ឃឹម ចរិយា ប្រឹង​ចាប់​យក​​ជំ​នាញ​​​សម្ដែង ​ដើម្បី​​ពង្រីក​ខ្លួន​ចូល​ក្នុង​​ទីផ្សារ​​​ភាព​យន្ត

(ភ្នំពេញ)៖ ពិធីការិនី ឃឹម ចរិយា បានប្រាប់អ្នកសារព័ត៌មានឲ្យដឹងថា ក្រៅពីអាជីពជាពិធីការិនីនៅស្ថានីយ៍ទូរទស្សន៍ ភីអ៉ិនអ៉ិន (PNN) កញ្ញា បានតាំងចិត្តថា នឹងបោះជំហានចូលវិថីសិល្បៈឲ្យកាន់តែល្បីល្បាញជាងមុនទៀត។

អាចថាជាការផ្លាស់ប្តូរបទពិសោធន៍ និងដើម្បីរកទីផ្សារការងារឲ្យបានច្រើនជាងមុន ពិធីការិនី ញញឹមស្រស់ពីធម្មជាតិ ឃឹម ចរិយា បានប្រាប់ថា កញ្ញា នឹងប្រឡូកចូលវិស័យសិល្បៈឲ្យកាន់តែល្បីទៅមួយផ្នែកទៀត គឺតាមរយៈការសម្តែងខ្សែភាពយន្ត បន្ថែមទៀត។

ប្រាប់អ្នកសារព័ត៌មានក្នុងពិធីខួបកំណើត គម្រប់ខួប ២៧ឆ្នាំ នារាត្រីថ្ងៃទី១៩ ខែមីនា ឆ្នាំ២០១៧ កញ្ញា ឃឹម ចរិយាបានឲ្យដឹងថា « ចំពោះការងារជាពិធីការិនី គឺដំណើរការទៅដោយរលូន ប៉ុន្តែអាលូវនេះ នាងខ្ញុំបានចាប់យកអាជីពថ្មីមួយទៀត ពីសំណាក់រៀមច្បង ធ្វើជាតារាសម្តែង។ មួយរយៈមុខការងារជាពិធីការិនី មានការមមាញឹកច្រើន ប៉ុន្តែមួយរយៈក្រោយនេះ នាងខ្ញុំចាប់ផ្តើមងាកមកសាកល្បងជាការសម្តែងវិញ ហើយឆ្នាំថ្មីនេះ នឹងមានការសម្តែងជាស្នាដៃថ្មីមួយទៀត ហើយកំពុងចរចាគ្នាថ្មីនេះ ជារឿងភាគ»។

ពិធីការិនីសំដីផ្អែម និងមានទឹកដមរូបនេះ បានប្រាប់ទៀតថា រឿង «ថ្ងៃណាកូនមាសម្តាយ» ជារបស់ផលិតកម្មរស្មីស្ទឹងសង្កែ កញ្ញា បានសម្តែងជាតួឆ្នាស់ឆ្នើម កូនស្រីអ្នកមាន ឆើតឆាយ (លក្ខណៈ High Show) ដែលសាកសមទៅនឹងទ្រមុខ របស់កញ្ញាតែម្តង ។

និយាយបែបជឿជាក់លើខ្លួនឯង កញ្ញា ឃឹម ចរិយាថា «ដើមឡើយ នាងខ្ញុំមិនទុកចិត្តលើសមត្ថភាពសម្តែងខ្លួនឯង តែបើជាពិធីការិនីគឺមានសេចក្តីក្លាហានក្នុងការនិយាយ ប៉ុន្តែបើសម្តែងខ្ញុំពិបាកលេងទឹកមុខណាស់ ហើយថតមួយប្លង់ៗថតច្រើន ហើយខ្លាចចិត្តក្រុមការងារអត់ហ៊ានសម្តែង និងមិនដែលសាកល្បង។ តែដល់ពេលរឿង «ថ្ងៃណាកូនមាសម្តាយ» បងៗប្រាប់ថា អូនគួរតែសាកល្បង ព្យាយាម ពីព្រោះថា តួនេះសមនឹងអូន ត្រូវនឹងបុគ្គលិកលក្ខណៈយើងសម្តែងដែរ»។

កញ្ញាឯកសាប៊ូ Lux ប្រចាំឆ្នាំ២០០៧ ឃឹម ចរិយា ថា កញ្ញា នៅតែបន្តអាជីពជាពិធីការិនី និងសម្តែងបន្ថែមទៀត មិនបោះបង់ចោលមួយណាឡើយ។ កញ្ញាថា នឹងខិតខំពង្រឹងសមត្ថភាពខ្លួនបន្ថែមទៀតនៅក្នុងការសម្តែង ហើយ ថ្ងៃណាមួយកញ្ញា នឹងបានដើរតួឯក រឺតួសំខាន់ណាមួយក្នុងខ្សែភាពយន្ត បើអ្នកដឹកនាំរឿងមើលឃើញពីសមត្ថភាពសម្តែង។ ពិធីការិនី ឃឹម ចរិយា ថា កញ្ញា នឹងមិនបោះបង់ការតាំងចិត្តជាដាច់ខាត។

នៅរាត្រីថ្ងៃម្សិលមិញ ជាថ្ងៃខួបកំណើត គម្រប់ខួប ២៧ឆ្នាំ របស់ញ្ញា ឃឹម ចរិយា ឃើញមានវត្តមាន មិត្តសិល្បៈជាច្រើននាក់ បានចូលរួមនៅក្នុងពិធីនោះ ដែលភាគច្រើនសុទ្ធតែជាពិធីករ និងតារាសម្តែងរួមមាន អ្នកនាង គង់ សុជាតិ លោក យឹម ណារ៉ា កញ្ញា ហេង កែវនីតា លោក ជា វណ្ណារិទ្ធ កញ្ញា Baby និងតារាប្រុសស្រីជាច្រើនរូបទៀត៕

ប្រភព៖ Khmertalking

ដោយឡែករំលឹកព័ត៌មានមួយផ្សេងទៀត៖ ជីជី បង្ហាញរូបថត ថើបជញ្ជក់មាត់ ជាមួយប្រុស ផ្អែមល្ហែម ឡើងស៊ីអារម្មណ៍ អ្នកមើល

ភ្នំពេញៈ ស្រីស្រស់មុខក្រមិចក្រមើ កញ្ញា ពេជ្រ សូលីដា ហៅ ជីជី បង្ហាញរូបថតដ៏ទាក់ទាញ ស៊ីអារម្មណ៍អ្នកមើល ​ជាមួយនឹងការថើបជញ្ជក់មាត់គ្នា ក្នុងសាច់រឿងកុនភាគកូរ៉េ យ៉ាងផ្អែមល្ហែមជាមួយតួប្រុស ។

ទស្សនិកជនបានចោទសួរថា រូបថើបជញ្ជក់មាត់ ស៊ីអារម្មណ៍មួយសន្លឹកនោះ ត្រូវសួរតៗគ្នាថា តើកំពុងតែស្លុងអារម្មណ៍ នឹងគូស្នេហ៍ថ្មីរបស់នាងមែន ឬគ្រាន់តែជាឈុតឆាកមួយ នៅក្នុងសាច់រឿងកុន ព្រោះថានាងក៏ជាតួកុនស្រីម្នាក់ដែរ ក្រៅពីអាជីពជាពិធីការិនី ដ៏ស្រស់ស្អាតរបស់ទូរទស្សន៍ស៊ីធីអិន នៅក្នុងកម្មវិធីរាត្រីកម្សាន្តនោះ? ស្រីស្រស់សម្បូរវោហារ កញ្ញា ជីជី បានចេញមុខបកស្រាយ រូបថតថើបគ្នា ជាមួយនឹងបុរសម្នាក់ថា រូបនោះ មិនជាគូស្នេហ៍អីនោះទេ ។

​តាមពិតទៅជាឈុតមួយ ​នៅកុនភាគរបស់នាងខ្ញុំសម្តែងទេតើ។ កុនភាគដែលនាងខ្ញុំសម្តែងនោះ មានចំណងជើងថា នំប៉័ងសុបិនស្នេហ៍ របស់ ផលិតកម្មទូរទស្សន៍ស៊ីធីអិន ដែលទើបតែបានចាក់បញ្ចាំង កាលពីម្សិលមិញ។ ហើយខ្ញុំក៏ទើបតែបង្ហោះលេងតែម្តងទៅ! មិនមែនជាគូស្នេហ៍អី ដូចជាបងប្អូនបានគិតនោះទេ ហើយតួប្រុសនោះ គឺលោក យឹម ណារ៉ា ទេតើ ហើយការពិតទៅ នាងខ្ញុំក៏មិនទាន់មានគូស្នេហ៍ មកសម្តែងបែបនេះដែរ ។

គួររំលឹកថា ពិធីការិនីទូរទស្សន៍វ័យក្មេងរូបនេះ ក៏ធ្លាប់លេចលឺពាក្យចចាមអារ៉ាម រឿងគូស្នេហ៍ជាកូនអ្នកជំនួញធំ ឬជាកូនរបស់មន្ត្រីពាក់ផ្កាយទៀតផង ​តែក៏បានរសាយទៅវិញដែរ ដោយសារមេបាខាងប្រុស មិនសូវពេញចិត្តនឹងអនាគត កូនប្រសាស្រីជាតារានោះទេ រហូតដល់នាងព្យាយាម បិទបាំងច្រើនឆ្នាំមកហើយនោះ បានដើរដល់ផ្លូវបំបែកហើយ។ ដោយសារសាច់ញាតិខាងប្រុស មិនចង់បានកូនប្រសាស្រីជាតារា ក្រោយពីល្បីថា មានអ្នកណាត់ញ៉ាំបាយម្តងឲ្យ ៥ ពាន់ដុល្លារ។

សូមជម្រាបថា នាពេលថ្មីៗនេះ ពិធីការិនីសម្រស់បាន ជីជី ក៏បានផ្តើមនូវអាជីពរកស៊ី ដោយពឹងកម្លាំងខ្លួនឯងដែរ ដោយបានបើកហាងលក់មីហឹរ ឈ្មោះ «I’m Spicy Soup» ។ បើកហាងនេះ ក៏មានការជួយជំរុញពីប៉ាម៉ាក់ដែរ ដោយពួកគាត់ថា គួរតែចេះរកស៊ីដោយខ្លួនឯងខ្លះទៅក៏ល្អ ដែរក្រោយពេលទំនេរពីសិល្បៈនោះ ៕

• ឃឹម ចរិយា