ខេត្តពោធិ៍សាត់ ៖ បុរសម្នាក់ បានត្រូវអ្នកស្រុកប្រទះឃើញចង.កសម្លាប់ខ្លួននៅលើដើមឈើត្រង់ចំណុចខ្នងទំនប់ ស្ថិតក្នុងភូមិផ្ទះរុង ឃុំផ្ទះរុង ស្រុកភ្នំក្រវាញ កាលពីវេលាម៉ោង៦និង១៥នាទីព្រឹកថ្ងៃទី១៧ មីនា ដោយមិនដឹងពីមូលហេតុច្បាស់លាស់ ។
សមត្ថកិច្ចមូលដ្ឋានឲ្យដឹងថា សាកសពត្រូវបានអ្នកស្រុកស្គាល់ឈ្មោះ ធឿន ផេន ភេទប្រុស អាយុ៣៥ឆ្នាំ មានប្រពន្ធកូនរស់នៅភូមិ-ឃុំ កើតហេតុខាងលើ ។ ជនរងគ្រោះប្រើខ្សែអង្រឹងចង.កលើដើមអំពិលបណ្ដាលឲ្យ ស្លាប់ក្នុងសំលៀកបំពាក់ខោយឺតខ្លីពណ៌ខៀវ និងពាក់អាវទាហ៊ានមូរដៃ ។ ជនរងគ្រោះអាចធ្វើសកម្មភាពចង.កនៅល្ងាចថ្ងៃទី១៦ មីនា ព្រោះវេលាម៉ោង ៦និង១៥នាទីព្រឹកថ្ងៃទី១៧ មីនា ទើបអ្នកស្រុកប្រទះឃើញ ។
ពុំមានអ្នកណាដឹងពី មូលហេតុច្បាស់លាស់ទេ ប៉ុន្តែបើតាមការស៊ើបសួរពីក្រុមគ្រួសារ និងអ្នកស្រុកនៅទីនោះ អាចបណ្ដាលមកពីតូចចិត្ត នឹងការជំពាក់លុយគេច្រើនពេកគ្មានលទ្ធភាពសងទើបសម្រេចចិត្ត បែបនេះដើម្បីបញ្ចប់អ្វីៗ ទាំងអស់តែម្ដង ។
សមត្ថកិច្ចបានធ្វើកោសលវិច័យបញ្ជាក់ថា ជនរងគ្រោះពិតជាធ្វើអត្តឃាតចង.កសម្លាប់ខ្លួនប្រាកដមែនព្រោះនៅលើដងខ្លួនពុំមានស្លាកស្នាមអ្វីដែលសង្ស័យថា ជាអំពើឃាតកម្មនោះទេ ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
និស្សិតឆ្នាំទី១ចង.កសម្លាប់ខ្លួន ធ្វើឱ្យឪពុកម្តាយទទួលវិប្បដិសារី ព្រោះ... (មានវីដេអូ)
រាជធានីភ្នំពេញ ៖ យុវជននិស្សិតឆ្នាំទី១ សាលាកសិកម្មចំការដូងម្នាក់ បានធ្វើអត្តឃាតដោយយកក្រមាចង.កសម្លាប់ខ្លួនឯង ជាប់ជាមួយធ្នឹមបន្ទប់ទឹកក្នុងបន្ទប់ផ្ទះជួលរបស់ខ្លួន ហើយត្រូវមិត្តភក្តិប្រទះឃើញក៏បង្កការភ្ញាក់ផ្អើល កាលពីវេលាម៉ោង០៩ និង១៥នាទីព្រឹកថ្ងៃទី១៧ មីនា ស្ថិតនៅក្បែរសាលាកសិកម្មចំការដូង បន្ទប់ជួលលេខ៥ ក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
ប្រភពឱ្យដឹងថា យុវជនរងគ្រោះឈ្មោះអាត សំអាង អាយុ១៩ឆ្នាំ ជានិស្សិតឆ្នាំទី១នៃសាលាកសិកម្មចំការដូង មានទីលំនៅក្នុងភូមិដូនរ័ត្ន សង្កាត់ឪឡោក ខណ្ឌពោធិ៍សែនជ័យ ។
ទាក់ទិននឹងការសម្លាប់ខ្លួននេះ ត្រូវស្ត្រីជាម្ដាយយំរៀបរាប់ថា មូលហេតុដែលកូនប្រុសគាត់ចង.កនេះ គាត់មានការសង្ស័យអាចបណ្ដាលមកពីគេខំរៀនខ្លាំងពេក រហូតមានបញ្ហាប្រព័ន្ធសសៃប្រសាទ និងតូចចិត្តរៀនមិនទាន់គេ ។ ព្រោះមុនពេលសម្លាប់ខ្លួនប៉ុន្មានសប្តាហ៍មុន កូនគាត់ត្អូញត្អែរប្រាប់គាត់ថា តូចចិត្តរៀនមិនទាន់គេ និងនិយាយស្ដីខុសប្រក្រតីច្រើនទៀតផង ហើយគាត់មានការសោកស្ដាយខ្លាំងណាស់ ព្រោះទៅយកកូនទៅព្យាបាលមិនទាន់ ។
ប្រភពដដែលបន្តថា បន្ទាប់ពីឮកូននិយាយបែបនេះ ហើយស្ដាប់ទៅកូនមានបញ្ហាខួរក្បាលនោះ គាត់មានការព្រួយបារម្ភយ៉ាងខ្លាំង ហើយអ្វីដែលគួរឱ្យសោកស្ដយបំផុតនោះ គឺកាលពីថ្ងៃទី១៦ មីនា គាត់បានខលជួបកូន ហើយប្រាប់កូនថា នឹងទៅយកកូនត្រឡប់ទៅផ្ទះវិញ ដើម្បីព្យាបាល និងរកគ្រូ ឬព្រះសង្ឃ ដើម្បីស្រោចទឹកចេញ ។
ប៉ុន្តែដោយសារតែរវល់ ទើបមិនទាន់បានទៅយក ហើយរហូតដល់ព្រឹកថ្ងៃកើតហេតុ មិត្តភក្ដិកូនគាត់បានខលទៅប្រាប់ថា កូនគាត់បានចង.កសម្លាប់ខ្លួនបាត់ទៅហើយ ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]