(ភ្នំពេញ)៖ កម្លាំងនគរបាលខណ្ឌសែនសុខ និងកម្លាំងប៉ុស្តិ៍ភ្នំពេញថ្មី នៅថ្ងៃទី១៧​ ខែមីនា ឆ្នាំ២០១៧នេះ បានធ្វើការឃាត់ខ្លួនជនសង្ស័យម្នាក់ ពាក់ព័ន្ធនឹងករណីឆក់ទូរសព្ទ័ដៃ ពីជនជាតិចិនតៃវ៉ាន់ នៅចំណុចតាមផ្លូវ១០០៧កែងផ្លូវ១៩៧៩ ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

លោក ម៉ក់ ហុង អធិការនគរបាលខណ្ឌសែនសុខ បានឲ្យដឹងថា ក្រោយពីបានចម្លើយ ពីជនសង្ស័យខាងលើ អធិការដ្ឋាននគរបាលខណ្ឌសែនសុខ បានធ្វើការស្រាវជ្រាវបន្តឃាត់ខ្លួន បក្សពួកជនសង្ស័យបានម្នាក់បន្ថែមទៀត ពាក់ព័ន្ធករណីខាងលើ នៅភូមិទំនប់ សង្កាត់ភ្នំពេញថ្មី។ ក្នុងនោះ​ម្លាំងនគរបាល បានដកហូតទូរហ្គេមបាញ់ត្រីចំនួន០១ ដាវសាម៉ូរ៉ៃចំនួន២ ម៉ូតូចំនួន០២គ្រឿង និងឧបករណ៍ប្រើប្រាស់គ្រឿងញៀនមួយចំនួន ។

បច្ចុប្បន្នករណីខាងលើ កម្លាំងសមត្ថកិច្ចកំពុងសាកសួរនៅអធិការដា្ឋន ដើម្បីស្រាវជ្រាវរកបក្សពួកនៅសេសសល់បន្ត។ ចំណែកទូរសព្ទ័ដៃ០១គ្រឿង ដែលជនសង្ស័យបានឆប់ ក៏បាបប្រគល់ឲ្យជនរងគ្រោះវិញផងដែរ៕

ប្រភព៖ Fresh News

ដោយឡែករំលឹកព័ត៌មានមួយផ្សេងទៀត៖ គួរឲ្យអាសូរណាស់! ក្មេងប្រុស៤នាក់ លង់ទឹកស្រះស្លាប់យ៉ាងវេទនា នៅស្រុកបារាយណ៍ ខេត្តកំពង់ធំ

(កំពងធំ)៖ គួរឲ្យអាសូរណាស់! ក្មេងប្រុសតូចៗចំនួន៤នាក់ ដើរលេងខាងក្រៅផ្ទះស្រាប់តែ ចុះទៅក្នុងទឹកស្រះបណ្តាលឲ្យ លង់ស្លាប់ជាបន្តបន្ទាប់គួរឲ្យអាណោចអាធ័មបំផុត នៅភូមិសំរោង ឃុំចុងដូង ស្រុកបារាយណ៍ ខេត្តកំពង់ធំ។

លោក យឹម សារ៉េត នាយនគរបាលប៉ុស្តិ៍ឃុំចុងដូង បានប្រាប់ភ្នាក់ងារ Fresh News នៅព្រឹកថ្ងៃទី១៧ ខែមីនា ឆ្នាំ២០១៧នេះថា ហេតុការណ៍នេះកើតឡើងនៅល្ងាចម្សិលមិញ ដែលបណ្តាលឲ្យក្មេងតូចៗ មានអាយុចាប់ពី៤ឆ្នាំទៅ៦ឆ្នាំ បានស្លាប់ទាំងអស់ដោយសារលង់ទឹកស្រះ។

លោកបានបន្តថា ក្មេងរងគ្រោះទី១ឈ្មោះ វ៉ា រ៉េតអាយុ៤ឆ្នាំ ឪពុកឈ្មោះ គុជ វ៉ា ម្តាយឈ្មោះ ហៀង ថា ទី២ឈ្មោះ មាន ម៉ន អាយុ៤ ឪពុកឈ្មោះ ហ៊ែល ម្តាយឈ្មោះ ម៉ាន់ អាន ទី៣ឈ្មោះ ម៉ាន ជៃ អាយុ៤ឆ្នាំ ឪពុកឈ្មោះ បូរ៉ា ម្តាយឈ្មោះ មាន អន និងទី៤ឈ្មោះ ហ៊ែល រ៉ាវី អាយុ៦ឆ្នាំ ឪពុកឈ្មោះ ប៉ិច ជា ម្តាយឈ្មោះ ស៊ូ រៀម ដែលជនរងគ្រោះទាំង៤នាក់ រស់នៅភូមិឃុំកើតហេតុ។

នាយប៉ុស្តិ៍បានបញ្ជាក់ថា «មុនពេលកើតហេតុ កុមារាទាំង៤នាក់ បានដើលេងចេញពីផ្ទះតាំងពីម៉ោង៩ទៅម៉ោង១០ព្រឹកមកម្ល៉េះ ដោយបាត់កូនៗយូរពេក ឪពុកម្តាយនាំគ្នាដើរកស្រាប់តែ ប្រទះឃើញកុមារាទាំង៤នាក់ស្លាប់ ឱបគ្នាគួឲ្យរន្ធត់។ ឃើញហេតុការណ៍នេះ ឪពុកម្តាយយំសោកបោកខ្លួន យ៉ាងខ្លាំងហើយយកទៅធ្វើបុណ្យតាមប្រពៃណីរៀងៗខ្លួន»៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]