រាជធានីភ្នំពេញ ៖ ម៉ូតូឃ្លីកបើកបរដោយបុរស២នាក់បោះពួយឆ្លងភ្លើងស្ដុបក្រហម ហើយបានមកបុកម៉ូតូវីវ៉ាក្នុងទិសដៅបញ្ច្រាសទិសគ្នា បណ្ដាលឱ្យម៉ូតូឃ្លីកដួលច្រងាងនៅលើទ្រូងផ្លូវ រួចអ្នកបើកបរម៉ូតូឃ្លីកបានរកវាយតប់ទៅលើអ្នកបើកបរម៉ូតូ វីវ៉ាទៅវិញ។ ករណីនេះបានកើតឡើងកាលពីវេលាម៉ោង៨និង៤៥នាទីយប់ថ្ងៃទី១ មីនា ២០១២ នៅចំណុចផ្លូវ៥៩៨កែងផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ។
ប្រភពព័ត៌មានពីអ្នកបើកបរម៉ូតូវីវ៉ាបានឱ្យដឹង ថា មុនពេលកើតហេតុខ្លួនបានជិះម៉ូតូតាមបណ្ដោយផ្លូវ៥៩៨ ពីត្បូងទៅជើង ខណៈមកដល់ចំណុចកើតហេតុ ស្រាប់តែត្រូវម៉ូតូឃ្លីកបើកឆ្លងភ្លើងក្រហម ក្នុងល្បឿនលឿនផងនោះ មកបុកចំពីមុខម៉ូតូខ្លួន បណ្ដាលឱ្យខ្ទាតម៉ូតូទាំង២ចេញពីគ្នាប្រមាណ៣ម៉ែត្រ។ ប៉ុន្ដែពុំបណ្ដាលឱ្យនរណាម្នាក់រងរបួសធ្ងន់ធ្ងរនោះទេ គ្រាន់តែរលាត់ដៃជើងតិចតួចប៉ុណ្ណោះ។
ក្រោយពីកើតហេតុភាគីអ្នកបើកបរម៉ូតូឃ្លីកម្នា ក់បានរកវាយតប់ទៅលើអ្នកបើកបរម៉ូតូវីវ៉ា។ ទោះបែបណាទំនាស់ខាងលើត្រូវបានចែកផ្លូវគ្នាដោយសារតែប៉ូលិសចរាចរ ខណ្ឌសែនសុខបានចុះទៅវាស់វែង ហើយលើកយកម៉ូតូទាំង២គ្រឿងដាក់លើរថយន្ដយកទៅរក្សាទុកនៅអធិ ការដ្ឋានខណ្ឌសែនសុខ ដើម្បីរង់ចាំការដោះស្រាយ៕
ដោយ ៖ ធីតាកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
