រាជធានីភ្នំពេញ ៖ ស្ត្រីអាយុ៤០ឆ្នាំប្លាយម្នាក់ បានមកប្ដឹងសុំឱ្យនគរបាលប៉ុស្ដិ៍ចោមចៅឃាត់ខ្លួនប្តីដែលអាយុជាង៣០ឆ្នាំ និងបានសុំលែងលះគ្នាផងដែរ ដោយគាត់អះអាងនិងចោទប្រកាន់ថា ប្ដីរូបនេះគាត់តែងតែប្រើហិង្សា វាយតប់គាត់ជាញឹកញាប់ រហូតធ្វើឲ្យគាត់មានការភ័យខ្លាច ស្ទើរមិនហ៊ាននៅផ្ទះថែមទៀតផង ។
ប៉ុន្តែក្រោយពេលប្រពន្ធនិយាយបែបនេះ បុរសជាប្ដីបាននិយាយតបវិញថា ដើមហេតុដែលនាំឱ្យរកាំរកូសក្នុងគ្រួសារនេះ គឺដោយសារតែប្រពន្ធផិត មានសហាយជាមួយកូនប្រុសម្ចាស់ផ្ទះជួល ដែលមានវ័យតិចជាងរូបគេទៅទៀត ។
ហេតុការណ៍ដែលស្ត្រីមកប្តឹងនេះ កើតឡើងកាលពីវេលាម៉ោង៣រសៀលថ្ងៃទី២៣ មីនា ស្ថិតនៅក្នុងភូមិព្រៃស្វាយ សង្កាត់ចោមចចៅ ខណ្ឌពោធិ៍សែនជ័យ រាជធានីភ្នំពេញ ។ ស្ត្រីជាប្រពន្ធឈ្មោះពុធ មឿន អាយុ៤៣ឆ្នាំ មានស្រុកកំណើតនៅភូមិព្រៃផ្ដៅ ឃុំសំបួរ ស្រុកទ្រាំង ខេត្តតាកែវ ។ រីឯប្ដីឈ្មោះប៊ុន ឡេងប៉ូច អាយុ៣៦ឆ្នាំ ជាកម្មករសំណង់ មានស្រុកកំណើតនៅខេត្តកពង់ចាម អ្នកទាំងពីរមានកូនប្រុសម្នាក់អាយុ៦ឆ្នាំ ។
បើតាមស្ត្រីខាងលើរៀបរាប់ថា គាត់និងប្ដីក្មេងបានយកគ្នារយៈពេលជាង១០ឆ្នាំកន្លងមកហើយ តែមិនបានរៀបការតាមប្រពៃណីឡើយ ដោយរួមរស់នៅជាមួយគ្នារហូតមក ។ ប្ដីមានមុខរបរជាកម្មករសំណង់ ចំណែកគាត់ជាអ្នកលក់ពងទា ។
ដំបូងឈ្លោះទាស់ត្រឹមតែ ពាក្យសម្ដីប៉ុណ្ណោះ ដល់តែពេលយូរទៅលោកប្ដីបានចាប់ផ្ដើមប្រើហិង្សាម្ដងម្កាល លុះក្រោយមកទៀត អំពើហិង្សាបានកើតឡើងកាន់តែញឹកញាប់ គាត់ត្រូវប្ដីវាយធ្វើបាបស្ទើររាល់ថ្ងៃ ។ មិនតែប៉ុណ្ណោះ ឲ្យតែពេលខឹងបន្តិចបន្តួច លោកប្ដីបានវេចបង្វិចចាកចោលគាត់បាត់ លុះពេលនឹកឃើញទើបវិលត្រឡប់ទៅរកគាត់វិញ ។
ដោយឡែក បុរសជាប្ដីបាននិយាយវិញថា ខ្លួននិងប្រពន្ធគឺចេះតែមានភាពរកាំរកូសនិងគ្នាពិតមែន ព្រោះខ្លួនប្រចណ្ឌប្រពន្ធ នេះជាការនិយាយត្រង់ គ្មានការលាក់លៀមឡើយ ។ តាមពិត ពីមុនពិតជាមានសុភមង្គលមែន ប៉ុន្តែរយៈពេល២ទៅ៣ឆ្នាំចុងក្រោយនេះ ខ្លួនបានដឹងថា ប្រពន្ធមានចិត្តមិនស្មោះត្រង់ ហ៊ានផិតក្បត់ លួចលាក់ ទៅមានស្នេហាជាមួយប្រុសម្នាក់ទៀត ដែលមានវ័យក្មេងជាងរូបគេដែលជាប្ដីទៅទៀត ហើយអ្នកដែលខ្លួន ស្រលាញ់នោះគឺជាកូនម្ចាស់ផ្ទះជួល ដែលខ្លួននិងប្រពន្ធជួលស្នាក់នៅ។
មិនតែប៉ុណ្ណោះ ខ្លួននិងប្រុសសហាយនោះ បានធ្លាប់មានទំនាស់គ្នា ហើយជននោះ បានទាញដំបងដេញវាយខ្លួន រហូតទ្រាំមិនបាន ខ្លួនបានទាញកាំបិតតបតវិញ បណ្ដាលឲ្យរបួសបន្ទាប់មកខ្លួន ធ្លាប់ត្រូវបាននគរបាល ចាប់ខ្លួននាំទៅប៉ុស្ដិ៍ចោមចៅម្ដង។ប៉ុន្តែមិនបានជាប់គុកនោះទេ ដោយជជែកគ្នាបញ្ចប់រឿង ហើយខ្លួនសងទៅជននោះចំនួន១៥០ដុល្លារថែមទៀតផង ។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
ធ្លាប់ស្គាល់គ្នា និយាយលេងជាមួយគ្នាក៏ព្រមទៅ មានអីចុងក្រោយខ្នោះ
ខេត្តកណ្ដាល ៖ បុរសម្នាក់ ត្រូវបាននគរបាល ស្រុកខ្សាច់កណ្ដាល ចាប់ខ្លួន បន្ទាប់ពីបានលួងលោមក្មេងស្រី អាយុ១២ឆ្នាំ ទៅរួមរ័កបាន៣លើកក្នុងផ្ទះសំណាក់នៅរាជធានីភ្នំពេញ កាលពីល្ងាចថ្ងៃទី២២ ខែមីនា ឆ្នាំ២០១៧ ហើយត្រូវម្ដាយក្មេងស្រីដឹងប្ដឹងឱ្យនគរបាលចាប់ខ្លួន។
មន្ត្រីនគរបាលស្រុក ខ្សាច់កណ្ដាលបានឱ្យដឹងថា ជនសង្ស័យដែលបានចាប់ខ្លួននោះឈ្មោះ ផល វិត ហៅភេទ ភេទប្រុស អាយុ២៧ឆ្នាំ មុខរបរបម្រើការងារនៅភោជនីយដ្ឋានរាជធានីភ្នំពេញ មានទីលំនៅភូមិព្រែកក្របៅទី១ ឃុំព្រែកអំពិល ស្រុកខ្សាច់កណ្តាល ខេត្តកណ្តាល ។
នគរបាលបានឱ្យដឹងបន្ថែមថា ជនសង្ស័យ និងជនរងគ្រោះនៅភូមិជិតគ្នា និងស្គាល់គ្នា ធ្លាប់និយាយ លេងសើចជាមួយគ្នា ។ នៅវេលាម៉ោង៥និង៣០នាទីរសៀល ថ្ងៃទី២២ មីនា ជនសង្ស័យ និងជនរងគ្រោះបានណាត់ជួបគ្នា និងបានហៅអ្នកម៉ូតូឌុបឈ្មោះ តុប តឹម ឲ្យឌុបខ្លួន និងជនរងគ្រោះឲ្យទៅដាក់នៅកំពង់.ដស្វាយជ្រំ ក្នុងតម្លៃ៦.០០០រៀល។
ខណៈពេលឌុបទៅដល់កំពង់.ដស្វាយជ្រំ ជនសង្ស័យបានលួងលោមបបួលនាំជនរងគ្រោះឆ្លងទៅភ្នំពេញ រួចនាំយកទៅដេកនៅផ្ទះសំណាក់នៅម្តុំផ្សារសូរិយា សម្រេចបាន៣លើក ។ នៅល្ងាចថ្ងៃដដែលម្តាយជនរងគ្រោះបានដើររកកូនស្រី តែមិនឃើញ ក៏សួរអ្នកភូមិ ហើយបានជួបឈ្មោះ តុប តឹម ដែលជាអ្នករត់ម៉ូតូបានប្រាប់ថា ខ្លួនជាអ្នកឌុបក្មេងស្រីរងគ្រោះ និងឈ្មោះ ផល វិត ទៅកំពង់.ដស្វាយជ្រំ។
បន្ទាប់មកម្តាយជនរងគ្រោះបានមកដាក់ពាក្យបណ្តឹងប្តឹងឈ្មោះ ផល វិត កម្លាំងប៉ុស្តិ៍ព្រែកអំពិល សហការជាមួយកម្លាំងផ្នែកព្រហ្មទណ្ឌ ចុះស្រាវជ្រាវឃាត់ខ្លួនឈ្មោះ ផល វិត ហៅភេទ បញ្ជូនមកអធិការដ្ឋាននគរបាលស្រុក ដើម្បីបន្តអនុវត្តចាត់ការតាមនីតិវិធី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
