សហរដ្ឋអាមេរិក៖ អំពើចាប់ជំរិតដ៏គឃ្លើនមួយ បានធ្វើឲ្យកក្រើកប្រព័ន្ធអ៊ិនធឺណេត។ ខណៈដែលក្រុមចោរមួយក្រុម បានចាប់ជំរិតស្រ្តីស្បែកខ្មៅម្នាក់ដោយចាប់នាងដាក់ក្នុងគូទឡាន។
ប៉ូលិសរដ្ឋ Alabama បានប្រាប់មកកាន់សារព័ត៌មានថា ស្រី្តរងគ្រោះត្រូវបានភ្ជង់គម្រាមដោយកាំភ្លើងដើម្បីជំរិតទារលុយ ដោយបុរស២នាក់។ នាងប្រាប់ទៅជនល្មើសទាំង២ថា នាងគ្មានលុយក្នុងខ្លួនទេ ទើបបណ្ដាលឲ្យចោរទាំង២នោះ បង្ខំចាប់នាងដាក់ចូលទៅក្នុងគូទឡានផ្នែកខាងក្រោយ ដើម្បីស្វែងរកទូរ ATM ដកលុយពីកាតរបស់នាង។
ពួកគេបានបើកស្វែងរកទូរ ATM ជាច្រើនកន្លែង ប៉ុន្តែពេលមកដល់ហ្គារ៉ាសសាំងមួយ នារីរងគ្រោះ បានឆ្កឹះគន្លឹះឃ្លុបក្រោយឡានរបស់នាង ហើយហក់ចេញពីឡាន ដើម្បីស្វែងរកជំនួយ។
នាងបានរត់ចូលទៅក្នុងហាងលក់ទំនិញ ក្នុងស្ថានីយ៍ប្រេងមួយកន្លែង ដើម្បីរកទូរស័ព្ទហៅប៉ូលិស។
ពេលជនល្មើសទាំង២ កំពុងត្រូវបានប៉ូលិសតាមស្វែងរក ខណៈដែលវីដេអូដកស្រង់ចេញពីកាមេរ៉ាសុវត្ថិភាពរបស់ស្ថានីយ៍ប្រេងនោះ បានថតជាប់មុខជនល្មើសបានយ៉ាងច្បាស់៕
ទស្សនាវីដេអូខាងក្រោម៖
ដោយឡែកព័ត៌មានគួរឲ្យចាប់អារម្មណ៍មួយទៀត៖
អ្នកគ្រូសុំច្បាប់... នាំគ្នាទៅមុជទឹក (មានវីដេអូ)
រាជធានីភ្នំពេញ ៖ សេចក្តីរាយការណ៍ឱ្យដឹងថា ក្មេងប្រុសជាសិស្សសាលាគោកបញ្ជាន់ម្នាក់ ត្រូវបានលង់ទឹកស្លាប់យ៉ាងអាណោចអាធ័ម បង្កការភ្ញាក់ផ្អើលកាលពីវេលាម៉ោង០៩ និង៣០នាទីព្រឹកថ្ងៃទី២២ មីនា នេះ ស្ថិតត្រង់ចំណុចស្រះទឹកក្នុងវត្តគោកបញ្ជាន់ ភូមិគោកបញ្ជាន់ សង្កាត់ចោមចៅ ខណ្ឌពោធិ៍សែនជ័យ ។
ប្រភពឱ្យដឹងថា ក្មេងប្រុសរងគ្រោះខាងលើ ឈ្មោះទ្រី សុបញ្ញា អាយុ១៣ឆ្នាំ ជាសិស្សាសាលាបឋមសិក្សាគោកបញ្ជាន់ ។ ប្រភពបន្តថា មុនពេលកើតហេតុ ក្មេងប្រុសចេញពីផ្ទះទៅសាលារៀនធម្មតា តែព្រឹកនេះ ត្រូវអ្នកគ្រូសុំច្បាប់មិនបានមកបង្រៀនទេ។ ស្រាប់តែក្រុមក្មេងទាំងនេះមិនត្រឡប់ទៅផ្ទះ បែរជានាំគ្នាទៅមុជទឹកស្រះក្នុងសាលានោះដែលមានជម្រៅ៥ម៉ែត្រ ។ ខណៈកំពុងហែលលេងសុខៗ ក្មេងប្រុសរងគ្រោះបានរមួលក្រពើ ក៏លង់ក្នុងទឹកបាត់តែម្តង ។ ពេលនោះ ត្រូវក្មេងៗដូចគ្នាបានស្រែកបង្កការភ្ញាក់ផ្អើលឆោឡោឡើង ។
ប្រភពបន្តទៀតថា គិតត្រឹមវេលាម៉ោង១០ និង២០នាទីព្រឹកថ្ងៃដដែលនេះ សាកសពក្មេងប្រុសរងគ្រោះ មិនទាន់ត្រូវបានរកឃើញនៅឡើយ ខណៈសមត្ថកិច្ចកំពុងស្វែងរក ។ អ្វីដែលគួរឱ្យសង្វេគនោះ គឺគេឃើញម្តាយក្មេងរងគ្រោះ បានស្រែកទ្រហោយំពេញកន្លែងកើតហេតុ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]