រាជធានីភ្នំពេញ ៖ នារីម្នាក់ដោយសារតែ ខឹងម្តាយអត់ឲ្យលុយចាយ បានរត់ចេញពីផ្ទះរយៈពេល៨ឆ្នាំរស់នៅផ្ញើរខ្លួន ជាមួយមិត្តភក្កិ បានចាញ់បោកបុរសម្នាក់ តាមទូរស័ព្ទយកទៅបង្ខាំង ក្នុងផ្ទះសំណាក់បាន ២យប់បានជិះម៉ូតូទៅច្រៀងខារ៉ាអូខេដល់គល់ស្ពានអាកាសស្ទឹងមានជ័យ បានលោតចុះពីលើម៉ូតូ ឲ្យសមត្ថកិច្ចជួយអន្តរាគមន៍ បង្កឱ្យមានការភ្ញាក់ផ្អើល កាលពីវេលាម៉ោង ២រំលងអធ្រាត្រឈានចូលថ្ងៃទី២៣ ខែមិនា ឆ្នាំ២០១៧ ត្រង់ចំណុចក្រោម ស្ពានអាកាសស្ទឹងមានជ័យ សង្កាត់បឹងសាឡាង ខណ្ឌទួលគោក ។
នារីរងគ្រោះមានឈ្មោះ កង ទី ហៅនីតា អាយុ២៣ឆ្នាំ ស្នាក់នៅមិនពិតប្រាកដមានស្រុកកំណើតនៅភូមិក្ដីតាកុយ ឃុំវាលស្បូវ ស្រុកកៀនស្វាយ ខេត្តកណ្ដាល បានរៀបរាប់ទាំងទឹកភ្នែកឱ្យដឹងថា រូបនាងបានចាកចេញពីផ្ទះ តាំងតែពីឆ្នាំ២០០៩មកម្ល៉េះ គិតរហូតមកដល់បច្ចុប្បន្ន រយៈពេល៨ឆ្នាំហើយដោយសារតែ ខឹងម្ដាយរបស់នាងធ្វើបាបមិនឲ្យប្រាក់ចាយ ។
បន្ទាប់ពីចាកចេញពីផ្ទះ មកនាងបានទៅជួលផ្ទះ ស្នាក់នៅម្ដុំផ្សារសូរិយា ការរស់នៅរបស់នាងមិនបាន ទៅធ្វើការងារអ្វីទេ គឺរស់នៅពឹងផ្អែកទៅលើការសុំប្រាក់ពីមិត្តភក្ដិរបស់នាងយកមកចាយវាយព្រោះ ពីមុននាងធ្លាប់ឱ្យលុយមិត្តភក្កិចាយដែរ ។ លុះក្រោយមកនាងបានស្គាល់ បុរសម្នាក់នៅក្រៅប្រទេស តាមរយៈបណ្ដាញសង្គម និងបានទាក់ទងគ្នាហើយបុរសនោះ បានផ្ញើរលុយឱ្យនាងសំរាប់ដោះ ស្រាយបញ្ហាជីវភាពប្រចាំថ្ងៃ ។
នារីខាងលើបានបន្តទៀតថា បន្ទាប់ពីទាក់ទងគ្នាបាន រយៈកន្លងមកនាងដឹងថាបុរសនោះមានប្រពន្ធកូនហើយ នាងក៏ផ្ដាច់ទំនាក់ទនង ជាមួយបុរសម្នាក់នោះ ។ ចាប់តាំងពីពេលនោះមកមិត្តភក្តិ ដែលធ្លាប់ជួយផ្ដល់លុយកាក់ឱ្យចាយក៏ឈប់ទាក់ទងជាមួយនាងដែរដែលជាហេតុធ្វើ ឱ្យនាងមិនដឹងទៅពឹងពាក់អ្នកណា ។
មុនថ្ងៃកើតហេតុពីរថ្ងៃ នាងបានស្គាល់បុរសម្នាក់ឈ្មោះ ម៉ាប់ តាមរយៈទូរស័ព្ទហើយបុរសនោះបាននិយាយ លួងលោមនាង ឱ្យនាងមកស្នាក់នៅជាមួយគេ ដោយគេជាអ្នករាប់រងចិញ្ចឹមនាង ដោយសារខ្លួនឯងទាល់ច្រក មិនដឹងទៅពឹងពាក់អ្នកណាផងនោះនាងក៏សម្រេចចិត្ត ទៅស្នាក់នៅជាមួយបុរសនោះ នៅក្នុងផ្ទះសំណាក់យីហោ សម្បត្តិផល ស្ថិតនៅសង្កាត់ទឹកល្អក់ទី២ ខណ្ឌទួលគោក គឺស្នាក់នៅបានពីរថ្ងៃគឺពេលដែលទៅស្នាក់នៅ ជាមួយឃើញមានមនុស្សស្រី-ប្រុស ចេញចូលគួរឲ្យសង្ស័យ ម្យ៉ាងបុរសនោះមានគំនិតអាក្រក់លើនាង ទើបនាងព្យាយាមរត់ចេញពីផ្ទះសំណាក់នោះតែគ្មានឪកាស ។
ប្រភពដដែល បានបន្តទៀតថា នៅយប់ទីពីរដែលជាយប់ កើតហេតុរូបនាងបានប្រាប់បុរសនោះថា ចង់ទៅច្រៀង ខារ៉ាអូខេក៏ត្រូវឈ្មោះ ម៉ាប់ និងមិត្តភក្កិរបស់គេជាច្រើននាក់ទៀតបានជិះម៉ូតូ៣ទៅ៤គ្រឿងទៀត មកដល់ក្បែរស្ពានអាកាសស្ទឹងមានជ័យនារីរងគ្រោះបានលោតចុះពីលើម៉ូតូ រត់ទៅរកនគរបាលគោលដៅ ស្ពានអាកាសស្ទឹងមានជ័យជួយអន្តរាគមន៍ ចំណែកបុរសនោះ និងបក្សពួកបានរត់គេចខ្លួនបាត់អស់ ៕
ប្រភព៖ កោះសន្តិភាព
ដោយឡែក ប័ត៌មានចាប់អារម្មណ៍មួយផ្សេងទៀត៖
ជីវភាពក្រីក្រស៊ីឈ្នួលចិញ្ច្រាំដំឡូងមីត្រូវពស់ចឹកគ្រូពេទ្យប្រាប់ថាមានសង្ឃឹមរស់តិច
ខេត្តប៉ៃលិន ៖ ស្ត្រីវ័យក្មេងម្នាក់រងរបួសធ្ងន់ធ្ងរត្រូវបានក្រុមគ្រួសារដឹកតាមម៉ូតូយកទៅសង្គ្រោះនៅមន្ទីរពេទ្យបង្អែកខេត្តប៉ៃលិនខណៈប្តីប្រពន្ធចងមុងដេកនៅទីវាលកន្លែងចញ្ច្រាំដំឡូងមី លុះយប់ឡើងមានភ្លៀងធ្លាក់ស្រិចៗ ស្រាប់តែមានពស់ថ្នាំងអំពៅ ឬពស់ក្រាយ ចូលទៅខាំក្នុងមុងចំនួន៤ចង្កូម ។
ហេតុការណ៍ពស់ថ្នាំងអំពៅ ឬពាស់ក្រាយចូលខាំស្ត្រីរងគ្រោះក្នុងមុងនេះបានកើតឡើងកាលពីវេលាម៉ោង៣និង៣០នាទីទាបភ្លឺ ថ្ងៃទី២២ ខែមីនា ឆ្នាំ២០១៧ ស្ថិតនៅក្នុងភូមិព្រៃធំ ឃុំក្រាំងមាស ស្រុកបរវេល ខេត្តបាត់ដំបង ។
ប្រភពព័ត៌មានបានឱ្យដឹងថា ស្ត្រីរងគ្រោះមានឈ្មោះ សៀន សុភក្តិ អាយុ២៤ឆ្នាំ ជាកម្មករ ប្តីឈ្មោះ ឈាង អាយុ២៥ឆ្នាំ មានស្រុកកំណើតនៅស្រុកបរសេដ្ឋ ខេត្តកំពង់ស្ពឺ មានកូនតូចៗចំនួន២នាក់ក្នុងបន្ទុក ។ ប្រភពបន្តទៀតថា ដោយសារពួកគេមានជីវភាពក្រីក្រកាលពីជាង១ខែមុនបាននាំក្រុមគ្រួសារមកស៊ីឈ្នួលដេកចិញ្ច្រាំមើមដំឡូងមីឱ្យថៅកែម្នាក់នៅភូមិខាងលើ ។
នៅយប់ថ្ងៃកើតហេតុខណៈដែលពួកគេកំពុងដេកសុខៗនៅក្នុងមុងដោយក្រាលកន្ទេលផ្ទាល់នឹងដី ស្របពេលដែលមេឃកំពុងភ្លៀងស្រិចៗ ស្រាប់តែមានពស់ពិស១ក្បាលប្រវែងជាង១ម៉ែត្រដែលអ្នកស្រុកតែងតែហៅថា ពស់ថ្នាំងអំពៅ ឬពស់ក្រាយបានចូលទៅខាំជើងស្ត្រីរងគ្រោះចំនួន២ដងមុត៤ចង្កូម ។
បន្ទាប់មកប្តីក៏ស្ទុះទៅវាយពស់នោះងាប់ដោយក្រោយពីវាយរួចគាត់បានសួរទៅប្រពន្ធថា តើឯងឈឺចុកចាប់ ឬអត់0x017d7 ស្រាប់តែប្រពន្ធឆ្លើយថា មិនឈឺនោះទេទើបនាំគ្នាសំងំដេកបន្តទៀត រហូតដល់ព្រឹកឡើង ស្ត្រីរងគ្រោះមានអាការៈមិនស្រួលខ្លាំងក៏ពឹងលោកមេភូមិឱ្យជួយដឹកតាមម៉ូតូយកទៅសង្គ្រោះនៅមណ្ឌលសុខភាពឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។ ប៉ុន្តែដោយសារមណ្ឌលសុខភាពមិនមានថ្នាំបន្សាបពិសពស់ក៏បញ្ជូនជនរងគ្រោះទៅសង្គ្រោះនៅមន្ទីរពេទបង្អែកខេត្តប៉ៃលិន ។
បើតាមក្រុមលោកគ្រូពេទ្យបានឱ្យដឹងថា ដោយសារតែជនរងគ្រោះមិនប្រញាប់មកមន្ទីរពេទ្យបង្អែកដើម្បីព្យាបាលឱ្យទាន់ពេលវេលាធ្វើឱ្យជាតិពិសពស់ជ្រាបពេញក្នុងខ្លួន ។ ដូច្នេះទោះបីជាក្រុមគ្រូពេទ្យប្រើថ្នាំបន្សាបជាតិពិសយ៉ាងណាក៏ដោយមិនអាចទៅរួចនោះទេ លុះក្រោយមកក្រុមគ្រូពេទ្យ និងក្រុមគ្រួសារជនរងគ្រោះសម្រេចយករថយន្តសង្គ្រោះរបស់មន្ទីរពេទ្យបង្អែកខេត្តបញ្ជូនជនរងគ្រោះទៅព្យាបាលបន្តនៅខេត្តបាត់ដំបង ។ តាមការសន្និដ្ឋានរបស់គ្រូពេទ្យបញ្ជាក់ថា ស្ត្រីរងគ្រោះមិនមានសង្ឃឹមរស់នោះទេព្រោះពិសជ្រាបចូលគ្រប់កន្លែងហើយបើដល់បេះដូងនឹងស្លាប់ភ្លាមតែម្តង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
