រាជធានី​ភ្នំពេញ ៖ មាន​រថយន្ត​TRITON ព​ណ៍​ទឹកប្រាក់ ពាក់​ស្លាក​លេខ រដ្ឋ​0331 បើកបរ​ដោយ​បុរស​ម្នាក់​សង្ស័យ​ស្រវឹង​បើក​បុក​រះ​ម៉ូតូ​រ៉ឺ​ក​ម៉ក​កង់​បី​ចត​ចោល​ចំនួន​2​គ្រឿង និង​រថយន្ត​ហា​យ​ឡែ​ន​ឌឺ ពណ៌​ទឹកប្រាក់ បណ្ដាល​ឱ្យ​មាន​អ្នក​របួស​ម្នាក់​ក្នុង​ហេតុ​ការ​នេះ ចំណែក​រថយន្ត​បង្ក​បើក​រត់គេច​ខ្លួន​បាត់​កាល​វេលា​ម៉ោង​10​យប់​ថ្ងៃ​ទី​25 ខែមីនា ឆ្នាំ​2017 នៅ​ចំណុច​ផ្លូវ​លេខ​221 កែង​ផ្លូវ​122 ស្ថិត​នៅ​សង្កាត់​ផ្សារ​ដេប៉ូ​3 ខណ្ឌទួលគោក រាជធានី​ភ្នំពេញ ។

ប្រភព​ព័ត៌មាន​ពី​អ្នក​ឃើញ​ហេតុការណ៍​បាន​ប្រាប់​ថា ដោយ​មុន​កើតហេតុ​ឃើញ​រថយន្ត​បង្កហេតុ​ម៉ាក TRITON ព​ណ៍​ទឹកប្រាក់ ពាក់​ស្លាក​លេខ រដ្ឋ​0331 បើកបរ​ដោយ​បុរស​ម្នាក់​ក្នុង​ទិស​ដៅ​ពី​កើត​ទៅ​លិច​តាម​ផ្លូវ​122​សង្ស័យ​ស្រវឹង​ទើប​បុក​ម៉ូតូ​រ៉ឺ​ក​ម៉ក​កង់​បី​ចំនួន​2​គ្រឿង​ក្រឡាប់​ផ្ងារជើង និង​មួយ​គ្រឿង​ខូចខាត​តិចតួច​ទេ និង​រថយន្ត​ម៉ាក​ហា​យ​ឡែ​ន​ឌឺ ពណ៌​ទឹកប្រាក់ មួយ​គ្រឿង​ថែម​និង​ថូ​សំរាប់​ដាំ​ផ្កា​បែក​អស់​1​ផង​ដែរ ។

ជន​រង​គ្រោះ​មានឈ្មោះ អៀម រី​ម ភេទ​ប្រុស អាយុ​52​ឆ្នាំ មុខរបរ​រត់​ម៉ូតូ​រ៉ឺ​ក​ម៉ក​កង់​បី​ស្នាក់​នៅ​លើ​ម៉ូតូ​កង់​បី​មានស្រុក​កំណើត​នៅ​ភូមិ​អង្គរ​ជ័យ ខេត្តកំពត បាន​ប្រាប់​អ្នក​យក​ព័ត៌មាន​ថា មុន​កើតហេតុ​គាត់​បាន​ដេក​នៅ​លើ​ម៉ូតូ​រ៉ឺ​ក​ម៉ក​កង់​បី​រង​ចាំ​ដឹក​ម៉ូយ​តែ​មិនដឹង​ថា រថយន្ត​ម៉ាក​អ្វី​ឬ​បើក​តាម​ផ្លូវ​ណា​ទេ​មក​បុក​រូប​គាត់​កំពុង​តែ​ដេក​លើ​ម៉ូតូ​រ៉ឺ​ក​ម៉ក​កង់​បី​បណ្ដាល​រ៉ឺ​ក​ម៉ក​ក្រឡាប់​បណ្ដាល​គាត់​គ្រិច​ចង្កេះ និង​ត្រូវ​អ្នក​ម៉ូតូ និង​រត់​រ៉ឺ​ក​ម៉ក​ដូច​គ្នា​ជួយ​លើ​គាត់​ចេញពី​ម៉ូតូ​ហើយ​ដាក់​ម៉ូតូ​កង់​បី​យក​ទៅ​មន្ទីរពេទ្យ​ដើម្បី​ព្យាបាល​របួស​ហើយ​ចំណែក​កង់​បី​ខូ​ត​ខាត​ស្ទើរ​ទាំង​សុង​ក៏​ប្រគល់​ឱ្យ​សមត្ថកិច្ច​វាស់វែង និង​ចាំ​ដាក់​ពាក្យបណ្ដឹង​តាម​ក្រោយ​ទៀត ៕

ប្រភព៖ កោះសន្តិភាព

ដោយឡែករំលឹកព័ត៌មានមួយផ្សេងទៀត៖ ក្រុមចោរប្លន់ដ៏កក្រើកនៅខេត្តកំពត និងខេត្តកំពង់ស្ពឺ នៅពេលនេះកម្លាំងនគរបាលបង្ក្រាបបានហើយ ដកហូតកាំភ្លើង និងម៉ូតូ

(កំពង់ស្ពឺ)៖ កម្លាំងនគរបាលខេត្តកំពត និងកម្លាំងនគរបាលខេត្តកំពង់ស្ពឺ សហការជាមួយកម្លាំងនគរបាល នាយកដ្ឋានព្រហ្មទណ្ឌក្រសួងមហាផ្ទៃ នៅថ្ងៃទី២៥ ខែមីនា ឆ្នាំ២០១៧នេះ បានបើកប្រតិបត្តិការតាមបង្ក្រាប ក្រុមចោរប្លន់ម៉ូតូរបស់ប្រជាពលរដ្ឋតាមមូលដ្ឋាន បានចំនួន២នាក់ ជាបន្តបន្ទាប់។ ការបង្ក្រាបក្រុមចោរប្លន់ទាំងនេះ បានកើតមានឡើង បន្ទាប់ពីជនសង្ស័យបានប្លន់ម៉ូតូរបស់ប្រជាពលរដ្ឋមួយគ្រឿងនៅភូមិតាយុង ឃុំដំបូករូង ស្រុកភ្នំស្រួច ខេត្តកំពង់ស្ពឺ នាព្រឹកមិញ។

ស្នងការនគរបាលខេត្តកំពត លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានប្រាប់អង្គភាព Fresh News ថា «ក្រោយប្លន់ម៉ូតូនៅស្រុកភ្នំស្រួចបានហើយ ចោរបានជិះម៉ូតូជនរងគ្រោះ សំដៅទៅខេត្តកំពត។ ក្រោយទទួលបានព័ត៌មានអំពីករណីប្លន់នេះ កម្លាំងនគរបាលខេត្តកំពត បានជួយស្ទាក់ក្នុងភូមិសាស្រ្ត ជាប់ព្រំប្រទល់ខេត្តកំពង់ស្ពឺ ស្រាប់តែជនល្មើស បានត្រឡប់មកខេត្តកំពង់ស្ពឺវិញ ហើយត្រូវបានសមត្ថកិច្ចខាងខេត្តកំពង់ស្ពឺចាប់បាន នៅមុខអធិការដ្ឋាន នគរបាលស្រុកគងពិសីតែម្តង»។

លោកឧត្តមសេនីយ៍ស្នងការ បានបញ្ជាក់ទៀតថា ជនល្មើសដែលឃាត់ខ្លួនបាននៅខេត្តកំពង់ស្ពឺឈ្មោះ ម៉ៅ គឹមអេង ហៅចន អាយុ៣៨ឆ្នាំ កំណើតនៅភូមិចំលងជ្រៃ ឃុំស្តេចគង់ខាងលិច ស្រុកបន្ទាយមាស ខេត្តកំពត បច្ចុប្បន្នស្នាក់នៅបណ្តោះអាសន្ន នៅភូមិមានជ័យ ឃុំដំបូករូង ស្រុកភ្នំស្រួច ខេត្តកំពង់ស្ពឺ។ (សមត្ថកិច្ចខេត្តកំពង់ស្ពឺ បានដកម៉ូតូដែលប្លន់ម៉ាក C125-2017 ពណ៌ខ្មៅ ពាក់ស្លាកលេខកំពង់ស្ពឺ 1H-6919)។

លោកស្នងការបានបន្តថា «បន្ទាប់មក យើងខ្ញុំបានសហការជាមួយនាយកដ្ឋានព្រហ្មទណ្ឌដឹកនាំ ដោយលោកឧត្តមសេនីយ៍ទោ ង៉េង ជួ និងលោកឧត្តមសេនីយ៍ទោ ឡឹក វណ្ណៈ ចាប់បានគូរគនម្នាក់ទៀត កំពុងយកម៉ូតូទៅលក់នៅភ្នំពេញ នៅគល់ស្ពានស្ទឹងមានជ័យ។ ជនសង្ស័យឈ្មោះ ចាន់ រត្ន័ ភេទប្រុស អាយុ៣៧ឆ្នាំ នៅភូមិកោះតាចាន់ ឃុំកំពង់ត្រាចខាងកើត ស្រុកកំពង់ត្រាច ខេត្តកំពត បច្ចុប្បន្នស្នាក់បណ្តោះអាសន្ន នៅភូមិមានជ័យ ឃុំដំបូករូង ស្រុកភ្នំស្រួច ខេត្តកំពង់ស្ពឺ»។

សម្រាប់ការឃាត់ជនសង្ស័យរូបនេះ កម្លាំងនគរបាលនាយកដ្ឋានព្រហ្មទណ្ឌ បានដកហូតបានម៉ូតូជិះធ្វើសកម្មភាព១គ្រឿង ពាក់ស្លាកលេខAK-4747 ភ្នំពេញ ដែលជិះធ្វើសកម្មភាពកន្លងមកនៅខេត្តកំពត។ ក្រោយការចាប់ខ្លួន នគរបាលនាយកដ្ឋានព្រហ្មទណ្ឌ បាននាំជនសង្ស័យទៅយកអាវុធ ដែលបានលាក់ទុកផងដែរ។

សម្រាប់ជនសង្ស័យទាំង២នាក់ ត្រូវបាននាំយកទៅសួរនាំបន្តនៅនាយកដ្ឋានព្រហ្មទណ្ឌ ក្រសួងមហាផ្ទៃ ដើម្បីចាត់ការបន្តទៀត៕ 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]