(ភ្នំពេញ)៖ ក្រោយពីបានទៅដល់ប្រទេសហ៊្សកដានី កាលពីថ្ងៃទី២៤ ខែមីនា ឆ្នាំ២០១៧កន្លងទៅនេះ ក្រុមបាល់ទាត់ជម្រើសជាតិកម្ពុជា ឬក្រុមគោព្រៃកម្ពុជា មានរយៈពេល៥ថ្ងៃ សម្រាប់ការហ្វឹកហាត់ ដើម្បីត្រៀមប្រកួតពានរង្វាន់ AFC Asian Cup UAE 2019 ជាមួយនឹងជម្រើសជាតិហ៊្សកដានី នៅថ្ងៃទី២៨ ខែមីនា ឆ្នាំ២០១៧ ខាងមុខនេះ។
ក្នុងការប្រកួតដើម្បីដណ្ដើរយកកៅអីពានរង្វាន់ AFC Asian Cup UAE 2019 ដែលក្រុមគោព្រៃកម្ពុជា ស្ថិតក្នុងពូល C ប៉ះសុទ្ធតែក្រុមជើងខ្លាំងមានដូចជា៖ អាហ្វហ្គានីស្ថាន, វៀតណាម, និងហ្សកដានី ក្រោមការដឹកនាំថ្មីរបស់គ្រូបង្វឹកថ្មីរបស់កម្ពុជាលោក Leonardo Luiz សញ្ជាតិប្រស៊ីល ដែលកំពុងទទួលបានការចាប់អារម្មណ៍ពីមហាជន។
កីឡាករដែលកំពុងហ្វឹកហាត់ នៅប្រទេសហ៊្សកដានី រួមមាន៖ អ៊ុ សេរីរត្នន៍, កែវ សុខសិលា, អោម ឧត្តម, ណុប តុលា, ឆោម ពិសា, សឿយ វិសាយ, សរ ពិសិដ្ឋ, សឿត បារាំង, ពុំ តុលា, រស់ សំអឿន, សំអឿន ពិដោរ, ប៊ិន ធារី, ហូយ ផល្លីន, ច្រឹង ពលរដ្ឋ, សុះ ស៊ូហាណា, ទិត្យ ឌីណា, ប្រាក់ មុន្នីឧត្តម , ចាន់ វឌ្ឍនាកា, អុល រ៉ាវី, ឃួន ឡាបូរ៉ាវី, កែវ សុខផេង, ឆេង ម៉េង និងសួង វិរៈ។
សូមជម្រាបថា ការប្រកួតរវាងប្រទេសទាំងពីរ នឹងចាប់ផ្ដើមម៉ោង១១៖០០ យប់ (ម៉ោងនៅកម្ពុជា) នៃកម្មវិធីប្រកួតវគ្គជម្រុះ AFC Asian Cup 2019 នៅកីឡដ្ឋាន Amman International Stadium នៃប្រទេសហ៊្សកដានី ដែលអាចផ្ទុកអ្នកទស្សនាបានចំនួន២៥០០០នាក់។
ខាងក្រោមនេះ ជាកម្រងរូបភាពក្រុមបាល់ទាត់ជម្រើសជាតិកម្ពុជា ហ្វឹកហាត់ដើម្បីត្រៀមប្រកួត ជាមួយក្រុមជម្រើសជាតិហ៊្សកដានី៖
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ David Beckham សម្រេចចិត្តដាក់ដេញថ្លៃរថយន្ត Ferrari ស៊េរី២០០១ របស់ខ្លួន តម្លៃវិញក៏មិនថោកដែរ
អង់គ្លេស៖ វីរៈបុរសបាល់ទាត់ប្រចាំក្លិប Manchester United និងជម្រើសជាតិអង់គ្លេស កីឡាករ David Beckham ពេលនេះបានសម្រេចិត្តដាក់រថយន្តស្ព័ររបស់ខ្លួន លក់ដេញថ្លៃហើយនៅសប្តាហ៍ក្រោយ។
រថយន្ត Ferrari 360 Spider F1 ពណ៌ខ្មៅ ស៊េរី២០០១ នឹងត្រូវដាក់លក់ដេញថ្លៃនៅសារមន្ទីរ Imperial War ស្ថិតក្នុងទីក្រុង Duxford ប្រទេសអង់គ្លេស ថ្ងៃពុធសប្តាហ៍ក្រោយនេះ។
គួរឲ្យដឹងថា ដោយសារតែរថយន្តមួយគ្រឿងនេះជាកម្មសិទ្ធិផ្ទាល់របស់កំពូលកីឡាករបាល់ទាត់ David Beckham នោះតម្លៃរបស់វានឹងត្រូវកំណត់ដេញថ្លៃចាប់ពី ១០មឺុនផោនឡើងទៅ (ជាង១២មឺុនដុល្លារអាមេរិក) ។
បន្ថែមពីនេះទៀត Ferrari ស៊េរីឆ្នាំ២០០១មួយគ្រឿងនេះ ក៏ត្រូវបានអ្នកជំនាញមកពីក្រុមហ៊ុន H&H និងជាអ្នកទទួលដាក់លក់ដេញថ្លៃ បានរំពឹងតម្លៃទីផ្សារតែ ៨៥,០០០ផោន ទៅ ៩៥,០០០ផោនតែប៉ុណ្ណោះ។
គួរបញ្ជាក់ផងដែរថា វីរៈបុរសបាល់ទាត់ David Beckham បានទិញរថយន្តមួយគ្រឿងនេះតាំងពីលេងឲ្យក្លិប Manchester United អំឡុងឆ្នាំ២០០០មកម្ល៉េះ ហើយរូបភាពរបស់ Beckham បើកបររថយន្ត Ferrari មួយគ្រឿងនេះចេញចូលកីឡដ្ឋាន Old Trafford ក៏ត្រូវគេថតបានជាច្រើនលើកផងដែរ។
រថយន្ត Ferrari 360 Spider F1 នេះមានល្បឿនអតិបរមា ២៩០គ.ម/ម៉ោង និងធ្លាប់ធ្វើដំណើរបានចម្ងាយជាង១២ពាន់គីឡូម៉ែត។
មុននឹងដាក់លក់ដេញថ្លៃ លោក Damien Jones ជាប្រធានផ្នែកលក់នៅក្រុមហ៊ុន H&H បានឲ្យដឹងថា «រថយន្ត Ferrari 360 សុទ្ធតែជារថយន្តស្រួលជិះ និងបង្កភាពងាយស្រួល មួយវិញទៀតជាមួយនឹងម្ចាស់កម្មសិទ្ធិរបស់រថយន្តជាអតីតកីឡាករ និងវីរៈបុរសបាល់ទាត់ផង រថយន្តមួយគ្រឿងនេះកាន់តែពិសេសទៅទៀត» ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
