រាជធានីភ្នំពេញ ៖ សមត្ថកិច្ចនាយកដ្ឋាននគរបាលព្រហ្មទណ្ឌ កាលពីថ្ងៃទី២២ មីនា ២០១៧ នេះបានធ្វើការចុះបង្ក្រាបចាប់ខ្លួនមុខសញ្ញាប្លន់ប្រដាប់អាវុធអាកាចំនួន២នាក់ នៅព្រំប្រទល់ស្រុកមេមត់ កម្ពុជា-វៀតណាម។ ជនសង្ស័យម្នាក់ឈ្មោះ ខាត់ រ៉េត ភេទប្រុស អាយុ៣៩ឆ្នាំ ស្នាក់នៅភូមិព្រៃគុយ ឃុំគោចក ស្រុកមេសាង ខេត្តព្រៃវែង និងម្នាក់ឈ្មោះ យី អៀង ភេទប្រុស អាយុ៤៥ឆ្នាំ ស្នាក់នៅភូមិហប់ ឃុំគោចក ស្រុកកំពង់ត្របែក ខេត្តព្រៃវែង។
តាមប្រភពព័ត៌មានជំហានដំបូងបានឲ្យដឹងថា ក្រោយពីទទួលការមានប្រសាសន៍ នាយឧត្ដមសេនីយ៍អគ្គស្នងការ និងអគ្គស្នងការរងទទួលផែននគរបាលយុត្តិធម៌ ដោយមានការចង្អុលបង្ហាញផ្ទាល់ពីឧត្ដមសេនីយ៍ឯក សុខ ខេមរិន ប្រធាននាយកដ្ឋានកណ្ដាលនគរបាល។ អនុញ្ញាតឲ្យលោកឧត្តមសេនីទោ ង៉េង ជួរ អនុប្រធាននាយកដ្ឋាន និងលោវរ:សេនីយ៍ឯក ជាវ វិបុល ប្រធានការិយាល័យជំនាញនគរបាលព្រហ្មទណ្ឌកម្រិតធ្ងន់ក្រសួងមហាផ្ទៃ។
ការចុះបង្ក្រាប និងចាប់ខ្លួនក្រុមចោរប្លន់អាកានេះ ដោយបានការស្រាវជ្រាវ និងស៊ើបអង្កេត រួមសហការគ្នាយ៉ាងទាន់ពេលវេលា ពីនាយកដ្ឋានកណ្តាលនគរបាលសន្ដិសុខផ្ទៃក្នុងក្រសួងមហាផ្ទៃ ស្នងការដ្ឋាននគរបាលខេត្តព្រៃវែង និងស្នងការដ្ឋាននគរបាលខេត្តត្បូងឃ្មុំ។ ជាលទ្ធផលកម្លាំងសហការបានតាមចាប់ខ្លួនមុខសញ្ញាក្រុមចោរប្លន់អាកានេះ ដល់ភូមិចង្គំស្ពាន់ ឃុំកន្លូង ស្រុកមេមត់ ព្រំប្រទល់ខេត្តត្បូងឃ្មុំ។ ក្រោយពីចាប់ខ្លួនសមត្ថកិច្ចនាយកដ្ឋាននគរបាលព្រហ្មទណ្ឌ បានប្រគល់ជនសង្ស័យទាំ២នាក់ឲ្យទៅសមត្ថកិច្ចនគរបាលខេត្តព្រៃវែងដើម្បីបន្តនីតិវិធី។
គួរបញ្ជាក់ថា កាលពីថ្ងៃទី១៤ ខែមីនា ឆ្នាំ២០១៧ វេលាម៉ោង១០និង០០នាទីយប់ មានករណីចោរកាំភ្លើងអាកា១ក្រុម បានធ្វើសកម្មភាពប្លន់ផ្ទះប្រជាស្ថិតនៅភូមិព្រៃស្នួល ឃុំគោខ្ចក ស្រុកកំពង់ត្របែក ខេត្តព្រៃវែង រួចគេខ្លួនដោយសុវត្ថិភាព។ ប៉ុន្តែក្រោយមកត្រូវបានសមត្ថកិច្ចស្រាវជ្រាវ និងឃាត់ខ្លួនបក្ខពួកមួយចំនួនបញ្ជូនទៅសាលាដំបូង នៅសេសសល់មុខសញ្ញាមួយចំនួនត្រូវតាមចាប់ខ្លួន ។ ជាក់ស្តែងសមត្ថកិច្ច តាមប្រមាញ់ និងឃាត់ខ្លួនបាន២នាក់ដូចមានឈ្មោះខាងលើនេះទៀត៕
ប្រភព៖ កោះសន្តិភាព
ដោយឡែកពត៌មានគួរឲ្យចាប់អារម្មណ៍មួយទៀត៖
នៅព្រឹកស្អែកនេះ សាលាដំបូងរាជធានីភ្នំពេញ នឹងប្រកាសសាលក្រមរឿង ជួប សម្លាប់
(ភ្នំពេញ)៖ តាមការគ្រោងទុក្ខ នៅព្រឹកថ្ងៃទី២៣ ខែមីនា ឆ្នាំ២០១៧ ស្អែកនេះ សាលាដំបូងរាជធានីភ្នំពេញ នឹងប្រកាសសាលក្រម នៃសំណុំរឿង លោក «ជួប សម្លាប់» ពាក់ព័ន្ធនឹងករណីបាញ់សម្លាប់ លោកបណ្ឌិត កែម ឡី។ ការប្រកាសសាលក្រមនេះ ធ្វើឡើងបន្ទាប់ពីតុលាការក្រុងភ្នំពេញ បានបើកសវនាការ កាលពីថ្ងៃទី០១ ខែមីនា ឆ្នាំ២០១៧ ជាមួយនឹងការបង្ហាញវិដេអូមួយ ស្តីអំពីឃាតកម្មនេះ។
នៅក្នុងសវនាការជាបន្តបន្ទាប់កន្លងទៅនោះ លោក «ជួប សម្លាប់» បានសារភាពថា ខ្លួនជាអ្នកបាញ់សម្លាប់ លោកបណ្ឌិត កែម ឡី ដោយសារខឹងលោក កែម ឡី ជំពាក់ប្រាក់មិនសង ហើយអះអាងថា គ្មានអ្នកនៅពីក្រោយខ្នងនៃឃាតកម្មនេះនោះទេ។
សូមបញ្ជាក់ថា បុរសម្នាក់ ដែលមានរហ័សនាមថា «ជួប សម្លាប់» អាយុ៣៨ឆ្នាំ ត្រូវបានសមត្ថកិច្ចឃាត់ខ្លួនភ្លាមៗ ក្រោយពីបាញ់សម្លាប់លោកបណ្ឌិត កែម ឡី កាលពីវេលាម៉ោង៨៖៥០នាទី ព្រឹកថ្ងៃទី១០ ខែកក្កដា ឆ្នាំ២០១៦ នៅចំណុចក្នុងទីតាំងស្តារម៉ាត នៃស្ថានីយប្រេងឥន្ធនៈកាល់តិច បូកគោ ស្ថិតនៅកាច់ជ្រុងមហាវិថីព្រះមុនីវង្ស និងមហាវិថីម៉ៅសេទុង ក្នុងសង្កាត់ទន្លេបាសាក់ ខណ្ឌចំការមន។
ក្រោយការចាប់ខ្លួននេះ តំណាងអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់ «ជួប សម្លាប់» ចំនួន២ករណី ក្នុងនោះរួមមានបទឃាតកម្មគិតទុកជាមុន និង បទកាន់កាប់អាវុធគ្មានការអនុញ្ញាត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
