ខេត្តតាកែវ ៖ រយៈពេល២ថ្ងែមកនេះ នៅក្នុងក្រុងដូនកែវ មានចោកំពុងតែដើររាតត្បាតឆក់ និងចូលគាស់ផ្ទះ របស់ប្រជាពលរដ្ឋទាំងថ្ងៃតែម្តង ហើយសកម្មភាពនេះប៉ូលិសក្រុង និងខេត្តបានត្រឹមតែ ទៅធ្វើកំណត់ពីជនរងគ្រោះតែប៉ុណ្ណោះ ចំណែកជនល្មើសមិនដែលចាប់បានឡើយ ។
ប៉ូលិសក្រុងដូនកែវម្នាក់ បាននិយាយប្រាប់ កោះសន្តិភាពឱ្យដឹងថា រយៈពេលតែ២ថ្ងៃសោះក្នុងក្រុងដូនកែវ បានកើតមានអំពើឆក់ និងចូលគាស់ផ្ទះចំនួន២លើកដែល លើកទី១បានកើតឡើង កាលពីវេលាម៉ោង១៥រសៀល ថ្ងៃទី១៦ មីនា នៅមុខសាលាក្រុងដូនកែវភូមិឡូរី សង្កាត់រកាក្នុង ចោរចំនួន២នាក់ជិះម៉ូតូ១គ្រឿង បានធ្វើសកម្មភាពឆក់កាបូបពីស្រី្តម្នាក់បានសំរេច រួចជិះគេចខ្លួនបាត់ និងលើកទី២នេះចោរចំនួន២នាក់បានចូលធ្វើសកម្មភាព ចូលទៅគាស់ផ្ទះរបស់ប្រជាពលរដ្ឋនៅ ភូមិស្នោ សង្កាត់រកាក្នុង ក្រុងដូនកែវកាលពីថ្ងៃទី១៧ មីនា ខណៈពេលដែលម្ចាស់មិននៅផ្ទះ ។
ប៉ូលិសដដែលបានបន្តទៀតថា នៅវេលាម៉ោង៩និង៣០នាទីចោរមានគ្នា២នាក់ជិះម៉ូតូសេ១២៥មួយគ្រឿងបានចូលទៅគាស់ផ្ទះរបស់ប្រជាពលរដ្ឋឈ្មោះ ស៊ុយ វ៉ា ភេទប្រុស អាយុ៣៨ឆ្នាំ ប្រពន្ធឈ្មោះ វ៉ៃន ផាន់រីន អាយុ៣២ឆ្នាំ ជាអាជីវករលក់ដូរនៅផ្សារតាកែវតែចោរចូលគាស់ផ្ទះមិនបានសរេច ។
បើតាមសំដីស្រី្តម្ចាស់ផ្ទះបាននិយាយរៀបរាប់ថា គាត់២នាក់ប្តីប្រពន្ធរកស៊ីលក់ចាប់ហួយនៅផ្សារតាកែវ ចំណែកប្តី របស់គាត់ដឹកចាប់ហួយដើរបោះឱ្យម៉ូយនៅតាមផ្សារនានាដោយព្រលឹមចេញ ព្រលប់បានចូលផ្ទះ ដោយចាក់សោផ្ទះចោលរហូត ស្រី្តជាម្ចាស់ផ្ទះបានបន្តទៀតថា មុនពេលកើតហេតុ គាត់ទៅលក់ដូរជាធម្មតាតែ ក៏បានដើរមកផ្ទះពេលមកដល់ ក៏បានជួបចោរចំនួន២នាក់ កំពុងតែលើកទូរទស្សន៍ និងធុងលុយយកចេញពីក្នុងផ្ទះ ពេលនោះគាត់ក៏បានស្រែកថា ចោៗៗក៏មានការភ្ញាក់ផ្អើលដឹងដល់អ្នករស់នៅជិតខាង ក្រុមចោរក៏ភ័យបានបោះធុង លុយចំក្បាលគាត់រួចរត់ឡើងម៉ូតូគេចខ្លួនបាត់ ដោយមិនបានបាត់បង់អ្វីឡើយ ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
និស្សិតឆ្នាំទី១ចង.កសម្លាប់ខ្លួន ធ្វើឱ្យឪពុកម្តាយទទួលវិប្បដិសារី ព្រោះ... (មានវីដេអូ)
រាជធានីភ្នំពេញ ៖ យុវជននិស្សិតឆ្នាំទី១ សាលាកសិកម្មចំការដូងម្នាក់ បានធ្វើអត្តឃាតដោយយកក្រមាចង.កសម្លាប់ខ្លួនឯង ជាប់ជាមួយធ្នឹមបន្ទប់ទឹកក្នុងបន្ទប់ផ្ទះជួលរបស់ខ្លួន ហើយត្រូវមិត្តភក្តិប្រទះឃើញក៏បង្កការភ្ញាក់ផ្អើល កាលពីវេលាម៉ោង០៩ និង១៥នាទីព្រឹកថ្ងៃទី១៧ មីនា ស្ថិតនៅក្បែរសាលាកសិកម្មចំការដូង បន្ទប់ជួលលេខ៥ ក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
ប្រភពឱ្យដឹងថា យុវជនរងគ្រោះឈ្មោះអាត សំអាង អាយុ១៩ឆ្នាំ ជានិស្សិតឆ្នាំទី១នៃសាលាកសិកម្មចំការដូង មានទីលំនៅក្នុងភូមិដូនរ័ត្ន សង្កាត់ឪឡោក ខណ្ឌពោធិ៍សែនជ័យ ។
ទាក់ទិននឹងការសម្លាប់ខ្លួននេះ ត្រូវស្ត្រីជាម្ដាយយំរៀបរាប់ថា មូលហេតុដែលកូនប្រុសគាត់ចង.កនេះ គាត់មានការសង្ស័យអាចបណ្ដាលមកពីគេខំរៀនខ្លាំងពេក រហូតមានបញ្ហាប្រព័ន្ធសសៃប្រសាទ និងតូចចិត្តរៀនមិនទាន់គេ ។ ព្រោះមុនពេលសម្លាប់ខ្លួនប៉ុន្មានសប្តាហ៍មុន កូនគាត់ត្អូញត្អែរប្រាប់គាត់ថា តូចចិត្តរៀនមិនទាន់គេ និងនិយាយស្ដីខុសប្រក្រតីច្រើនទៀតផង ហើយគាត់មានការសោកស្ដាយខ្លាំងណាស់ ព្រោះទៅយកកូនទៅព្យាបាលមិនទាន់ ។
ប្រភពដដែលបន្តថា បន្ទាប់ពីឮកូននិយាយបែបនេះ ហើយស្ដាប់ទៅកូនមានបញ្ហាខួរក្បាលនោះ គាត់មានការព្រួយបារម្ភយ៉ាងខ្លាំង ហើយអ្វីដែលគួរឱ្យសោកស្ដយបំផុតនោះ គឺកាលពីថ្ងៃទី១៦ មីនា គាត់បានខលជួបកូន ហើយប្រាប់កូនថា នឹងទៅយកកូនត្រឡប់ទៅផ្ទះវិញ ដើម្បីព្យាបាល និងរកគ្រូ ឬព្រះសង្ឃ ដើម្បីស្រោចទឹកចេញ ។
ប៉ុន្តែដោយសារតែរវល់ ទើបមិនទាន់បានទៅយក ហើយរហូតដល់ព្រឹកថ្ងៃកើតហេតុ មិត្តភក្ដិកូនគាត់បានខលទៅប្រាប់ថា កូនគាត់បានចង.កសម្លាប់ខ្លួនបាត់ទៅហើយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
