(ភ្នំពេញ)៖ ខ្លោងទ្វាអង្គរសង្ក្រាន្ដ ត្រូវបានបង្ហោះជាសាធារណៈ ដើម្បីបង្ហាញជូនប្រជាពលរដ្ឋ ក្រោយពីក្រុមការងាររៀបចំព្រឹត្តិការណ៍អង្គរសង្ក្រាន្ត រួមជាមួយនឹងសាស្រ្តាចារ្យ ប្រវត្តិវិទូ និងសិល្បករជំនាញៗ សហការគ្នាសិក្សាពីប្រវត្តិក្បូក្បាច់ស្ថាបត្យកម្ម បង្កើតចេញជាស្នាដៃថ្មីៗ គួរជាទីមោទន:។
តាមរយៈរូបភាពដែលបានបង្ហោះនោះ យើងសង្កេតឃើញថា ក្បាច់ដែលរចនាឡើង សុទ្ធតែជាក្បាច់របស់ខ្មែរ ដែលក្នុងនោះរួមមាន៖ ក្បាច់ត្របកឈូកអង្គរ, ក្បាច់ចកអង្គរ, ក្បាច់ចង្វាយអង្គរ, ក្បាច់ពងត្រី, ក្បាច់អង្គរសន្លឹកទម្រង់ហៀនបំបែក, សត្វហង្ស, ព្វរ៉ា, កូនក្រឡឹងកំពូលពេជ្យ ឬកំពូលមិត និងក្បាច់ហោជាង។
សូមបញ្ជាក់ថា ព្រឹត្តិការណ៍អង្គរសង្រ្កាន្ត នឹងប្រព្រឹត្តទៅចាប់ពីថ្ងៃទី១៤ ដល់ថ្ងៃទី១៦ ខែមេសា ខាងមុខនេះ នឹងមានកម្មវិធីជាច្រើន ដែលសុទ្ធសឹងតែឆ្លុះបញ្ចាំងពីអរិយធម៌ វប្បធម៌ ទំនៀមទំលាប់ និងប្រពៃណីខ្មែរ ដូចជាកម្មវិធី មហោស្រពវប្បធម៌បុរាណ ក្រោមទិដ្ឋភាព «ប្រវត្តិមួយសតវត្សន៍ នៃរបាំព្រះរាជទ្រព្យខ្មែរ» ចាប់ពីឆ្នាំ១៩០៦ ដល់ឆ្នាំ២០១៦ ក្រោមស្នាព្រះហស្ថរបស់ សម្តេចព្រះរាម នរោត្តម បុប្ផាទេវី និងសិល្បៈល្ខោនខោល ដែលនឹងត្រូវបានយកមកសម្តែង ជាផ្ទាំងទស្សនីយភាពទ្រង់ទ្រាយធំ ក្រោមការរៀបចំតម្លើង និងដឹកនាំដោយក្រសួងវប្បធម៌ និងវិចិត្រសិល្បៈ។
គួររំឭកថា នេះជាលើកទី០៥ ហើយដែលសហភាពសហព័ន្ធ យុវជនកម្ពុជាសហការជាមួយស្ថាប័ន និងអាជាធរពាក់ព័ន្ធ បានរួមគ្នារៀបចំព្រឹត្តិការណ៍ អង្គរសង្ក្រាន្តលើទឹកដីដ៏ពិសិដ្ឋ នៃខេត្តសៀមរាប៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ អស់ទាស់! ឲ្យគេដេកអង្អែលលេងមួយសន្ទុះស្មានថាប្តី លុះចាប់ផ្តើមរួមរ័ក្ស ទើបដឹងថាមិនមែនប្តី ក៏ប្តឹងសមត្ថកិច្ចឲ្យចាប់ខ្លួន
(ព្រះវិហារ)៖ បុរសជាជនសង្ស័យម្នាក់ ត្រូវបាននគរបាលក្រុងព្រះវិហារ ឃាត់ខ្លួន បន្ទាប់ពីទទួលពាក្សបណ្តឹងថា បានចាប់រំលោភសេពសន្ថវៈ។ ការឃាត់ខ្លួនជនសង្ស័យរូបនេះ ធ្វើឡើងនៅរសៀល ថ្ងៃទី២៥ ខែមីនា ឆ្នាំ២០១៧នេះ។
លោកវរសេនីយ៍ត្រី គង់ គា អធិការនគរបាលក្រុងព្រះវិហារ បានឲ្យដឹងថា ជនសង្ស័យដែលសមត្ថកិច្ចឃាត់ខ្លួន ឈ្មោះ ហ៊ុន យក្ស អាយុ២៧ឆ្នាំ រស់នៅភូមិហ្មសែត សង្កាត់ប៉ាហាល ក្រុងព្រះវិហារ ចំណែកជនរងគ្រោះមានឈ្មោះ វ.ស.អ អាយុ២០ឆ្នាំ មានប្តី និងកូនម្នាក់រស់នៅក្រុងព្រះវិហារ។
លោកអធិការក្រុងបានបញ្ជាក់ថា «មុនពេលកើតហេតុជនសង្ស័យ និងប្តីជនរងគ្រោះជាមិត្តភ័ក្រគ្នា បានផឹកស៊ីនៅផ្ទះជនរងគ្រោះ ចំណែកស្ត្រីជាជនរងគ្រោះមិននៅផ្ទះទេ គឺរវល់ដកដំឡូងនៅចំការ លុះល្ងាចបន្តិចជនសង្ស័យ បានទិញទាឲ្យស្ត្រីរងគ្រោះ ធ្វើក្លែមបន្ត ហើយខ្លួនបានទៅទិញស្រាបៀមួយកេស មកផឹកបន្តនៅផ្ទះជនរងគ្រោះជុំគ្នាទៀត។ ការផឹកចេះតែបន្តរហូត ដល់យប់ជ្រៅអស់ស្រា៣កេស ដោយឡែកស្ត្រីរងគ្រោះ ត្រូវជនសង្ស័យបង្ខំឲ្យផឹកអស់កន្លះកំប៉ុងដែរ រួចក៏បានដេករៀងៗខ្លួន បុរសជាប្តីសន្លប់ស្តូកស្តឹង ដេកនៅលើផ្ទះម្ខាង ហើយស្ត្រីរងគ្រោះដេកម្ខាង ចំណែកជនសង្ស័យដេកក្រោមផ្ទះ»។
លោកថា ជនសង្ស័យដែលមានបំណងនោះ មិនបានដេកទេដោយធ្វើសួរស្ត្រីរងគ្រោះថា «មិនហៅបងដេកជាមួយទេអី» ពេលនោះស្ត្រីរងគ្រោះឆ្លើយថា «បងនិយាយឲ្យស្រួលបួលព្រោះប្តីខ្ញុំនៅហ្នឹងទេ» ដោយអស់កម្លាំងធ្វើការពីថ្ងៃ នារីរងគ្រោះបានដេកលង់លក់ទៅ ស្របពេលនោះជនសង្ស័យ បានឡើងដេកក្រោយខ្នងនារីរងគ្រោះ ដោយនារីរងគ្រោះ មិនបានចាប់អារម្មណ៍ស្មានថា ប្តីរបស់ខ្លួន ក៏បណ្តោយឲ្យជនសង្ស័យលេងសព្វរាងកាយ លុះចាប់ផ្តើមរួមរ័ក្ស នារីរងគ្រោះដឹងថា មិនមែនជារបស់ប្តីរបស់ខ្លួនក៏រុញចេញ។ លុះព្រឹកឡើងជនរងគ្រោះបានប្តឹង សមត្ថកិច្ចឲ្យចាប់ខ្លួនតែម្ដង ហើយនៅចំពោះមុខសមត្ថកិច្ច ជនសង្ស័យបានសារភាពថា ខ្លួនពិតជាបានចាប់រំលោភនារីរងគ្រោះពិតប្រាកដមែន។
បច្ចុប្បន្នជនសង្ស័យត្រូវបាន កម្លាំងនគរបាលជំនាញកំពុងកសាងសំណុំរឿង ដើម្បីចាត់វិធានការតាមច្បាប់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]