Luxus RX300 ព្រលះម៉ូតូ ស្លាប់១ របួសធ្ងន់២នាក់ នៅស្រុកត្បូងឃ្មុំ

កំពង់ចាម៖  កាលពីវេលាម៉ោង ៨៖៣០នាទី យប់ថ្ងៃទី២៩ ខែកញ្ញា ឆ្នាំ២០១២ រថយន្ត LUXUS RX 300 ពាក់ស្លាកលេខ 2Q-9971 ពណ៌ខ្មៅបាន បើកបុកអ្នក ជិះម៉ូតូ មានគ្នា៣នាក់ បណ្តា លឲ្យស្លាប់ម្នាក់ និងរបួសធ្ងន់ពីរនាក់ នៅត្រង់កែង ចេញពី ភូមិទន្លេបិទ ឃុំទន្លេបិទ ស្រុកត្បូងឃ្មុំ  ក្រោយពី ជនរងគ្រោះ ទាំង៣ នាក់ ទើបតែចេញ ពីហាងផឹកស៊ី នៅម្តុំ Garden Night Club ។

សេចក្តីរាយការណ៍ ពីកន្លែងកើតហេតុ បានឲ្យដឹងថា ជនរងគ្រោះទាំងបីនាក់ មានទីលំនៅ នៅ ភូមិពាមជីលាំង ស្រុកត្បូងឃ្មុំ ខេត្តកំពង់ចាម។ ប៉ុន្តែជនរងគ្រោះទាំងបីនាក់ មិនត្រូវបាន គេស្គាល់ អត្តសញ្ញាណ នោះទេ ។ សេចក្តីរាយការណ៍ បានបន្តថា ម្ចាស់រថយន្ត បានគេចខ្លួន បាត់ ក្រោយគ្រោះថ្នាក់ចរាចរណ៍នេះ។

កម្លាំងសមត្ថកិច្ច បាននាំយក រថយន្តទៅរក្សាទុក នៅស្នងការ ដ្ឋាននគរបាល ខេត្តដើម្បីរង់ចាំការ ដោះស្រាយបន្តទៀត ខណៈសមត្ថកិច្ច មិនទាន់បាន បញ្ជាក់ពីអត្តសញ្ញាណ របស់អ្នក បើករថយន្ត នៅឡើយ៕

ដោយ ដើមអម្ពិល(DAP)

ផ្តល់សិទ្ធដោយ ដើមអម្ពិល