ភ្នំពេញ៖ តារាចម្រៀងស្រីចូលលែងខ្លួនប្លែកៗ កញ្ញា ទេព បូព្រឹក្ស បកស្រាយរឿងគេរិះគន់ថា ចម្លងស្ទាយរបស់កូរ៉េនោះ នាងគិតថាវាមិនមែន ជាការចម្លងនោះទេដោយសារតែ ខោអាវម៉ាកប្រេនល្បីៗជាច្រើនដែលតារាល្បីៗពាក់ ដូច្នេះគេយកដាក់លក់លើ ទីផ្សារ ហើយយើងមានសិទ្ធិទិញពាក់ដូចគ្នា ។ តារាចម្រៀងដែលមាន ប្រជាប្រិយ ភាពលើស្រទាប់យុវវ័យបានបញ្ជាក់ថា ពិតមែនដែលនាង ស្រឡាញ់តារាកូរ៉េ កញ្ញា CL ស្រឡាញ់ខ្លាំងដល់ថ្នាក់ តុបតែងខ្លួនដូចតារាកូរ៉េម្នាក់តែម្តង។ ប៉ុន្តែនាងអះអាងថា មិនមែនសុទ្ធឡើង ច្រៀងគ្រប់វេទិកានាង ចម្លងពីស្ទាយកូរ៉េ នោះទេ នាងក៏មានគំនិតរបស់នាងផង ដែរ បញ្ចោញការតុបតែងខ្លួនរបស់នាង ផ្ទាល់ផងដែរ។
កញ្ញា ទេព បូព្រឹក្ស បានប្រាប់ ថា “CL គាត់ឡូយ ដូច្នេះគាត់ស្លៀកពាក់ បែបយ៉ាងម៉េច ខ្ញុំក៏ស្លៀកពាក់បែបអ៊ីចឹង ដែរ។ ចំពោះរឿងរិះគន់នាងថា ចម្លង ស្ទាយរបស់កូរ៉េនោះ ខ្ញុំគិតថាវាមិនមែន ជាការចម្លងនោះទេ។ ដោយសារតែ ខោអាវម៉ាកប្រេនល្បីៗជាច្រើនឱ្យ CL ពាក់ដើម្បីថត ដូច្នេះគេយកដាក់លក់លើ ទីផ្សារ ហើយយើងមានសិទ្ធិទិញពាក់ ដូចគ្នា”។
តារាស្រីរូបស្រស់នេះបាន បញ្ជាក់ផងដែរថា ចំពោះរឿងរិះគន់ នាងដែលចម្លងស្ទាយ ឬ ម៉ូតរបស់ បរទេសនោះ នាងពិតជាទទួលស្គាល់ ប៉ុន្តែនាងពេលខ្លះមានគំនិតច្នៃប្រឌិត ផងដែរ ហើយនាងមានក្រុមការងារ របស់នាងដែលមានអ្នកច្នៃម៉ូតផងដែរ។
មានម្តងកាលនោះ នាងបានច្រៀងការ ប្រគំតន្ត្រីកាលពីឆ្នាំមុនក្នុងស្ថានីយ ទូរទស្សន៍ បាយ័ន ដោយលេងម៉ូតខ្សែក ដោយច្រវាក់ និងសោចាក់ផ្ទះមកធ្វើឱ្យ ភ្ញាក់ និងមានការរិះគន់ពីអ្នកលេង ហ្វេសប៊ុក។
សូមជម្រាបថា កញ្ញា ទេព បូព្រឹក្ស មួយរយៈចុងក្រោយនេះ នាងកំពុងល្បីកាន់តែខ្លាំងជាងមុន ហើយ ខណៈបានចាប់ដៃគូជាមួយតារា ចម្រៀង ជី ឌីវិត ដែលឡើងច្រៀងលើ ឆាកតន្ត្រីរួមគ្នាម្តងមានអ្នកគាំទ្រយ៉ាង ច្រើនសន្ធឹក ៕
ប្រភព៖ looking today
ដោយឡែកពត៌មានគួរឲ្យចាប់អារម្មណ៍មួយទៀត៖
ខាត់ សុឃីម រងការរិះគន់ខ្លាំង បន្ទាប់ពីចេញវីដេអូ វាយតម្លៃមនុស្សតែសំបកក្រៅ
(ភ្នំពេញ)៖ តារាចម្រៀងស្រី អ្នកនាង ខាត់ សុឃីម ដែលត្រូវបានគេទទួលស្គាល់ថា ជាតារាពហុសមត្ថភាព ដ៏ល្បីល្បាញរបស់ប្រទេស និងមានអត្តចរិតល្អ ប៉ុន្តែត្រូវមហាជនរិះគន់ បន្ទាប់ពីអ្នកនាង បានធ្វើការវាយតម្លៃមនុស្សតែសំបកក្រៅ ពោលមិនបានគិតថ្លឹងថ្លែងឲ្យច្បាស់ មុននឹងវាយប្រហារ ឬសើចចំអកឲ្យនរណាមួយនោះឡើយ។
អ្នកនាង ខាត់ សុឃីម បានធ្វើការ Live Facebook ផ្ទាល់របស់ខ្លួន និងនិយាយតបតទៅលើបុរសម្នាក់ ឈ្មោះ ម៉ោញ សារ៉ាត់ ដែលកំពុងល្បីជំវិញរឿងរបស់ Maddox ប៉ុន្តែតាមការពិតលោក ម៉ោញ សារ៉ាត់ គ្រាន់តែជាអតីតប្រធានអង្គការ ដែលអ្នកនាង Anglina Jolie បានផ្ដល់ជំនួយ និងធ្លាប់រួមការងារ ជាមួយគ្នាប៉ុណ្ណោះ ហើយអ្វីគ្រប់យ៉ាងកំហុសពីកាសែត The Sun ដែលចុះផ្សាយបំភ្លើស ព្រោះវិបុល (ឈ្មោះពិតរបស់ Maddox ពីមុន) គ្មានឪពុកម្ដាយពិតប្រាកដឡើយ ហើយលោក ម៉ោញ សារ៉ាត់ គ្រាន់តែជាអ្នកជួយរត់ការឲ្យ ម៉ាកដុក ក្លាយជាកូនចិញ្ចឹមស្របច្បាប់របស់ អ្នកនាង អែនជីលីណា ជូលី ប៉ុណ្ណោះ។
ក្រោយពីបានស្ដាប់ ការបកស្រាយយ៉ាងច្បាស់ពី លោក ម៉ោញ សារ៉ាត់ មក ហាក់ដូចជាទះកំភ្លៀង អ្នកនាង ខាត់ សុឃីម កណ្ដាលមុខ ព្រោះនាងជាតារារបស់មហាជន អ្នកនាងពិតជាមានឥទ្ធិពលយ៉ាងខ្លាំង ទៅលើមហាជន ។ ពាក្យសម្ដី ខាត់ សុឃីម ជាអ្នកនាំសារល្អៗ ទៅកាន់ប្រជាជន តែពេលនេះ នាងហាក់គ្មានវិចារណញ្ញាណ និងហាក់ដូចជាពិបាកទទួលយក។
បច្ចុប្បន្នលើបណ្ដាញសង្គម Facebook ហាក់ដូចជាអនាធិបតេយ្យខ្លាំង រឿងរិះគន់ និងចេះដឹងរឿងអ្នកដទៃ ដោយខ្វះការពិចារណា ខណៈដែល អ្នកនាង ខាត់ សុឃីម ព្រោះគ្រាន់តែព័ត៌មានបន្តិចសោះ អ្នកនាងក៏ច្រឡោត ចេញមុខចេញមាត់ ប៉ុន្តែពេលរឿងពិតលាតត្រដាង អ្នកនាងជាអ្នកខ្មាស់គេខ្លាំងជាងលោក ម៉ោញ សារ៉ាត់ ទៅទៀត ព្រោះអ្នកនាង វាយតំលៃលើមនុស្សខុស និងជាតារាគ្មានហេតុផល ប្រញាប់មាត់ឆៅពេក។
អ្នកនាង ខាត់ សុឃីម ត្រូវបានគេចាត់ទុកក្នុងជំពូកតារាស្រី ដែលមានការតស៊ូខ្ពស់ ព្រោះអ្នកនាង តស៊ូតាំងពីបាតដៃទទេរ រហូតមានអ្វីៗគ្រប់យ៉ាង ប៉ុន្តែភាពធ្វេសប្រហែសរបស់នាង មួយពេល ធ្វើឲ្យត្រូវព្រនង់រិះគន់យ៉ាងខ្លាំង។ ដូចនេះនាងគួរប្រយ័ត្នក្នុងចំណុចនេះ ។ អ្នកនាង ខាត់ សុឃីម មិនអាចសុំការបំភ្លឺបានទេថា អ្នកនាងមានអារម្មណ៍បែបណា ពេលអ្នកនាងត្រូវបានគេរិះគន់ ជុំវិញការវាយតម្លៃមនុស្ស តែសំបកក្រៅបែបនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
