ឆ្នេរសមុទ្រដ៏ស្រស់ស្អាតចំនួន ១០ ដែលសឹងមិនជឿថា មានគ្រោះថ្នាក់ចំពោះមនុស្សយ៉ាងនេះសោះ!

តំបន់ឆ្នេរសមុទ្រ គឺហាក់ដូចជា ឋានសូគ៌ពិតៗរបស់មនុស្សយើង សម្រាប់លំហែអារម្មណ៍ លំហែកំសាន្ត ប៉ុន្តែក្នុងចំណោមឆ្នេរសមុទ្រទាំងនោះ ក៏មានមួយចំនួន ពោរពេញទៅដោយគ្រោះថ្នាក់ សឹងមិនគួរឲ្យជឿផងដែរ (ខ្លះមានតាំងពី សត្វត្រីឆ្លាម ខ្ញែសមុទ្រថែមទៀត)។

ដើម្បីកុំឲ្យប្រិយមិត្តរង់ចាំយូរ យើងនឹងនាំគ្នា មកតាមដានឆ្នេរសមុទ្រ ដែលមានគ្រោះថ្នាក់បំផុតក្នុងពិភពលោកទាំង ១០ ដូចខាងក្រោម ៖

# ឆ្នេរសមុទ្រ Playa Zipolite ប្រទេស ម៉ិចស៊ិក

ឆ្នេរដ៏ស្រស់ស្អាតមួយនេះ ត្រូវបានគេដាក់ឈ្មោះថា “Beach of the dead” មានន័យថា ឆ្នេរសមុទ្រពិឃាត ដោយសារតែឆ្នេរនេះ មានរលកធំៗ គ្រោះថ្នាក់យ៉ាងខ្លាំង ហើយវាបានសម្លាប់មនុស្សជាច្រើននាក់រួចមកហើយ។ 

# ឆ្នេរសមុទ្រ Cape Tribulation រដ្ឋ Queensland ប្រទេស អូស្រ្តាលី

សមុទ្រនេះថ្វីបើគ្មានក្រពើមែន តែវាមានសត្វសមុទ្រ គ្រោះថ្នាក់រស់នៅផ្សេងៗទៀត ដូចជាបក្សីវាយប្រហារមនុស្ស Cassowary សត្វពស់ពិស ពីងពាង និងខ្ញែសមុទ្រ យ៉ាងច្រើនស្អេកស្កះ ជាពិសេស ក្នុងរដូវភ្លៀងពីខែតុលា ដល់ខែមិថុនា។ 

# ឆ្នេរសមុទ្រ Shenzhen ប្រទេស ចិន

ឆ្នេរសមុទ្រនេះ ជាគោលដៅទេសចរណ៍ទាំងមនុស្សក្នុង និងក្រៅប្រទេស ហេតុនេះ វាតែងតែមានមនុស្សយ៉ាងច្រើនកុះករ នៅតាមថ្ងៃបុណ្យឈប់សម្រាកផ្សេងៗ រហូតមិនអាចដកដង្ហើមបានប្រក្រតីឡើយ! វាបានបង្កគ្រោះថ្នាក់ជាច្រើន ជាពិសេស លើកុមារតែម្តង។ 

# ឆ្នេរសមុទ្រ New Smyrna រដ្ឋ Florida សហរដ្ឋអាមេរិក

ឆ្នេរនេះជាឆ្នេរដ៏ស្រស់ស្អាតដាច់គេមួយ ក្នុងរដ្ឋ Florida ប៉ុន្តែអ្នកត្រូវតែមានការប្រុងប្រយ័ត្នខ្ពស់នៅទីនោះ ពីព្រោះវាជាជម្រកត្រីឆ្លាមជាច្រើន ហើយថែមទាំងវាយប្រហារអ្នកហែលទឹកលេងជាញឹកញាប់។ មិនត្រឹមតែប៉ុណ្ណោះ តំបន់ឆ្នេរនេះ សំបូរចោរលួចឥវ៉ាន់ថែមទៀត! 

# ឆ្នេរសមុទ្រ Maho កោះ Saint Martin

ថ្វីត្បិតតែ វាជាឆ្នេរដ៏ពេញនិយមមួយពិតមែន តែវាក៏បង្កភាពស្រៀវសាច់ខ្លាំងដែរ ពីព្រោះព្រលានយន្តហោះ ស្ថិតនៅចម្ងាយ ២ ទៅ ៣ ម៉ែត្រពីឆ្នេរប៉ុណ្ណោះ។ ដោយសារតែ ខ្លាចមានហានិភ័យធ្លាក់យន្តហោះ និងមានសម្លេងរំខានខ្លាំងផងនោះ សព្វថ្ងៃនេះ ឆ្នេរ Maho ត្រូវបានហាមឃាត់មិនឲ្យចូលលេង និងទស្សនាទៀតនោះទេ។ 

# ឆ្នេរសមុទ្រនៅកោះ Heard Island ក្នុងមហាសមុទ្រឥណ្ឌា

កោះនេះ គឺស្ថិតនៅក្រោមការគ្រប់គ្រង របស់ប្រទេសអូស្រ្តាលី ប៉ុន្តែឆ្នេរសមុទ្រមួយផ្នែក របស់កោះនេះ មានសភាពត្រជាក់ខ្លាំងណាស់។ តែជាក់ស្តែង មានអ្នកឧស្សាហ៍ទៅជិះបន្ទះក្តារ លើសមុទ្រនោះណាស់ ដោយមិនខ្លាចរឹងខ្លួនត្រជាក់នោះទេ។ 

# ឆ្នេរសមុទ្រ Hanakapiai រដ្ឋ Hawaii សហរដ្ឋអាមេរិក

ថ្វីត្បិតតែវាជាឆ្នេរ ដ៏ស្រស់ស្អាតប្រចាំរដ្ឋ Hawaii ក៏ដោយ ក៏ជាអកុសល វាមានទីតាំងឆ្ងាយពី ស្ថានីយ៍ជួយសង្រ្គោះ ហេតុនេះ វាអាចបណ្តាលឲ្យមានបញ្ហាទឹកកួចមនុស្ស ដោយពិបាក មានអ្នកមកជួយទាន់ពេលវេលាណាស់។ 

# ឆ្នេរសមុទ្រ Gansbaai ប្រទេស អាហ្រ្វិកខាងត្បូង

ឆ្នេរសមុទ្រនេះ មានគ្រោះថ្នាក់ខ្លាំង ដោយសារវាជាជម្រក ត្រីឆ្លាមស ដ៏ច្រើនលើសលប់។ ប៉ុន្តែ សព្វថ្ងៃនេះ ក្រុមហ៊ុនធ្វើដំណើរ បានបង្កើតសកម្មភាព នាំមនុស្សចុះទៅក្រោមទស្សនា ត្រីឆ្លាមស ដោយមិនចាំបាច់បារម្ភថាខ្លាចជាចំណីវាឡើយ។ 

# ឆ្នេរសមុទ្រ Staithes នៃចក្រភពអង់គ្លេស

ឆ្នេរសមុទ្រ Staithes នេះ មានសម្រស់ ទេសភាព គយគន់យ៉ាងស្រស់ស្អាត ប៉ុន្តែ ផ្ទុយទៅវិញ វាជាឆ្នេរសមុទ្រ ដែលមានភាពកខ្វក់ជាងគេបង្អស់ ប្រចាំតំបន់អឺរ៉ុប ដោយសារតែ គុណភាពទឹកគឺជា ទឹកសំអុយ គ្មានការការពារត្រឹមត្រូវសោះឡើយ។ 

# ឆ្នេរសមុទ្រ Praia de Boa Viagem តំបន់ Recife ប្រទេស ប្រេស៊ីល

ដោយសារតែសកម្មភាពរបស់មនុស្ស ឆ្នេរសមុទ្រតំបន់ Reciefe នេះ បានផ្លាស់ប្តូរប្រព័ន្ធអេកូឡូស៊ីយ៉ាងច្រើន ជាពិសេស មានការនេសាទត្រីហួសហេតុ រហូតមិនអាចគ្រប់គ្រងបាន។ មិនត្រឹមតែប៉ុណ្ណោះ សព្វថ្ងៃ មានត្រីឆ្លាមវាយប្រហារ អ្នកហែលទឹកនៅក្បែរៗឆ្នេរទៀតផង៕ 

ប្រភព៖ Bright Side

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖

មិននឹកស្មានថាមាន ទីកន្លែងដែលទន្លេ និងសមុទ្រជួបប្រសព្វគ្នា យ៉ាងអស្ចារ្យដូចនេះទាល់តែសោះ!

ធម្មជាតិគឺជាវត្ថុមួយដ៏អស្ចារ្យ។ ជាក់ស្តែង ដូចជាទន្លេដែលតូចៗ អាចលប់ដោយទន្លេធំៗបាន។ ប៉ុន្តែទោះជាយ៉ាងណា តើអ្នកដឹងទេ នៅពេលដែលកម្លាំងរបស់ទន្លេមួយ និងទំហំរបស់ទន្លេមួយ មានភាពខ្លាំងស្មើគ្នា នោះពួកវានឹងមិនមានទន្លេមួយណាលុប ទន្លេមួយណាបានឡើយ។

ខាងក្រោមនេះជាទីកន្លែងទាំង ១៤ ដែលនឹងធ្វើឲ្យអ្នកភ្ញាក់ផ្អើលពីទិដ្ឋភាពដ៏ស្រស់ស្អាត របស់ព្រំដែនទន្លេ និងសមុទ្រប្រសព្វ ៖

# ទន្លេ Jiangling និង Yangtze (ប្រទេសចិន)

Jiangling គឺជាស្រុកមួយ នៅក្នុងខេត្ត Hubei ប្រទេសខាងត្បូង ក្នុងសាធារណរដ្ឋប្រជាមានិតចិន។ នៅទីនេះក៏មានទន្លេមួយឈ្មោះ Jiangling ផងដែរ ជាពិសេស ប្រសព្វគ្នាជាមួយនឹងទន្លេ Yangtze ដែលជាទន្លេវែងជាងគេបំផុតនៅអាស៊ី និងជាទន្លេដែលវែងជាងគេបំផុតទី ៣ របស់ពិភពលោក។

# ទន្លេ Alaknanda និង Bhagirathi (ប្រទេស ឥណ្ឌា)

ទន្លេ Alaknanda គឺជាទន្លេបរិសុទ្ធ របស់ជនជាតិឥណ្ឌាសាសនាហិណ្ឌូ នៅរដ្ឋ Uttarakhand ជាពិសេសវាជាទន្លេដ៏សំខាន់ របស់ប្រជាជនឥណ្ឌាខាងជើង។ ទន្លេ Alaknanda ប្រសព្វជាមួយនឹងទន្លេ Bhagirathi ដែលជាទន្លេបរិសុទ្ធភាគខាងជើងមួយទៀត របស់អ្នកកាន់សាសនាហិណ្ឌូផងដែរ។

# សមុទ្រ Caribbean និងមហាសមុទ្រ អាត្លង់ទិក

សមុទ្រ Caribbean ស្ថិតនៅក្នុងតំបន់ត្រូពិច Hemisphere ខាងលិច។ ជាក់ស្តែង សមុទ្រនេះប្រសព្វជាមួយនឹង មហាសមុទ្រអាត្លង់ទិក ដែលជាមហាសមុទ្រធំជាងគេបង្អស់ទី ២ ។ ទោះបីជាសមុទ្រ Caribbean បែកចេញពីមហាសមុទ្រអាត្លង់ទិកក៏ដោយ ក៏សមុទ្រទាំង ២ នេះមិនលប់ចូលគ្នាដែរ។

# សមុទ្រខាងជើង និងសមុទ្រ Baltic

សមុទ្រខាងជើង គឺជាសមុទ្រដែលបែកចេញពី មហាសមុទ្រអាត្លង់ទិក និងលាតសន្ធឹងពីចក្រភពអង់គ្លេស ប្រទេសអាល្លឺម៉ង់ ហូល្លង់ ប៊ែលហ្សិក និងបារាំង។ មិនខុសពីគ្នាប៉ុន្មាននោះទេ សមុទ្រ Baltic ក៏បានបែកចេញពីមហាសមុទ្រអាត្លង់ទិកដែរ និងហ៊ុំព័ទ្ធដោយតំបន់ Scandinavia ប្រទេសហ្វាំងឡង់ និងអ៊ឺរ៉ុបភាគខាងជើង។

# ទន្លេ Rio Negro និង Solimoes (ប្រទេសប្រេស៊ីល)

Rio Negro (ត្រូវបានគេហៅវាថាជា ទន្លេខ្មៅ) គឺជាដៃទន្លេឆ្វេង ដ៏ធំបំផុតរបស់ព្រៃអាម៉ាហ្សូន និងជាទន្លេដែលធំជាងគេបំផុតផងដែរ។ រីឯទន្លេ Solimoes ក៏ជាទន្លេមួយដែលបែកចេញពីព្រៃអាម៉ាហ្សូនដែរ។ ជាពិសេស ទន្លេ Rio Negro និង Solimoes ប្រសព្វគ្នានៅឯព្រំដែនប្រទេសប៉េរូ។

# ទន្លេ Danube និង Ilz និង Inn (ប្រទេសអាល្លឺម៉ង់)

ទន្លេ Danube គឺជាទន្លេដែលវែងជាងគេទី ២ របស់ពិភពលោក ដែលហូរកាត់ប្រទេសចំនួន ១០ និងមានប្រវែង ២,៨៦០ គីឡូម៉ែត្រ។ ចំណែកទន្លេ Izz ជាទន្លេរបស់ព្រៃ Bavarian និងជាដៃទន្លេរបស់ Danube ផងដែរ។ ទន្លេទាំងពីរនេះ មកជួបគ្នាជាមួយទន្លេ Inn ក្នុងប្រទេសអាល្លឺម៉ង់។

# ទន្លេ Rhône និង Arve (ប្រទេសស្វីស)

ទន្លេ Rhône គឺជាទន្លេដ៏សំខាន់ ប្រចាំតំបន់អ៊ឺរ៉ុប មានទីតាំងក្នុងប្រទេសស្វីស និងមានប្រវែង ៨១៣ គីឡូម៉ែត្រ។ រីឯទន្លេ Arve ដែលជាទន្លេហូរកាត់ប្រទេសស្វីស និងប្រទេសបារាំង មានប្រវែង ១០០ គីឡូម៉ែត្រ និងបានក្លាយជាដៃទន្លេឆ្វេងរបស់ Rhône ផងដែរ។

# ទន្លេ Drava និង Danube (ទីក្រុង Croatia)

ទន្លេ Drava គឺជាទន្លេភាគខាងត្បូង កណ្តាលតំបន់អ៊ឺរ៉ុប និងមានប្រវែង ៧៤៩ គីឡូម៉ែត្រ។ ក្នុងនាមជាទន្លេដែលវែងជាងគេទី ២ ប្រចាំតំបន់អ៊ឺរ៉ុប ទន្លេ Danube ក៏ជាទន្លេដ៏សំខាន់បំផុតប្រចាំទ្វីបអ៊ឺរ៉ុបដែរ។ ជាក់ស្តែង ទន្លេ Drava គឺជាដៃទន្លេ Danube ផងដែរ។

# Green River និង Colorado River (សហរដ្ឋអាមេរិក)

Green River គឺជាទន្លេមួយមានប្រវែង ១,១៧០ គីឡូម៉ែត្រ ដែលមានទីតាំងនៅភាគខាងលិចសហរដ្ឋអាមេរិក ជាក់ស្តែងវាក៏ជាដៃទន្លេដ៏ធំរបស់ Colorado River ផងដែរ។ រីឯ Colorado River ជាទន្លេដ៏សំខាន់មួយ ស្ថិតនៅភាគនិរតីនៃសហរដ្ឋអាមេរិក និងភាគខាងជើងប្រទេសម៉ិកស៊ិក មានប្រវែងប្រមាណ ២,៣៣០ គីឡូម៉ែត្រ។

# ទន្លេ Tobol និង Irtysh (ប្រទេសរុស្ស៊ី)

ទន្លេ Irtysh គឺជាទន្លេដែលឆ្លងកាត់ប្រទេសរុស្ស៊ី ប្រទេសចិន និង Kazakhstan មានប្រវែងប្រមាណ ៤,២៤៨ គីឡូម៉ែត្រ។ រីឯទន្លេ Tobol គឺជាដៃទន្លេដ៏ធំមួយរបស់ទន្លេ Irtysh មានប្រវែងស្មើនឹង ១,៦៦០ គីឡូម៉ែត្រ ក៏បានមកប្រសព្វគ្នានៅទីក្រុង Tobolsk។

# ទន្លេ Chuia និង Katun (ប្រទេសរុស្ស៊ី)

ទន្លេ Chuia គឺជាទន្លេមួយដែលនៅតាមភ្នំ Altai ក្នុងប្រទេសរុស្ស៊ី និងមានប្រវែងប្រមាណ ៣២០ គីឡូម៉ែត្រ។ ទន្លេនេះបានមកជួបគ្នាជាមួយទន្លេ Kutan ដែលមានទីតាំងនៅភ្នំ Altai ភាគខាងត្បូង មានប្រវែង ៦៨៨ គីឡូម៉ែត្រ។

# ទន្លេ Mosel និង Rhine (ប្រទេសអាល្លឺម៉ង់)

ទន្លេ Mosel គឺជាទន្លេដែលហូរកាត់ប្រទេសបារាំង Luxembourg និងអាល្លឺម៉ង់ មានប្រវែងប្រមាណ ៥៤៥ គីឡូម៉ែត្រ។ វាបានមកជួបប្រសព្វគ្នាជាមួយទន្លេ Rhine ក្នុងប្រទេសអាល្លឺម៉ង់ ដែលវាជាទន្លេមួយ ក្នុងតំបន់អ៊ឺរ៉ុប មានប្រវែង ១,២៣០ គីឡូម៉ែត្រ។

# Black River និង Aragvi River (ប្រទេស Georgia)

Black River គឺជាទន្លេមួយ ដែលមានប្រវែង ២១ គីឡូម៉ែត្រ និងហូរចូលទៅក្នុងវាលល្បាប់ភក់ Okefenokee ក្នុងប្រទេសអាមេរិក ពីតំបន់ Georgia។ ទន្លេនេះបានមកជួបគ្នាជាមួយទន្លេ Aragvi ដែលនៅ Georgia ជម្រាលភាគខាងត្បូងនៃភ្នំ Caucasus ដែលទន្លេនេះមានប្រវែង ១១២ គីឡូម៉ែត្រការ៉េ។

# ទន្លេ Kisha និង Belaya (ប្រទេសរុស្ស៊ី)

ទន្លេ Kisha គឺជាដៃទន្លេស្តាំ នៃទន្លេ Belaya ក្នុងភាគនិរតី ប្រទេសរុស្ស៊ី និងហូរកាត់រដ្ឋ Adygea ប្រវែង ៥២ គីឡូម៉ែត្រ។ រីឯទន្លេ Belaya គឺជាទន្លេដែលហូរកាត់តំបន់ Bashkortostan និងសហព័ន្ធរុស្ស៊ី ដែលមានប្រវែងរហូតដល់ទៅ ១,៤៣០ គីឡូម៉ែត្រ៕

• ទីកន្លែង