(កំពង់ស្ពឺ)៖ ក្រុមចោរប្លន់២នាក់ ជិះម៉ូតូមួយគ្រឿង បានបាញ់ប្រហារទៅប្រជាពលរដ្ឋទាំងថ្ងៃ យកម៉ូតូជិះទៅបាត់ នៅវេលាម៉ោង៩៖៣៥នាទីព្រឹកថ្ងៃទី២២ ខែមីនា ឆ្នាំ២០១៧នេះ ស្ថិតនៅចំណុចខាងជើងស្ពានរលាំងជ្រៃ ឃុំតាំងក្រូច ស្រុកសំរោងទង។ ករណីប្លន់ទាំងថ្ងៃនេះ បានបណ្តាលឲ្យជនរងគ្រោះលោក ប៊ិន សាវុធ អាយុ៣៦ឆ្នាំ រស់នៅភូមិអណ្ដូងស្លា ឃុំតាំងក្រូច ស្រុកសំរោងទង រងរបួសធ្ងន់។
មន្រ្តីនគរបាលមូលដ្ឋានបានប្រាប់ភ្នាក់ងារ Fresh News ថា មានចោចំនួន២នាក់ បានជិះម៉ូតូ១គ្រឿងម៉ាក C125 (2008) ពណ៍ខ្មៅ ស្លៀកពាក់អាវ ពណ៍ខ្មៅដៃវែង បានធ្វើសកម្មភាពយកអាវុធខ្លីបាញ់ទៅលើឈ្មោះ ប៊ិន សាវុធ ចំនួន២គ្រាប់ ត្រូវចំពោះ១គ្រាប់ បណ្តាលឲរបួសធ្ងន់ រួចពួកវាបានយកម៉ូតូ ជនរងគ្រោះម៉ាក C125 (2016) ពណ៌ខ្មៅ ផ្លាកលេខកំពង់ស្ពឺ 1H-3905 គេចខ្លួនបាត់។
សម្រាប់ករណីនេះ កម្លាំងសមត្ថកិច្ចពាក់ព័ន្ធបាននិងកំពុងធ្វើការស្រាវជ្រាវតាមបង្ក្រាប ខណៈជនរងគ្រោះដែលត្រូវគ្រាប់កាំភ្លើងនោះ ត្រូវបានបញ្ជូនទៅកាន់មន្ទីរពេទ្យ៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ ចៅភ្លោះបីនាក់របស់សម្តេចតេជោចាប់កំណើតនៅស្រុករមាសហែក
ខេត្តស្វាយរៀង ៖ ចៅភ្លោះប្រុស-ស្រី៣នាក់ របស់សម្តេចអគ្គមហាសេនាបតីតេជោ ហ៊ុន សែន បានប្រសូត្រទៀតហើយ ធ្វើឲ្យមានការភ្ញាក់ផ្អើល ដល់ក្រុមគ្រូពេទ្យស្រុករមាសហែក ខណៈស្ត្រីម្នាក់បានឆ្លងទន្លេ ប្រសូត្របានទារកម្នាក់ទារិការ ២នាក់កាលពីវេលាម៉ោង ១២និង១៥នាទីយប់ឈានចូលថ្ងៃទី២១ ខែមីនា ឆ្នាំ២០១៧ ហើយត្រូវបានបញ្ជូនបន្តមកកាន់មន្ទីពេទ្យ បង្អែកខេត្តស្វាយរៀងដើម្បីសង្គ្រោះ ។
បើតាមក្រុមគ្រូពេទ្យសម្ភព នៃមន្ទីរពេទ្យខេត្តបានឲ្យដឹងថា ទារកទារិកាទាំងបីនាក់ក្រុមគ្រូពេទ្យបានជួយ សង្គ្រោះទាន់ពេលវេលា រហូតមកដល់វេលាម៉ោង ១២ថ្ងៃត្រង់ថ្ងៃទី២១ ខែមីនា ឆ្នាំ២០១៧ គឺមានសុខភាពល្អប្រសើរ ហើយចំណែកស្ត្រីជាម្តាយក៏មានសុខភាពធម្មតាដែរ ។
លោកគ្រូពេទ្យបន្តទៀតថា ទារកទារិការទាំង ៣នាក់គឺមានទម្ងន់មួយគីឡូ និងមួយគីឡូ២ខាំដោយគ្រូពេទ្យ បាននឹងកំពុងដាក់កំដៅ និងដាក់សេរ៉ូមជួយសង្គ្រោះនៅឡើយ ។ បើតាមបុរសជាប្ដីឈ្មោះ លី ចិន អាយុ២៣ឆ្នាំ មុខរបរកសិករបានឱ្យដឹងថា គាត់បានរៀបការ ជាមួយប្រពន្ធឈ្មោះ ចាន់ ឡុងនី អាយុ១៨ឆ្នាំ រស់ក្នុងភូមិឈើភ្លើង ឃុំកំពង់ត្រាច ស្រុករមាសហែកបានជាងមួយឆ្នាំមកហើយ ។
ប្រភពបន្តថា មុនពេលមានផ្ទៃពោះប្រពន្ធ គាត់បានយល់សប្តិឃើញមានមនុស្សបានឱ្យចិញ្ជៀន ៣វង់ដល់ប្រពន្ធគាត់ ដោយពាក់លើម្រាមដៃ ខណៈនោះប្រពន្ធគាត់បានត្រេកអរយ៉ាងខ្លាំង ហើយក៏បានភ្ញាក់ដឹងខ្លួន ឡើងប្រាប់ដល់គាត់ជាប្ដីទាំងព្រឹក ហើយពេលមានផ្ទៃពោះ បានទៅពិនិត្យផ្ទៃពោះ គឺមានកូនភ្លោះក៏ប៉ុន្តែមិនឃើញកូនភ្លោះដល់ទៅបីនាក់ទេ គឺគ្រាន់តែដឹងថា កូនភ្លោះ ហើយនៅមុនថ្ងៃឆ្លងទន្លេមួយអាទិត្យប្រពន្ធរបស់គាត់យល់សប្តិម្តងទៀត ឃើញមនុស្សប្រុស ពាក់ជញ្ជៀន៣វង្សឲ្យប្រពន្ធគាត់ម្តងទៀត ។
ប្រភពបន្តទៀតថា ស្រាប់តែនៅយប់ថ្ងៃទី២០ ខែមីនា ឆ្នាំ២០១៧ ប្រពន្ធគាត់បានឈឺពោះហើយក៏បានឱ្យគាត់ និងក្រុមគ្រួសារប្រញាប់ដឹកមកកាន់មន្ទីពេទ្យស្រុករមាសហែកភ្លាមៗ រហូតមកដល់ម៉ោង១២និង១៥នាទីយប់ ក៏ប្រសូត្របានទារកម្នាក់ និងទារិកា២នាក់ គឺកូនភ្លោះដល់ទៅ៣នាក់ ដោយសុខភាពទារកនិងទារិកាមិនល្អក្រុមគ្រូពេទ្យបានដឹកបញ្ជូនបន្ត មកកាន់មន្ទីពេទ្យ ខេត្តស្វាយរៀងដើម្បីសង្គ្រោះ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
