ខេត្តបាត់ដំបង ៖ បុរសវ័យចំណាស់ម្នាក់ត្រូវកម្លាំងកងរាជអាវុធហត្ថកសាងសំណុំរឿងបញ្ជូនទៅតុលាការនៅរសៀលថ្ងៃទី២៦ ខែមីនានេះ ក្រោយពីឃាត់ខ្លួនពាក់ព័ន្ធករណីរំលោភសេពសន្ថវៈទៅលើក្មេងស្រីអាយុ៦ឆ្នាំម្នាក់ នៅស្រុករតនៈមណ្ឌល។
លោក ឡាច វ៉ាន់ ប្រធានការិយាល័យប្រឆាំងបទល្មើសព្រហ្មទណ្ឌ នៃបញ្ជាការកងរាជអាវុធហត្ថខេត្តបានឲ្យដឹងថា ជនសង្ស័យឈ្មោះ កែវ ពៅ អាយុ៦២ឆ្នាំ នៅភូមិស្ដៅ ឃុំស្ដៅ ស្រុករតន:មណ្ឌល។ ជននេះត្រូវសមត្ថកិច្ចឃាត់ខ្លួនកាលពីរសៀលថ្ងៃទី២៥ មីនា បន្ទាប់ពីស្ត្រីឈ្មោះ ឯក ពៅ អាយុ៤៩ឆ្នាំ ប្ដឹងចោទប្រកាន់ថា បានចាប់កូនស្រីគាត់អាយុ៦ឆ្នាំ រំលោភសេពសន្ថវៈកាលពីថ្ងៃទី១១ មីនា ពេលនាងទៅលេងផ្ទះជនសង្ស័យ។
ម្តាយក្មេងស្រីរងគ្រោះបាននិយាយថា ដំបូងគាត់មិនបានដឹងទេ តែនៅព្រឹកថ្ងៃទី២៥ មីនា កូនស្រីរបស់គាត់ចេះតែត្អូញត្អែរដដែលៗប្រាប់គាត់ថា នាងឈឺប្រដាប់ភេទ លុះពេលគាត់ពិនិត្យឃើញហើម និងស្នាមរលាកធ្ងន់ធ្ងរ។ អ្នកស្រីបញ្ជាក់ថា ពេលគាត់សួរនាំ ទើបនាងនិយាយប្រាប់ថា ឈ្មោះកែវ ពៅ បាននាងរំលោភពេលនាងទៅលេងផ្ទះគាត់។ ក្រោយពីដឹងការពិត អ្នកស្រីក៏ទៅប្ដឹងសមត្ថកិច្ចឲ្យឃាត់ខ្លួនជនតិរច្ឆាននេះតែម្ដងទៅ។
បើតាមការបំភ្លឺពីក្មេងស្រីរងគ្រោះបាននិយាយថា តាពៅតែងចាប់នាងរំលោភ ពេលនាងទៅលេងផ្ទះគាត់ ដែលឪពុកម្ដាយនាងទៅចំការអស់។ នាងប្រាប់ថា តាពៅធ្លាប់ចាប់នាងរំលោភច្រើនដងមកហើយនៅលើពូក។ ប៉ុន្តែជនសង្ស័យឈ្មោះកែវ ពៅ បានបដិសេធថា ខ្លួនមិនបានប្រព្រឹត្តច្រើនលើកដូចការចោទប្រកាន់របស់ក្មេងស្រីនេះទេ តែជននេះបានសារភាពថា ខ្លួនពិតជាបានចាប់នាងរំលោភមែន។ ជននេះនិយាយថា ខ្លួនបានចាប់នាងរំលោភពេលនាងទៅលេងផ្ទះខ្លួនស្ងាត់គ្មានមនុស្សនៅ។
ប្រធានការិយាល័យប្រឆាំងបទល្មើសព្រហ្មទណ្ឌ បញ្ជាការកងរាជអាវុធហត្ថខេត្ត លោកឡាច វ៉ាន់ បាន និយាយថា បើតាមចម្លើយជនរងគ្រោះបានប្រាប់ថា ពេលជនសង្ស័យតែងហៅឲ្យនាងមើលរឿងក្នុងទូរស័ព្ទ តែនាងមិនដឹងរឿងអ្វីទេ លុះក្រោយមកចាប់នាងរំលោភតែម្ដង។
លោកបានបញ្ជាក់ថា ក្រោយពីសួរនាំលោកមេបញ្ជាការខេត្ត បានបញ្ជាឲ្យកសាងសំណុំរឿងបញ្ជូនទៅកាន់តុលាការនៅរសៀលថ្ងៃទី២៦ មីនា នេះហើយ៕
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ កំពុងតែដេកលើម៉ូតូ ស្រាប់តែមិនដឹងចេញមកពីណាក៏...
រាជធានីភ្នំពេញ ៖ មានរថយន្តTRITON ពណ៍ទឹកប្រាក់ ពាក់ស្លាកលេខ រដ្ឋ0331 បើកបរដោយបុរសម្នាក់សង្ស័យស្រវឹងបើកបុករះម៉ូតូរ៉ឺកម៉កកង់បីចតចោលចំនួន2គ្រឿង និងរថយន្តហាយឡែនឌឺ ពណ៌ទឹកប្រាក់ បណ្ដាលឱ្យមានអ្នករបួសម្នាក់ក្នុងហេតុការនេះ ចំណែករថយន្តបង្កបើករត់គេចខ្លួនបាត់កាលវេលាម៉ោង10យប់ថ្ងៃទី25 ខែមីនា ឆ្នាំ2017 នៅចំណុចផ្លូវលេខ221 កែងផ្លូវ122 ស្ថិតនៅសង្កាត់ផ្សារដេប៉ូ3 ខណ្ឌទួលគោក រាជធានីភ្នំពេញ ។
ប្រភពព័ត៌មានពីអ្នកឃើញហេតុការណ៍បានប្រាប់ថា ដោយមុនកើតហេតុឃើញរថយន្តបង្កហេតុម៉ាក TRITON ពណ៍ទឹកប្រាក់ ពាក់ស្លាកលេខ រដ្ឋ0331 បើកបរដោយបុរសម្នាក់ក្នុងទិសដៅពីកើតទៅលិចតាមផ្លូវ122សង្ស័យស្រវឹងទើបបុកម៉ូតូរ៉ឺកម៉កកង់បីចំនួន2គ្រឿងក្រឡាប់ផ្ងារជើង និងមួយគ្រឿងខូចខាតតិចតួចទេ និងរថយន្តម៉ាកហាយឡែនឌឺ ពណ៌ទឹកប្រាក់ មួយគ្រឿងថែមនិងថូសំរាប់ដាំផ្កាបែកអស់1ផងដែរ ។
ជនរងគ្រោះមានឈ្មោះ អៀម រីម ភេទប្រុស អាយុ52ឆ្នាំ មុខរបររត់ម៉ូតូរ៉ឺកម៉កកង់បីស្នាក់នៅលើម៉ូតូកង់បីមានស្រុកកំណើតនៅភូមិអង្គរជ័យ ខេត្តកំពត បានប្រាប់អ្នកយកព័ត៌មានថា មុនកើតហេតុគាត់បានដេកនៅលើម៉ូតូរ៉ឺកម៉កកង់បីរងចាំដឹកម៉ូយតែមិនដឹងថា រថយន្តម៉ាកអ្វីឬបើកតាមផ្លូវណាទេមកបុករូបគាត់កំពុងតែដេកលើម៉ូតូរ៉ឺកម៉កកង់បីបណ្ដាលរ៉ឺកម៉កក្រឡាប់បណ្ដាលគាត់គ្រិចចង្កេះ និងត្រូវអ្នកម៉ូតូ និងរត់រ៉ឺកម៉កដូចគ្នាជួយលើគាត់ចេញពីម៉ូតូហើយដាក់ម៉ូតូកង់បីយកទៅមន្ទីរពេទ្យដើម្បីព្យាបាលរបួសហើយចំណែកកង់បីខូតខាតស្ទើរទាំងសុងក៏ប្រគល់ឱ្យសមត្ថកិច្ចវាស់វែង និងចាំដាក់ពាក្យបណ្ដឹងតាមក្រោយទៀត ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
