រាជធានីភ្នំពេញ ៖ បន្ទាប់ពីមានការភ្ញាក់ផ្អើល និងមានការតិះដៀលដល់តារាសម្តែងប្រុស-ស្រី២ដួង ខណៈដែលបានឃើញរូបភាពត្រូវប៉ូលិសព័ទ្ធចាប់ និងចាប់ចងដោយពាក់ព័ន្ធជាមួយករណីជួញដូរគ្រឿងញៀន ។ ហើយនៅពេលដែលដឹងរឿងនេះគ្រាន់តែជាការសម្តែងនោះ បានធ្វើឱ្យមហាជនស្អប់ ពិសេសគឺកញ្ញាសុជាត្តារ៍ ត្រូវរងផលប៉ះពាល់កេរ្តិ៍ឈ្មោះរបស់នាង។
យ៉ាងណាមិញ នេះគ្រាន់តែជាការសម្តែងមួយ ដែលតារាមួយចំនួន រាប់ទាំងកញ្ញាសុជាត្តារ៍ បានលះបង់ច្រើនក្នុងការសម្តែង ដែលឈុតដោះដូរគ្រឿងញៀន រហូតមានការយល់ច្រឡំពីអ្នកមិនដឹងរឿងបែរជាគិតថា ធ្វើឱ្យខូចឈ្មោះក្នុងនាមជាតារា ដែលមហាជនស្រឡាញ់ពេញចិត្តនោះ ។
គួរបញ្ជាក់ថា បងប្អូនមួយចំនួន ពិសេសក្នុងបណ្តាមសង្គមហ្វេសបុក ធ្វើឱ្យមហាជនខកចិត្ត បន្ទាប់ពីឃើញប៉ូលិសចាប់បែបនេះ ។ ពិសេស ក្នុងគណនីហ្វេសប៊ុកមួយ បានផុសរូបតារាសម្តែងកញ្ញាសម សុជាត្តារ៍ និងពិធីករលោកសុវណ្ណ គីរី ដែលត្រូវប៉ូលិសចាប់រួមនិងគ្រឿងញៀនប្រមាណជា៥០,០០០គ្រាប់ ។ ម្ចាស់គណនីហ្វេសប៊ុកនោះ ក៏ចោទជាសំណួរស្តីបន្ទោសទៅសិល្បៈខ្មែរធ្ងន់ៗថា «ហេតុអីបានជាតារាខ្មែរប្រព្រឹត្តអំពើបែបនេះ ជាការពិតឬមិនមែនទេ បងប្អូនជួយប្រាប់ផង?» ។ ទន្ទឹមនោះ ក៏មានអ្នកបង្ហាញពីឈ្មោះតារាសម្តែង ដែលត្រូវប៉ូលិសចាប់ខ្លួនជាមួយនឹងគ្រឿងញៀន ខណៈពួកគេថា «តារាមួយគូនេះ មានម្នាក់ជាពិធីករទូរទស្សន៍បាយ័ន និងជាអតីតម្ចាស់មេដៃមាស កីឡាករជម្រើសជាតិ លោកសុវណ្ណ គិរី» ។
កញ្ញាសម សុជាត្តារ៍ ជាអតីតតារាសម្តែងស៊ិចស៊ីប្រចាំឆ្នាំ២០០៧ ហើយពេលនេះ ទើបនឹងវិលមកចូលប្រឡូកការងារសិល្បៈ
វិញ ។ នៅក្នុងគណនីហ្វេសប៊ុកផ្ទាល់របស់កញ្ញាសម សុជាត្តារ៍ បានចេញសារច្រានចោលព័ត៌មានអាស្រូវនេះថា «បើកភ្នែកព្រឹកឡើងថ្ងៃនេះ មានតែការឆាត និងខលសួរថា «ខ្ញុំជាប់ពាក់ព័ន្ធគ្រឿងញៀនធំ»។
នាងបន្តថា នាងតស៊ូស្រឡាញ់ការងារកិត្តិយស មិនដែលយកគំនិតគិតខ្លី ដូចការយល់ច្រឡំនោះទេ នាងសុទ្ធតែដឹងគ្រឿងញៀនជារបស់បែបណា ហើយមេត្តាឈប់យល់ច្រឡំទៀតទៅ នាងមិនចង់មានការតិះដៀលបែបនេះឡើយ ។ កញ្ញាធ្លាប់សាងស្នាដៃរឿង «ព្រាយដើមក្រសាំង» រឿង «គំនុំពីអតីតជាតិ» និងរឿង «កំពែងស្នេហ៍» ព្រមទាំងរឿងមួយចំនួនទៀត។
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
នាយ ពែកមី ៖ ខ្ញុំមានទម្លាប់អាក្រក់មួយកែមិនបាន គឺពេលបើកបរលើដងផ្លូវ តែងតែចុចទូរស័ព្ទ
ភ្នំពេញ៖ តារាកំប្លែងល្បីឈ្មោះប្រចាំស្ថានីយ៍ទូរទស្សន៍ប៉ុស្តិ៍CTNមានដើមកំណើតពីខេត្តស្វាយរៀងនាយ ពែក មី ថ្មីៗនេះបានទម្លាយការពិតពីទម្លាប់អាក្រក់របស់ខ្លួនដែលមិនអាចធ្វើការកែប្រែឬផ្លាស់ប្តូរចរិតបាននោះគឺរាល់ពេលបើកបររថយន្តនៅលើដងផ្លូវតែងតែទាញទូរស័ព្ទយកមកចុចទោះបីដឹងហើយថាទម្លាប់នេះជាករណីមិនល្អសម្រាប់ខ្លួននិងអ្នកប្រើប្រាស់ដងផ្លូវជាមួយក៏ដោយនោះ។
តារាកំប្លែងដែលធ្លាប់ជាអតីតកម្មករសំណងនាយពែកមីបានសរសេរបង្ហោះជាសាធារណៈនៅលើបណ្តាញសង្គមហ្វេសប៊ុករបស់ខ្លួនថា”ទំលាប់អាក្រក់របស់ខ្ញុំគឺបើកបរលើដងផ្លូវ តែងតែចុចទូរសព្ទ។ដឹងថាវាប្រឈមនឹងគ្រោះថ្នាក់ខ្លាំងណាស់តែកែមិនបាននៅមិន សុខតើបងប្អូនណាខ្លះមាន ទំលាប់ចឹងដែ?”។
តាមរយៈការបង្ហាញប្រាប់ទម្លាប់មិនល្អរបស់ខ្លួនពីសំណាក់តារាកំប្លែងនាយ ពែក មី ខាងលើនេះក៏មានមហាជនអ្នកគាំទ្រជាច្រើនបាន បញ្ចេញមតិដាស់តឿនស្មារតីលោកដែរថាបើដឹងថាវាជាទម្លាប់អាក្រក់ហើយហេតុអ្វីនៅតែប្រព្រឹត្តឬចាំដល់ពេលមានគ្រោះថ្នាក់ទើបភ្ញាក់រលឹក?។ចំណែកខ្លះទៀតក៏បាននិយាយដែរថា គាត់ដឹងនេះគឺល្អហើយតែយ៉ាងក៏ដោយត្រូវតែព្យាយាមផ្លាស់ប្តូរ ទម្លាប់នេះឲ្យបានព្រោះតាមច្បាប់នៅរាល់ពេល កាន់ចង្កូតរថយន្តគឺគេមិនឲ្យនិយាយឬចុចទូរស័ព្ទនោះឡើយ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]