ខេត្តត្បូងឃ្មុំ ៖ ប្រជាពលរដ្ឋក្មេង ចាស់ ប្រុស ស្រី រាប់ពាន់នាក់បាននាំគ្នាទៅចាប់ត្រីក្នុងតំបន់ត្រពាងក្រំក្នុងឃុំជាំក្រវៀន ស្រុកមេមត់ ដែលបានប្រព្រឹត្តទៅចំនួន៣ថ្ងៃគឺ១៧-១៨-១៩ ខែមីនា ឆ្នាំ២០១៧ ដែលជាប្រពៃណីខ្មែកើតមានតាំងពីដូនតាមមក ហើយមកដល់សព្វថ្ងៃអ្នកភូមិនៅតែនាំគ្នារក្សាទំនៀមទំលាប់នេះ និងកំពុងក្លាយទៅជាការចាប់អារម្មណ៏ហើយស្ថាប័នជំនាញកំពុងតែធ្វើការអភិរក្សផងដែរ ។ លោក កង ចន្ធីរិទ្ធ ប្រធានមន្ទីរវប្បធម៌ និងវិចិត្រសិល្បៈខេត្តត្បូងឃ្មុំប្រាប់ឲ្យដឹងថា គ្រាន់តែប្រជាពលរដ្ឋមកពីគ្រប់ទិសទីមិនតិចជាង២.០០០នាក់នោះទេបាននាំគ្នាចុះចាប់ត្រីក្នុងត្រពាំងក្រំ មានឈ្នាង អង្រុត និងថ្នងកៀរត្រី ម្នាក់ៗប្រកបដោយទឹកមុខសប្បាយរីករាយដោយមានឮសូរសំលេងហូរកញ្ចៀវថែមទៀតក្នុងនោះមានអ្នកខ្លះបានត្រីតិច និងខ្លះទៀតបានត្រីច្រើន ។
លោកប្រធានមន្ទីរវប្បធម៌ខេត្តបានប្រាប់បន្តថា មុននឹងចុះចាប់ត្រីនោះគឺប្រជាពលរដ្ឋនៅឃុំជាំងក្រវៀន និងឃុំជាំ បានណាត់គ្នាមុន១សប្តាហ៏បន្ទាប់មកក៏បានស្រុះគ្នាមានរហូតដល់ទៅរាប់ពាន់នាក់ចុះមកចាប់ត្រីមានអ្នកខ្លះចុះក្នុងទឹក និងខ្លះទៀតនៅលើគោកចាំទទួលត្រី ។ បើតាមមន្ត្រីរបស់លោកដែលបានចុះទៅស្រាវជ្រាវចំនួន៣ថ្ងៃនៅទីនោះក៏បានដឹងពីសាវតាជាច្រើនពិសេសបានសួរចាស់ៗប្រពៃណីចាប់ត្រីនេះមានតាំងពីដូនតាមកក្នុងសម័យនោះនៅពេលណាដែលចាប់ត្រីបានច្រើនជាលក្ខណៈសហគមន៏គឺត្រូវចែកដល់ចាស់ៗដែលនៅឯផ្ទះ និងអ្នកកូនខ្ចីសល់ប៉ុន្មានអាំងចែកគ្នាហូបតែមកដល់សព្វថ្ងៃនេះប្រជាពលររដ្ឋដែលនេសាទបានត្រីនាំគ្នាអាំងហូប និងចាក់ចំរៀងស្តាប់រាំលេងសប្បាយថែមទៀត ។
ប្រធានមន្ទីរវប្បធម៌ និងវិចិត្រសិល្បៈខេត្តបញ្ជាក់ថា តាមការស្រាវជ្រាវដឹងថា ភូមិមូលត្រូវបានប្រជាពលរដ្ឋនាំគ្នាលើកដីចាក់ដែលមានអង្កត់ផ្ជិតពី២៥០ទៅ៣០០ម៉ែត្រ និងបានជីកទំនប់នៅជុំវិញដែលមានអាយុកាលប្រហែល៣.០០០ឆ្នាំមកហើយ ដែលឆ្លងកាត់ពីមួយជំនាន់ទៅមួយជំនាន់ប្រជាពលរដ្ឋនៅតំបន់ខាងលើនូវតែរក្សាប្រពៃណីនេះបន្តរហូតដល់សព្វថ្ងៃគឺប្រពៃណីចាប់ត្រីដែលក្នុង១ឆ្នាំអ្នកភូមិត្រូវបានណាត់គ្នាម្តងដើម្បីចុះចាប់ត្រីនោះរូបលោកសូមកោតសរសើ ។ ខាងមន្ទីររបស់លោកក៏បានចងក្រងឯកសារមួយដើម្បីរៀបចំធ្វើជារបាំសម្រាប់ជាទឹកតាងបញ្ជាក់ពីវប្បធម៌របស់អ្នកខេត្តត្បូងឃ្មុំផងដែរ ៕
ប្រភព៖ កោះសន្តិភាព
ដោយឡែកពត៌មានគួរឲ្យចាប់អារម្មណ៍មួយទៀត៖
ភ្នំពេញ៖ ពិតជាដំណឹងល្អណាស់ សម្រាប់បងប្អូនប្រជាពលរដ្ឋ ពិសេសកម្មករ កម្មការិនី ដែលត្រូវធ្វើដំណើរពីរាជធានីភ្នំពេញ ទៅលេងស្រុកកំណើត នៅតាមបណ្តាខេត្តនានា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ដែលនឹងចូលមកដល់នៅថ្ងៃទី១៤, ១៥ និង ១៦ ខែមេសា ឆ្នាំ២០១៧ ខាងមុខនេះ, ដោយក្រុមហ៊ុនស្រាបៀរ Ganzberg បានប្រកាសផ្តល់សំបុត្រជិះរថយន្តក្រុងចំនួន១០០គ្រឿង ដែលស្មើនឹងប្រមាណ៥០០០នាក់ដោយឥតគិតថ្លៃ។ នេះបើយោងតាមតំណាងក្រុមហ៊ុនស្រាបៀរ Ganzberg ប្រាប់បណ្តាញសារព័ត៌មាន Fresh News នៅព្រឹកថ្ងៃទី២០ ខែមីនា ឆ្នាំ២០១៧នេះ។
តំណាងក្រុមហ៊ុនស្រាបៀរ Ganzberg បានបញ្ជាក់ថា ការផ្តល់សំបុត្រជិះរថយន្តក្រុង ទៅស្រុកកំណើតដោយឥតគិតថ្លៃនេះ គឺជាការរួមចំណែកជួយកាត់បន្ថយដល់ការចំណាយបងប្អូនប្រជាពលរដ្ឋ និងកម្មករ-កម្មការិនី ដែលចាំបាច់ត្រូវលេងស្រុកកំណើត ជួបជុំក្រុមគ្រួសារ ឪពុកម្តាយ ក្នុងឱកាសបុណ្យចូលឆ្នាំថ្មី ប្រពៃណីខ្មែរ ហើយក៏នឹងជួយទប់ស្កាត់ការដំឡើងថ្លៃ សំបុត្រជិះរថយន្ត ដែលតែងតែកើតមានឡើងផងដែរ។
តំណាងក្រុមហ៊ុនដដែលរូបនោះ បានអះអាងថា ការចេញដំណើរជិះរថយន្តក្រុង១០០គ្រឿងដោយឥតគិតថ្លៃនេះ នឹងចាប់ផ្តើមនៅថ្ងៃទី១២ ខែមេសា ឆ្នាំ២០១៧ ដោយចេញដំណើរពីកោះពេជ្រ, រាជធានីភ្នំពេញ។
សម្រាប់ព័ត៌មានលម្អិត នៃដំណើរការផ្តល់សំបុត្រជិះរថយន្តក្រុងដោយឥតគិតថ្លៃនេះ ក្រុមហ៊ុន Ganzberg នឹងជូនដំណឹងជាផ្លូវការនៅថ្ងៃស្អែក ឬខានស្អែក៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]