញ្ចោញឈុតបែបនេះ ដោយគ្មានការ រិះគន់ និងការប្រមាថអ្វីឡើយ ។ អ្នកខ្លះបានសរសើរ និងគាំទ្រចំពោះការហ៊ាន ថតស្ទាយបែបនេះ ដែលមើលទៅដូច ឈុតស្រាត ដែលគ្រាន់បិទបន្តិច ប៉ុន្តែ គេប្រើបច្ចេកទេសឱ្យល្អ សម្រាប់ឆ្នាំថ្មី ប្លែកភ្នែកប៉ុណ្ណោះ ។
ទោះបីជានាងថតបែបនេះ ក៏ ពិតមែន ប៉ុន្តែគូដណ្តឹងរបស់នាងមិន បានខឹងសម្បា និងព្រមឱ្យទៅថតគ្រប់ គ្រង នាងជាមួយការជូនដំណើរ និង មើលថែពេលថត ។ តារាចម្រៀងស្រីចូលភាព ឡូយឆាយរូបនេះ បាននិយាយថា គូដណ្តឹងរបស់នាង គឺពិធីករបងប្អូនភ្លោះ លោកស៊ិន សុភាបានភ្ជាប់ពាក្យ រួចហើយ បានប្រហែល ជាងមួយឆ្នាំមកហើយ ប៉ុន្តែនាងមិនបាន ប្រកាសពីដំណឹងពិធីភ្ជាប់ របស់នាង និង គូដណ្តឹង ដោយសារនាងខ្ជិលឱ្យមាន ការភ្ញាក់ផ្អើលគ្រាន់តែចង់ឱ្យគ្រួសារសង ខាងដឹងឮប៉ុណ្ណោះ ។
ក្រោយនាងក្លាយ ជានារីគូជីវិត របស់តារាប្រុសម្នាក់នេះ លោកស៊ិន សុភា តែងតែតាមមើលថែ និងយកចិត្តទុកដាក់ទាំងការងារ និង ការរស់នៅ ហើយជាពិសេសគូស្នេហ៍ មួយគូនេះបានអះអាងកំពុងតែខំប្រឹង រកលុយ ដើម្បីសន្សំឱ្យបានច្រើន ដើម្បីកសាងជីវិតគ្រួសារ រស់នៅជាមួយគ្នា នាពេលខាងមុខនេះផងដែរ ។
រូបភាពសិចស៊ីឬថតស្ទើរ ស្រាត ដែលកំពុងមានការពេញចិត្តពី អ្នកគាំទ្រប្រុសៗ ។ ជាមួយគ្នានោះ តារា ស្រីរូបនេះ បញ្ជាក់ថា សម្រាប់ការថត បែបនេះ នាងមិនមែនទៅថតម្នាក់ឯង នោះទេ នាងបានទៅជាមួយគូដណ្តឹង របស់នាង គឺពិធីករទូរទស្សន៍ លេខ៣ លោកស៊ិន សុភា ដែលជាតារាកូនភ្លោះ ជាមួយលោកស៊ិន សុភ័ក្ត្រ ។
សូមជម្រាបថា តារាចម្រៀងស្រី ប្រចាំផលិតកម្ម 7 Music គង់ ចាន់រដ្ឋា និង លោក ស៊ិន សុភា បានភ្ជាប់ពាក្យជាមួយគ្នាជិត១ឆ្នាំមកហើយ បែបនេះក្ដីអ្នកទាំង២មិនទាន់មានគម្រោងរៀបការនៅឡើយទេ។ កញ្ញាបានចំណាយ ពេលវេលាផលិត និងនិពន្ធបទចម្រៀងOriginal Song លើកដំបូង ហើយមានក្តីរំពឹងខ្ពស់ថា នឹងទទួលបានការ ចាប់អារម្មណ៍គាំទ្រ ពីមហាជនគ្រប់ស្រទាប់វ័យ និងសូមអំពាវនាវឲ្យមហាជន និងកូនខ្មែរផ្តល់កំលាំងចិត្ត លើកកម្ពស់រាល់បទចម្រៀង Original Song ដែលផលិតដោយស្នាដៃ កូនខ្មែរផង ។
បច្ចុប្បន្នក្រៅពីអាជីពសិល្បៈ ពេលនេះនាងបានបង្កើតគំណិតថ្មី ដោយបានដំណើរការបើកអាជីព បន្ថែមពីលើការងារសិល្បៈ គឺលក់ជ្រក់ជើងមាន់ទឹកភ្នែក តាមអនឡាញ ៕
ប្រភព៖ ដើមអម្ពិល
ដោយឡែក ព័ត៌មានគួរឲ្យចាប់អារម្មណ៍មួយផ្សេងទៀត៖
មិននឹកស្មានថា កូនស្រីសុខ សោម៉ាវត្តី និយាយភាសាអង់គ្លេសបានល្អ ដល់ថ្នាក់នេះសោះ (មានវីដេអូ)
ភ្នំពេញ៖ ទោះបីជា តារាសម្តែងស្រី ដ៏ល្បីល្បាញ អ្នកនាង សុខ សោម៉ាវត្តី មានភាពមមាញឹក នឹងការងារសិល្បៈក៏ដោយ ក៏នាងមិនភ្លេចផ្តល់ភាពកក់ក្តៅ ឲ្យកូនជាទីស្រលាញ់របស់នាងនោះទេ ដែលជារឿយៗនាង តែងនៅក្បែរ និងនាំកូន ដើរកំសាន្តលេង។
ថ្មីៗនេះដែរ អ្នកនាង សុខ សោម៉ាវត្តី បាននាំកូនស្រី ឈ្មោះចាស្មីន ទៅញ៉ាំអាហារ ជាមួយនឹងប្អូនស្រីនាងម្នាក់ទៀត។ ឆ្លៀតក្នុងពេលនោះ នាងក៏បាននិយាយលេង ជាមួយនឹងកូនបណ្តើរ នៅក្នុងរថយន្ត។
តែអ្វីដែលចាប់អារម្មណ៍នោះ គឺកូនស្រីរបស់អ្នកនាង សុខ សោម៉ាវត្តី អាចនិយាយ ជាមួយនឹងនាង ជាភាសាអង់គ្លេសបានយ៉ាងល្អ ដូចជាមនុស្សពេញវ័យ។ ជាពិសេស រូបគេថែមទាំង ចងចាំពាក្យជាច្រើនទៀត ធ្វើឲ្យអ្នកនាង សុខ សោម៉ាវត្តី មានការរំភើបចិត្ត ដែលកូននាង ឆ្លាត និងប្រើប្រាស់ភាសាអង់គ្លេសបានយ៉ាងស្ទាត់ជំនាញ ទាំងដែលពេលនេះ គេមានវ័យតែប៉ុន្មានឆ្នាំប៉ុណ្ណោះ។
ក្នុងនោះដែរ ក៏មានអ្នកលេងបណ្តាញសង្គមភាគច្រើន បានសរសើរពីកូនស្រីរបស់នាង ដែលចេះនិយាយភាសាអង់គ្លេស បានល្អដូច្នេះ ហើយអ្នកខ្លះ បានពោលពាក្យថា អាយុប៉ុណ្ណឹងសោះ និយាយភាសាអង់គ្លេសបានល្អទៅហើយ ចុះទម្រាំធំទៀតនោះ៕
ចង់ដឹងថា កូនស្រីអ្នកនាង សុខ សោម៉ាវត្តី និយាយអង់គ្លេសល្អប៉ុណ្ណា តោះទស្សនាវីដេអូខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
