ភ្នំពេញ៖ សម្តែងស្រីល្បីឈ្មោះ ជើងចាស់អ្នកនាង កែវ ពេជ្រពិសី​ បង្ហើបថា បើផលិតករមានសាច់រឿង ណាដែលមើលទៅ គួរឲ្យទាក់ទាញ​ និងជួយសម្រួល ដល់ពេលវេលាថត នាងនឹងទទួល ។ ពេលខ្លះការសម្តែង បើយើងចេះតែសម្តែង បាតណាបាតណី អត់បាននោះទេ គឺនាងត្រូវពិនិត្យ និងផ្ទៀងផ្ទាត់ដែរ ជៀសវាងការថតហើយ មិនមានការគាំទ្រ ពីទស្សនិកជន ។ 

ទោះជាក្នុងអាជីព សិល្បៈរបស់ កែវ ពេជ្រពិសី ហាក់ស្ងប់ស្ងាត់ នឹងការងារជាច្រើនខែ ពិសេសការងារ សម្តែងភាពយន្ត ព្រោះតែនាង កំពុងតែមមាញឹក នឹងការងារមុខជំនួញមួយចំនួន ។ 

ស្រាប់តែប្រែស្ងាត់បាត់ទីផ្សារ សម្តែងជាយូរឆ្នាំមកហើយ ហើយបើទោះបីជា វិស័យភាពយន្ត កំពុងរីកខ្លាំង ក៏តារាស្រីរូបនេះ ហាក់មិនរវីរវល់ នឹងការចំណាយ ពេលវេលាថតដែរ ។ តារាសម្តែងដែលធ្លាប់ គ្រងដោយតំណែង លំដាប់លេចធ្លោ អ្នកនាងកែវ ពេជ្រពិសី បានលើកឡើងថា ការសម្តែងនាង មិនដែលមានការ ចង់លាឈប់នោះទេ នាងនៅតែទទួលប្រសិនបើ ផលិតករមានប្រភេទ សាច់រឿងណាដែលមើលទៅ គួរឲ្យទាក់ទាញ និងជួយសម្រួលដល់ពេលវេលា នាងបានច្រើន ។

នាងថា ពេលខ្លះការសម្តែង បើយើងចេះតែសម្តែង បាតណាបាតណី អត់បាននោះទេ គឺនាងត្រូវពិនិត្យ និងផ្ទៀងផ្ទាត់ដែរ ជៀសវាងការថតហើយ មិនមានការគាំទ្រ ពីទស្សនិកជន នៅពេលចាក់បញ្ចាំង ។ ពិធីការិនីប្រចាំទូរទស្សន៍ បាយ័នរូបនេះបន្តថា ឥឡូវមានតែគិត តាមហ្នឹងគិតអ្វី ដែលនៅចំពោះមុខ នាងមានតែការខិតខំ ប្រឹងក្នុងមុខរបរ សំអាងការ ។ 

ចំពោះរឿងការងារផ្នែក ពិធីការិនីនៅប៉ុស្តិ៍បាយ័ន នាងនៅតែបន្ត បំពេញការងារដូចពីមុនដដែល និងមានភាពមមាញឹក ហើយការងារប្រភេទនេះ ក៏នាងមានចិត្តស្រឡាញ់ ខ្លាំងណាស់ដែរ បើទោះវាពិបាក នាងចេះតែស្តាប់គេស្តាប់ឯង ធ្វើយ៉ាងណាឲ្យវិវឌ្ឍខ្លួន ឲ្យកាន់តែល្អឡើង បើទោះជាពិធីការិនី ត្រូវចំណាយការអានការស្តាប់ និងចំណេះដឹង ទូលំទូលាយ ក៏នាងនៅតែព្យាយាម ព្រោះពិធីការិនី ស្តែងឲ្យឃើញពីភាពឆ្លាតវៃ ដែលនាងពេញចិត្តបំផុត ។ 

សូមជម្រាបថា ទោះមេម៉ាយយូរឆ្នាំមែន ពេលនេះ ពិសី អត់ខ្វល់រឿងយកគូស្រករ ក្រៅពីមើលមុខជំនួញ ផ្ទាល់ខ្លួនឲ្យល្អ ទោះជាមានបុរសជាច្រើន ហើយមកតាមសុំស្នេហ៍ ដោយនាងដូចជា ខ្លាចស្នេហាមិនសមប្រកប ទើបបានជានៅម្នាក់ឯង យូរបែបនេះ អត់ខ្លាចវ័យជ្រេនោះទេ៕

ប្រភព : ដើមអម្ពិល

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖

សុខ សោ​ម៉ា​វ​ត្តី ជួប​រឿង​ស៊យ​ ពាក់វាលមិនកើត ខកខានចូលរួម កម្មវិធីធំៗជាច្រើន

ភ្នំពេញ​៖ តារា​សម្តែង​អ្នកមេម៉ាយ ចាយរាងអ្នកនាង សុខ សោ​ម៉ា​វ​ត្តី ជួប​រឿង​ស៊យ ​ដោយ​ធ្លាក់​ពីលើ ​កាំជណ្តើរ បណ្តាលឱ្យ​ជាំ​លើ​សាច់​ខ្នង ពាក់វាលមិនកើត ទើបធ្វើឲ្យនាង ខកខានចូលរួម កម្មវិធីធំៗជាច្រើន ដូចជាថ្ងៃដាក់បញ្ចាំង រឿង​ថ្មី​របស់​នាង "ទឹកចិត្ត​ម្តាយ​សម័យថ្មី​" ក៏​នាង​ខកខាន​ដែរ ​។​

អ្នកមេម៉ាយរូប​ស្រស់ សុខ សោម៉ាវត្តី ​បានឲ្យដឹងថា គ្រោះថ្នាក់​នេះ​បណ្តាលមកពី ​នាង​មិន​ប្រយ័ត្ន ក្រោយពី​ពាក់​ស្រោម ជើង​រួច​ក៏​ចុះមក ​កាំជណ្តើរក៏​ស្រាប់តែរអិល​ចុះមក ធ្វើឱ្យ​នាង​ជាំ​សាច់​ស្មា និង ខ្នង​ទាំងសងខាង​។ ទោះបីជា​មិន​ធ្ងន់ ពិតមែន ធ្វើឱ្យ​នាង​ឈឺ​និង​ជាំ រហូតដល់​ថ្នាក់​ បោះបង់​ចូលរួម​កម្មវិធី​សម្ពោធរឿង​ថ្មី​របស់​នាង និង​ខកខាន​មិនបាន ​ជួប​ថតរូប​ជាមួយ​ អ្នកគាំទ្រ​របស់​នាង​។ ទោះបីជា​នាង​ខកខាន ​មិន​ចូលរួម​ពិធី​ផ្លូវការ ក៏​នាង​បាន​លួច​ទៅ​មើល​រឿង​របស់​នាង​ដោយ ស្ងាត់​ផងដែរ​។​ ​

ជាមួយនឹងស្នាមញញឹម អ្នកនាង​សុខ សោ​ម៉ា​វ​ត្តី បន្ត​ថា នាង​មិនមាន​បញ្ហា​អ្វី​ធ្ងន់ធ្ងរ ឬ​ឈឺ​ខ្លាំង ក្រោយពី​រអិល​ធ្លាក់​ពី​កាំជណ្តើរ​នោះ នាង​អាច​ទៅ​ថតធម្មតា​វិញ គ្រាន់តែ​ពេល​ ពាក់អាវ​វាល​ស្មា ឃើញ​សាច់​ជាំ​តែម្តង​។ នាង​មានការ​សោកស្តាយ​ផងដែរ ចំពោះ​កើតរឿង​ស៊យ ដែល​ធ្វើឱ្យ​បាត់​មុខ ក្នុង​ពិធី​សម្ពោធ​រឿងធំ​ខណៈ​តួ​ និងតារា​ផ្សេងទៀត ​ស្ទើរ​គ្រប់រូប​បាន​ចូលរួម ​។​

​សូមជម្រាបថា ឆ្នាំ​ថ្មី​នេះ​នាង​ទទួល​ថត​រឿង ​បាន​ថ្មី​ចំនួន​ពីរ​ទៀតហើយ​មាន ចំណងជើង​ថា “​ក្រមុំចាស់​ប៉ះ​ក្មេងស្ទាវ​” និង “​និស្សិត ពេទ្យ​”​។ ខាងមុខនេះ នា​ខែមេសា ឆ្នាំ​២០១៧ រឿង​ថ្មី​របស់​នាង "Super Mom” នឹង​សម្ពោធ ហើយ​ខែឧសភា ឆ្នាំ២០១៧ រឿង​មួយទៀត​របស់​នាង​គឺ “​ខូចចិត្ត​អាជីព​” ក៏​នឹង​ស​ម្តោ​ធ​ចេញ​ជា​ផ្លូវការ​ផងដែរ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

កែវ ពេជ្រពិសី