(ពោធិ៍សាត់)៖ បុរសម្នាក់ខ្វះការប្រុងប្រយ័ត្ន បានឆ្លងចរន្តអគ្គិសនីធ្លាក់ស្លាប់ភ្លាមៗ នៅនឹងកន្លែងកើតហេតុ បន្ទាប់ពីបុរសម្នាក់នោះ បានឡើងទៅបាញ់វីសដំបូលផ្ទះ ហើយស្រវាប៉ះខ្សែភ្លើង។ ហេតុការណ៍នេះបានកើតឡើងកាលពីវេលាម៉ោង១១ព្រឹកថ្ងៃទី២២ ខែមីនា ឆ្នាំ២០១៧នេះ នៅចំណុចផ្ទះរបស់ឈ្មោះ ភួង ស្រៀវ ស្ថិតក្នុងភូមិកប៉ះ ឃុំឈើតុំ ស្រុកក្រគរ ខេត្តពោធិ៍សាត់។
សេចក្តីរាយការណ៍ពីភ្នាក់ងារ Fresh News បានឲ្យដឹងថា ជនរងគ្រោះមានឈ្មោះ ផៃ ផាន់ណារ៉ា អាយុ២២ឆ្នាំ មុខរបរកម្មករសំណង់ បច្ចុប្បន្នរស់នៅភូមិកគោ ឃុំស្វាយហ្លួង ស្រុកកណ្តៀង ខេត្តពោធិ៍សាត់។
សេចក្តីរាយការណ៍បន្តថា មុនពេលកើតហេតុជនរងគ្រោះ បានទៅធ្វើសំណង់នៅចំណុចផ្ទះរបស់ឈ្មោះ ភួង ស្រៀវ (ឈ្មួញឈើ) ស្ថិតក្នុងភូមិកប៉ះ ឃុំឈើតុំ ស្រុកក្រគរ ខេត្តពោធិ៍សាត់។ ពេលកំពុងតែឡើងទៅបាញ់វីសដំបូលផ្ទះ ក៏ស្រវាប៉ះខ្សែភ្លើងដែលមានតំណតខ្លួនឯង បណ្តាលឲ្យឆ្លងចរន្តអគ្គិសនី ឆក់ធ្លាក់ស្លាប់ភ្លាមៗនៅនឹងកន្លែងកើតហេតុ។
បច្ចុប្បន្នសាកសពជនរងគ្រោះ ត្រូវបានក្រុមគ្រួសាររៀបចំធ្វើបុណ្យតាមប្រពៃណី៕
ប្រភព៖ Fresh News
ដោយឡែករំលឹកព័ត៌មានមួយផ្សេងទៀត៖ ប្រពន្ធចោទប្តី... ប្តីចោទប្រពន្ធ... ប៉ូលិសអង្គុយស្តាប់
រាជធានីភ្នំពេញ ៖ ស្ត្រីម្នាក់ដោយអត់ទ្រាំនឹងអំពើផិតក្បត់ និងការប្រើហិង្សាពីសំណាក់ប្ដីលែងបានទៀត នាងក៏រត់មករកនគរបាលប៉ុស្តិ៍ចោមចៅ ឱ្យជួយដល់រូបនាង ។
នាងបានបញ្ជាក់ថា ប្ដីនោះបានប្រើហិង្សាលើនាង ចាប់តាំងពីនាងទើបតែសម្រាលកូន រយៈពេល១០ថ្ងៃម្ល៉េះ ប៉ុន្តែនាងស៊ូទ្រាំ មិនតបតនោះឡើយ ។ ប៉ុន្តែការស៊ូទ្រាំនោះមានកំណត់ លុះរហូតដល់វេលាម៉ោង០១ និង១៥នាទីរសៀលថ្ងៃទី២១ មីនា នេះ (មានរយៈពេល៣ខែហើយ) ដោយសារតែប្ដីនៅតែធ្វើបាបនាង ទើបទ្រាំលែងបាន ក៏មកប្ដឹងនគរបាលប៉ុស្ដិ៍ចោមចៅ ជួយអន្តរាគមន៏តែម្ដង ។
ប្រភពឱ្យដឹងថា បុរសជាប្តីឈ្មោះហៀង គឹមផុង អាយុ៣៥ឆ្នាំ ជាថៅកែហាងផឹកស៊ីមួយកន្លែងនៅម្ដុំជិតខ្លោងទ្វារវត្តជន្លុងម្លូរ មានទីលំនៅក្នុងភូមិកប់ភ្លុក សង្កាត់ភ្លើងឆេះរទេះ ខណ្ឌពោធិ៍សែនជ័យ ។ ស្ត្រីប្រពន្ធឈ្មោះចាន់ ធី អាយុ៣៥ឆ្នាំ ជាអ្នកលក់ចាបហួយ ដោយពេលធ្វើដំណើរទៅកាន់ប៉ុស្ដិ៍នគរបាល បានបីកូនប្រុសតូចទើបអាយុ៣ខែ និងកូនស្រីតូចម្នាក់ទៀតទៅជាមួយផង ។
ស្ត្រីខាងលើរៀបរាប់ទៀតថា ប្ដីនាងធ្វើបាបខ្លាំងណាស់ ខណៈពេលដែលនាងកំពុងសម្រាកនៅផ្ទះមួយរយៈពេល ព្រោះតែសម្រាលកូននោះ ។ លោកប្ដីបាននៅមើលការខុសត្រូវនៅក្នុងហាងផឹកស៊ីនៅម្ដុំជិខ្លោងទ្វារវត្តជន្លុងម្លូរ ហើយឆ្លៀតពេលនោះគាត់បានមានស្នេហាលួចលាក់ជាមួយស្រីបម្រើក្នុងហាងនោះថែមទៀតផង ។ ពេលនោះនាងមិនបានដឹងទេ ព្រោះនាងនៅតែផ្ទះជាប់រវល់មើលកូនតូច ប៉ុន្តែនៅថ្ងៃមួយដោយសារតែឃើញអត្តចរិតប្ដីហាក់ខុសប្លែកពីមុនៗនោះ នាងមានការសង្ស័យខ្លះៗ ហើយបានទៅលេងហាងនោះម្ដង ។ ខណៈនោះ មានរឿងមួយដែលធ្វើឲ្យនាងហាក់ពុំជឿលើភ្នែកខ្លួនឯង និងស្ទើរតែគាំងបេះដូងស្លាប់ទៅហើយនោះ គឺឃើញប្ដីកំពុងឱបគ្នាជាមួយស្រីបម្រើនៅក្នុងបន្ទប់មួយជាមួយគ្នា ។
ទាក់ទិននឹងការចោទនេះ បុរសជាប្ដីបាននិយាយនៅចំពោះមុខនគរបាលថា ខ្លួនមិនបានប្រព្រឹត្ត ដូចជាការចោទប្រកាន់នោះឡើយ តាមពិត ប្រពន្ធខ្លួនទេ ដែលផិតក្បត់ខ្លួន មានប្រុសផ្សេងទៀត ។ ហើយកន្លងមក ខ្លួនបានតាមដានដឹង រហូតយកទូរស័ព្ទទៅលុបលេខដែលប្រពន្ធទាក់ទងប្រុសនោះចោលថែមទៀត ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]