(ភ្នំពេញ)៖ ក្រុមបាល់ទាត់ជម្រើសជាតិកម្ពុជា ឬក្រុមគោព្រៃកម្ពុជា ខណៈពេលនេះបានទៅដល់ទីក្រុងអាម៉ាន់ ប្រទេសហ្សកដានីហើយ នៅព្រឹកថ្ងៃទី២៤ ខែមីនា ឆ្នាំ២០១៧នេះ ក្រោមការដឹកនាំរបស់គ្រូជម្រើសជាតិថ្មី លោក Leonardo Luiz ដើម្បីចូលរួមត្រៀមប្រកួតដណ្តើមកៅអី សម្រាប់ព្រឹត្តិការណ៍ AFC Asian Cup 2019 នៅក្នុងការប្រកួតដំបូង នៅវេលាម៉ោង១១យប់ថ្ងៃទី២៨ ខែមីនា ឆ្នាំ២០១៧ខាងមុខនេះ (ម៉ោងនៅកម្ពុជា)។
ក្នុងជំនួបនេះក៏មានវត្ដមាន កីឡាករខ្សែប្រយុទ្ធឆ្មើម ចាន់ វឌ្ឍនាកា ដែលបច្ចុប្បន្នលេងនៅក្នុងក្លឹប Fujieda MYFC លីគលំដាប់ទី៣ នៃរបស់ជប៉ុន និង កីឡាករខ្សែរបម្រើ ធារី ចន្ថាប៊ិន ដែលបច្ចុប្បន្នលេងនៅក្នុងក្លឹប Krabi FC លីគលំដាប់ទី២ នៃប្រទេសថៃផងដែរ។
គួរបញ្ជាក់ថា សម្រាប់ព្រឹត្តិការណ៍ AFC Asian Cup 2019នេះ ក្រុមគោព្រៃកម្ពុជា ស្ថិតក្នុងពូល C ដែលប៉ះសុទ្ធតែក្រុមខ្លាំងមានដូចជា៖ អាហ្វហ្គានីស្ថាន, វៀតណាម និងហ្សកដានី។
សូមជំរាបថា កាលពីយប់ថ្ងៃទី២៣ ខែមីនាម្សិលមិញនេះ ក្រុមជម្រើសជាតិ ហ្សកដានី ក៏បានប្រកួតមិត្តភាពអន្តរជាតិយកឈ្នះ ក្រុមកីឡាករហុងកុង ដោយលទ្ធផល ៤ទល់០ មុនស្វាគមន៍ កម្ពុជា ក្នុងផ្ទះរបស់ខ្លូន នៃពានរង្វាន់ AFC Asian Cup 2019 ស្ថិតនៅពូល C ក្នុងវគ្គចែកពូល៕
ប្រភព៖ Khmertalking
ដោយឡែករំលឹកព័ត៌មានមួយផ្សេងទៀត៖ Messi ស៊ុតមួយគ្រាប់ជួយអាហ្សង់ទីន ឈ្នះឈីលី ១-០ ខណៈ ប្រស៊ីល លុត អ៊ុយរ៉ាហ្គាយ ៤-១
អាមេរិកខាងត្បូង៖ នៅវេលាពេលព្រឹកប៉ុន្មានម៉ោងមុននេះ ក្នុងការប្រកួតជម្រុះបាល់ទាត់ពិភពលោក World Cup ឆ្នាំ២០១៨ នៅប្រទេសរុស្ស៊ី បានបញ្ចប់ទៅ ដោយក្រុមជម្រើសជាតិអាហ្សង់ទីន បានយកឈ្នះទៅលើក្រុមជម្រើសជាតិ ឈីលី ក្នុងលទ្ធផល ១-០។ ចំនែកឯក្រុមជម្រើសជាតិអ៊ុយរ៉ាហ្គាយវិញ ចាញ់ក្រុមសាំបា ប្រស៊ីល យ៉ាងចាស់ដៃក្នុងលទ្ធផល ៤-១ ។
ក្រុមជម្រើសជាតិអាហ្សង់ទីន ទទួលបាន៣ពិន្ទុ មានសង្ឃឹមឡើងវិញ ក្រោយពីមិនសូវធ្វើបានល្អក្នុងការប្រកួតមុនៗ នៃវគ្គជម្រុះ World Cup ក្នុងតំបន់អាមេរិកខាងត្បូង ដើម្បីធ្វើដំណើរឆ្ពោះទៅប្រទេសរុស្ស៊ីឆ្នាំក្រោយ។
ខ្សែប្រយុទ្ធឆ្នើមរបស់ក្លិប Barcelona កីឡាករ Lionel Messi ជាអ្នកស៊ុតចូល ក្រោយពីអាហ្សង់ទីនទទួលបានបាល់ពិន័យប៉េណាល់ទី១១ម៉ែត្រ នៅនាទី១៦ ក្នុងតង់ទី១។ លទ្ធផលនាំមុខ ១-០ នេះក៏រក្សារហូតមកដល់បញ្ចប់ការប្រកួត៩០នាទី ខណៈក្រុមជម្រើជាតិឈីលីមិនអាចស្វែងរកគ្រាប់បាល់បាន។
ក្រឡេកមកមើលការប្រកួតមួយគូទៀត ខ្សែបម្រើកណ្តាល Paluinho បានស៊ុតហ៊ែតទ្រីគ ៣គ្រាប់ម្នាក់ឯង និង១គ្រាប់របស់ Neymar ជួយឲ្យប្រេស៊ីល យកឈ្នះ ក្រុមជម្រើសជាតិអ៊ុយរ៉ាហ្គាយ ក្នុងលទ្ធផល ៤-១ ដោយមួយគ្រាប់របស់អ៊ុយរ៉ាហ្គាយ ធ្វើឡើងដោយខ្សែប្រយុទ្ធរបស់ក្លិប PSG កីឡាករ Edinson Cavani។
ក្រោយទទួលបានជ័យជំនះផ្ទួនៗ ប្រេស៊ីល បាននាំមុខពិន្ទុដាច់គេលើកំពូលតារាង ខណៈអ៊ុយរ៉ាងហ្គាយ បន្តឈរលេខ២ និងអាហ្សង់ទីនឡើងមកចំណាត់ថ្នាក់លេខ៣វិញ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
