(កំពត)៖ ទូកនេសាទអូសល្មើសច្បាប់ របស់ជនជាតិវៀតណាម ចំនួន០៣គ្រឿង និងមនុស្ស១៨នាក់ ត្រូវកម្លាំងខណ្ឌជលផលខេត្តកំពត សហការជាមួយកម្លាំងវរនគរបាលការពារព្រំដែនទឹក តំបន់កំពត លេខ២៤១ ដឹកនាំដោយលោក នៃ គង់ អភិបាលរងខេត្ត ក្រោមការសម្របសម្រួលនីតិវិធី ពីព្រះរាជអាជ្ញារងអមសាលាដំបូងខេត្តលោក ខាន់ សុផល ចាប់បាននៅម៉ោងប្រហែល២ រំលងអាធ្រាត្រថ្ងៃទី២០ ខែមីនា ឆ្នាំ២០១៧ នៅចំណុចសមុទ្រ មុខកំពង់ផែវេញហួរ ចម្ងាយប្រមាណ២គីឡូម៉ែត ស្ថិតក្នុងភូមិគីឡូ១២ ឃុំព្រែកអំពិល ស្រុកទឹកឈូ ខេត្តកំពត។
លោក ស សុរិន នាយខណ្ឌរដ្ឋបាលជលផលកំពត បានប្រាប់ឲ្យដឹងថា យោងតាមបទបញ្ជារបស់គណៈបញ្ជកាឯកភាពខេត្ត ក្នុងការបង្ក្រាបទប់ស្កាត់បទល្មើសនេសាទ កម្លាំងរបស់លោក បានសហការចេញល្បាតសមុទ្រ ក៏ប្រទះឃើញទូកល្មើស៤គ្រឿង ហើយកម្លាំងក៏បង្ក្រាបបានទូកនេសាទល្មើសរបស់ប្រជានេសាទវៀតណាមចំនួន០៤គ្រឿង តែខណៈបង្ក្រាបនោះ ទូកល្មើស១គ្រឿងបានបើករត់រួច។
លោកបានបន្តទៀតថា «ការបង្ក្រាបនេះ ក៏មានការសហការល្អ ពីប្រជាអ្នកនេសាទភូមិដូនតោកផងដែរ។ ខណ្ឌរដ្ឋបាលជលផល នឹងសុំគោលការណ៍ ពីលោកអភិបាលខេត្តកំពត ដើម្បីអនុវត្តតាមនីតិវិធីច្បាប់»។
លោក ស សុរិន បានបន្ថែមទៀតថា យោងតាមកិច្ចសហប្រតិបត្តិការរវាងខេត្តកំពត និងខេត្តគៀងយ៉ាង កាលពីថ្ងៃ១៧ ខែមីនា ឆ្នាំ២០១៧ (តាមស្មារតីក្នុងកិច្ចប្រជុំ១ នៅក្រុងហាទៀង ខេត្តគៀងយ៉ាង) ស្តីពីបាតុភាពទំនាស់រវាងអ្នកនេសាទខ្មែរ និងអ្នកនេសាទវៀតណាម ដែលនៅតំបន់ទឹកជាប់គ្មា ភាគីទាំង២ បានឯកភាពទប់ស្កាត់មិនឲ្យមានទូកអូសគូរក្នុងតំបន់នេះសម្រាប់ទុកឲ្យនេសាទ ជាលក្ខណៈគ្រួសារ និងបញ្ជៀសជម្លោះ ដែលមានបាតុភាពក្នុងដែនសមុទ្រកន្លងមក៕
ប្រភព៖ Fresh News
ដោយឡែក ព័ត៌មានចាប់អារម្មណ៍មួយផ្សេងទៀត៖
1ដៃបែកចង្កា និងបែកកញ្ចក់រថយន្ត ហើយអស់200ដុល្លារទៀតដោយសារតែ...
រាជធានីភ្នំពេញ ៖ បុរសម្នាក់ស្រវឹងស្រា បើករថយន្តមួយគ្រឿង កៀរម៉ូតូដួលរងរបួសស្រាលហើយបើករត់បាន៥០ម៉ែត្រ រថយន្តបែកកង់មុខ ខាងឆ្វេងទៅមុខលែងត្រូវប្រជាពលរដ្ឋ និងអ្នកជនរងគ្រោះ ឃាត់បានឈ្លោះប្រកែកគ្នា ធ្វើឲ្យប្រជាពលរដ្ឋខឹងដាក់មួយដៃបែកចង្កា និងបែកកញ្ចក់រថយន្ត ទើបសងសំណង200ដុល្លារ គ្រោះថ្នាក់ចរាចរណ៍នេះកើតឡើង នៅវេលាម៉ោង ៨និង៣០នាទីយប់ថ្ងៃទី១៩ ខែមីនា ឆ្នាំ២០១៧ តាមបណ្តោយផ្លូវ៤៧ នៅចំណុចជិតសណ្ឋាគារកាសា ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញ ហេតុការណ៍បានឱ្យដឹងថា មុនពេលកើតហេតុ គេបានឃើញយុវជនម្នាក់ជិះម៉ូតូម៉ាកហុងដា Moove ពណ៌សលាយខ្មៅ ពាក់ស្លាកលេខ ភ្នំពេញ 1FF-9203 ធ្វើដំណើរតាមបណ្តោយផ្លូវ៤៧ ក្នុងទិសដៅពីជើងទៅត្បូង ខណៈពេលមកដល់ចំណុចកើតហេតុក៏ស្រាប់តែមានបុរសម្នាក់បើករថយន្តបង្កម៉ាក CRV ពណ៌ខ្មៅ ពាក់ស្លាកលេខ ភ្នំពេញ2M0786 បើកតាមបណ្តោយផ្លូវ៤៧ ក្នុងទិសដៅពីជើងទៅត្បូង បើកក្នុងល្បឿនយ៉ាងលឿន ហើយស្រវឹងស្រា បានបើកនៅកណ្តាលផ្លូវមិនបានប្រយ័ត្នក៏កៀរម៉ូតូ បណ្តាលឱ្យដួល សំណាងល្អមិនមាន រងរបួសធ្ងន់ធ្ងរអីនោះទេ គ្រាន់តែខូចខាតម៉ូតូបែកក្បាំង បន្តិចបន្តួចតែប៉ុណ្ណោះ។
ភ្លាមៗនោះដែល រថយន្តបង្កបើករត់បាន50ម៉ែត្រ បានបែកកង់មុខខាងឆ្វេងត្រូវម្ចាស់ម៉ូតូ និងប្រជាពលរដ្ឋឃាត់បាន ស្រាប់តែម្ចាស់រថយន្តចុះ មកពីលើរថយន្តមិនបានសំរួលសងជាមួយជនរងគ្រោះនោះទេ បានឈ្លោះប្រកែកជាមួយ ប្រជាពលរដ្ឋដែលគេជួយឃាត់ទៀត ត្រូវប្រជាពលរដ្ឋវាយបណ្តាលឱ្យបែកចង្កា និងបែកកញ្ចក់រថយន្តខាងឆ្វេងបង្កឲ្យមានការ ឈ្លោះប្រកែកគ្នាផ្អើលកន្លែងកើតហេតុ ។
ក្រោយពេលកើតហេតុ សមត្ថកិច្ចមូលដ្ឋាន រួមនឹងចរាចរណ៍ខណ្ឌដូនពេញបានសម្របសម្រួលជាមួយរថយន្ត រងគ្រោះបានមួយសន្ទុះ ក្រោយមកសាច់ញាតិខាងរថយន្តបង្កបានមកដល់ព្រមសងទៅ ឱ្យខាងម៉ូតូរងគ្រោះចំនួន 200ដុល្លារដើម្បីបញ្ចប់រឿងនៅកន្លែងកើតហេតុ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
