ខេត្តឧត្តរមានជ័យ ៖ ទីបំផុត ឃាតករសម្លាប់ស្ត្រីម្នាក់ទាំងអាក្រាតកាយ និងមានស្លាកស្នាមកាប់ជាច្រើនពូថៅនោះ ត្រូវបានកម្លាំងសមត្ថកិច្ចស្រាវជ្រាវរហូតឃាត់ខ្លួនបានហើយ នៅថ្ងៃទី១៦ មីនា នេះ ការពិតគឺជាកូនធម៌របស់ស្ត្រីរងគ្រោះតែម្តង ។
ប្រភពឱ្យដឹងថា ជនសង្ស័យឈ្មោះសិត សារ៉ាត អាយុ៣៤ឆ្នាំ មានទីលំនៅក្នុងភូមិត្រពាំងខ្យាង ឃុំស្វាយអំពេ ស្រុកបរសេដ ខេត្តកំពង់ស្ពឺ ដោយសព្វថ្ងៃស្នាក់នៅផ្ទះជាមួយស្ត្រីរងគ្រោះបានជាង១ខែប៉ុណ្ណោះ ។ រីឯសាកសពស្ត្រីរងគ្រោះឈ្មោះជុន ច្រឹប អាយុ៤៥ឆ្នាំ (ស្នាក់កាប់១២កន្លែង) និងមានប្តីឈ្មោះនឹប ប៊ុនខ្លី អាយុ៥១ឆ្នាំ មានទីលំនៅនៅក្នុងភូមិអូរជីក ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ (ជាកន្លែងកើតហេតុ) ។
យោងតាមចម្លើយសារភាពរបស់ជនសង្ស័យថា ខ្លួនពិតជាបានកាប់ស្ត្រីរងគ្រោះពិតប្រាកដមែន ។ មូលហេតុនោះ គឺខឹងប្តីជនរងគ្រោះ ដែលជាឪពុកធម៌មើលងាយខ្លួនថា «ចិញ្ចឹមមនុស្សអន់ជាងចិញ្ចឹមឆ្កែ វាស្គាល់ម្ចាស់ បើអាមួយនេះ ថ្ងៃណាមួយវាខែបែរជាខាំវិញ» ។
គួររំលឹកថា មានការភ្ញាក់ផ្អើលដោយសាកសពស្ត្រីម្នាក់ ត្រូវបានគេប្រទះឃើញស្លាប់ទាំងអាក្រាតកាយ និងក្នុងថ្លុកឈាមគួរឱ្យសង្វេគ ហើយមានស្លាកស្នាមកាប់ជាច្រើនពូថៅ កាលពីវេលារំលងអធ្រាត្រ ឈានចូលថ្ងៃទី១៥ មីនា ស្ថិតក្នុងភូមិអូរជីក ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ។ ករណីនេះ ត្រូវសមត្ថកិច្ចដាក់ការសង្ស័យថា អាចជារឿងគំនុំ រួមនឹងការរំលោភសេពសន្ថវៈ ហើយសម្លាប់ចោល ។
ប្រភព៖ កោះសន្តិភាព
ដោយឡែកពត៌មានគួរឲ្យចាប់អារម្មណ៍មួយទៀត៖
អាណោចអធម៌ប្រពន្ធស្លាប់នៅនឹងកន្លែងចំណែកប្តីរងរបួសធ្ងន់ដោយសារ...
ខេត្តបន្ទាយមានជ័យ ៖ ស្ត្រីជាប្រពន្ធបានស្លាប់ភ្លាមនៅកន្លែងកើតហេតុ និងបុរសជាប្តីបានរងរបួសធ្ងន់ ដោយគ្រោះថ្នាក់ចរាចរណ៍រវាងរថយន្តបុកម៉ូតូ ហេតុការណ៍នេះបានកើតឡើងនៅវេលាម៉ោង៥និង៤០នាទីល្ងាចថ្ងៃទី១៥ មីនា នៅលើកំណាត់ផ្លូវជាតិលេខ៦ ត្រង់ចំណុចចន្លោះបង្គោលភ្លើងលេខ០១៤១និង០១៤២ ស្ថិតក្នុងភូមិប្ញស្សីកណ្តាល ឃុំឈ្នួរមានជ័យ ស្រុកព្រះនេត្រព្រះ ។
លោកអនុសេនីយ៍ទោនាយសេនាធិការដ្ឋាននៃអធិការដ្ឋាននគរបាលស្រុកព្រះនេត្រព្រះ បានឲ្យដឹងថា ស្ត្រីដែលស្លាប់ឈ្មោះ សង មេត អាយុ៥៩ឆ្នាំ និងប្តីរងរបួសធ្ងន់ឈ្មោះ មាន សៀង អាយុ៥៩ឆ្នាំ ២នាក់ប្តីប្រពន្ធរស់នៅភូមិសំរោងធំ ឃុំឈ្នួរមានជ័យ ស្រុកព្រះនេត្រព្រះ មុនពេលកើតហេតុ តាមសាក្សីបានឃើញនិយាយថា ម៉ូតូជនរងគ្រោះបានធ្វើដំណើរពីលិចទៅកើតពេលមកដល់ចំណុចកើតហេតុ ជនរងគ្រោះបានប្តូរទិសដៅដោយបត់ម៉ូតូឆ្លងផ្លូវមកខាងឆ្វេងដៃ ស្របពេលនោះ មានរថយន្ត១គ្រឿងម៉ាកមាការីបាឡែន ពាក់ស្លាកលេខ កំពង់ចាម 2A-5848 ធ្វើដំណើរស្របទិសគ្នាពីលិចទៅកើតក្នុងល្បឿនលឿន ជាន់ហ្វ្រាំងមិនទាន់បានបុកអ្នកជិៈម៉ូតូ២នាក់ប្តីប្រពន្ធ បណ្តាលឲ្យស្ត្រីជាប្រពន្ធ ស្លាប់នៅនឹងកន្លែងកើតហេតុ ចំណែកប្តីរងរបួសធ្ងន់ ហើយត្រូវរថយន្តមន្ទីរពេទ្យបង្អែកស្រុកព្រះនេត្រព្រះ ដឹកទៅព្យាបាលនៅមន្ទីរពេទ្យបង្អែកមិត្តភាពកម្ពុជា-ជប៉ុននៅស្រុកមង្គលបូរី ។
លោកនាយផ្នែកសេនាធិការរូបនោះបានបញ្ជាក់ថា ក្រោយពីនគរបាលជំនាញចរាចរណ៍ស្រុកធ្វើការវាស់វែងរួច បានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ចំពោះម៉ូតូ និងរថយន្ត សមត្ថកិច្ចយកទៅរក្សាទូកនៅអធិការដ្ឋាននគរបាលស្រុកព្រះនេត្រព្រះ ដើម្បីរងចាំធ្វើការដោះស្រាយតាមច្បាប់នាពេលក្រោយ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]