រាជធានីភ្នំពេញ ៖ បុរសម្នាក់ស្រវឹងស្រា បើករ៉ឺម៉ក់ម៉ូតូបុក រថយន្តតាក់ស៊ីម៉ែត្រ ហើយចុះទៅរកវាយអ្នកបើករថយន្តតាក់ស៊ីម៉ែត្រ តែប៉ះចំអ្នកបើកជាកីឡាករប្រដាល់ជើងចាស សៅ ប៊ុននឿន ដាល់មួយដៃសន្លប់មួយសន្ទុះដឹងខ្លួនវិញស្វាងស្រាតែម្តង ដែលហេតុការណ៍នេះកើតឡើងកាលពីកាលវេលាម៉ោង១១និង៣០នាទីយប់ថ្ងៃទី១៥ មីនា តាមបណ្តោយផ្លូវព្រះសីហនុ កែងផ្លូវរដ្ឋសភា ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
សាក្សីដែលឃើញហេតុការណ៍ បានឱ្យដឹងថា មុនពេលកើតហេតុគេបានឃើញបុរសម្នាក់ដែលគេស្គាល់ថា ជាកីឡាករប្រដាល់ជើងចាស់ សៅ ប៊ុននឿន បើករថយន្តតាក់ស៊ីម៉ែត្ររបស់ក្រុមហ៊ុនខ្មែរ ពណ៌ត្រួយចេក ពាក់ស្លាកលេខ ភ្នំពេញ 2AK-4110 តាមបណ្តោយផ្លូវព្រះសីហនុក្នុងទិសដៅលិចទៅកើត។
ខណៈពេលមកដល់រង្វង់មូលសម្តេចជួនណាត ក៏ស្រាប់តែមានបុរសម្នាក់ជាអ្នករត់រ៉ឺម៉ក់ម៉ូតូក្នុងស្ថានភាពស្រវឹងស្រាធ្វើដំណើរមកតាមបណ្តោយផ្លូវរដ្ឋសភាក្នុងទិសដៅពីត្បូងទៅជើង មិនបានបន្ថយល្បឿនក៏បានប៉ះ ជាមួយរថយន្តតាក់ស៊ីម៉ែត្ររេចង្កូតជ្រុលទៅបុកចំទ្វារខាងស្តាំបណ្តាលឱ្យកំពិតទ្វារខាងស្តាំ ភ្លាមៗនោះដែលម្ចាស់រ៉ឺម៉ក់ម៉ូតូចុះពីលើម៉ូតូចង់រករឿងវ៉ៃអ្នកបើកបររថយន្តតាក់ស៊ីម៉ែត្រដែលជាកីឡាករប្រដាល់ជើងចាស់ត្រូវកីឡាករប្រដាល់ សៅ ប៊ុននឿន វាយមួយដៃបណ្តាលឱ្យសន្លប់អស់មួយភាំងរងរបួសបែកមាត់ ។
ក្រោយពេលកើតហេតុម្ចាស់រ៉ឺម៉ក់ម៉ូតូដឹងខ្លួនខុសបានសុំទោសកីឡាករ សៅ ប៊ុននឿន តែដោយសាររថយន្តខូចខាតដែរកីឡាករដែលជាអ្នកបើករថយន្តទាមទារសំណងចំនួន៥០ដុល្លារអ្នកបើករ៉ឺម៉ក់ម៉ូតូអត់មានប្រាក់សុំសង១៥ដុល្លារដើម្បីបញ្ចប់រឿងនៅកន្លែងកើតហេតុ ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
កូនស្រី ទូរស័ព្ទហៅប្រុសទៅ ដេកផ្ទះសំណាក់ ឪពុកដឹង ប្តឹងប៉េអឹមឲ្យចាប់ខ្លួនខាងប្រុស ចោទពីបទចាប់រំលោភ
បន្ទាយមានជ័យ៖ ជនសង្ស័យម្នាក់ ត្រូវបានកម្លាំងកងរាជអាវុធហត្ថ ខេត្តបន្ទាយមានជ័យ ចាប់ខ្លួនបញ្ជូនទៅតុលាការ នៅល្ងាចថ្ងៃទី១៥ ខែមីនា ឆ្នាំ២០១៧នេះ ក្រោយពីមានពលរដ្ឋ មួយគ្រួសារបានប្តឹងថា ជនសង្ស័យបានធ្វើសកម្មភាព ល្បួងកូនស្រីវ័យ ១៣ឆ្នាំ របស់គាត់ទៅរំលោភ នៅផ្ទះណាក់ចាន់រះ តែនារីរងគ្រោះអះអាងផ្ទុយថា ពុំមានការចាប់រំលោភទេ គឺនាងទូរស័ព្ទហៅខាងប្រុស ទៅដេកជាមួយដោយការស្ម័គ្រចិត្តច។
ជនសង្ស័យដែលសមត្ថកិច្ច ចាប់ខ្លួនមានឈ្មោះ ចាន់ ចំរើន ភេទប្រុស អាយុ១៦ឆ្នាំ ត្រូវបានកម្លាំងកងរាជអាវុធហត្ថចាប់ខ្លួនកាល រស់នៅភូមិព្រៃឬស្សី សង្កាត់ព្រះពន្លា ក្រុងុសិរីសោភ័ណ ខេត្តបន្ទាយមានជ័យ ។ រីឯក្មេងស្រីរងគ្រោះមានឈ្មោះ ខ អ ជ អាយុ១៣ឆ្នាំ នៅសង្កាត់អូអំបិល ក្រុងសិរីសោភ័ណ។
យោងពាក្យបណ្តឹងរបស់លោក ឆាត សុខុន ភេទប្រុស អាយុ៣៧ឆ្នាំ បានរៀបរាប់ថា កាលពីថ្ងៃទី១២ថ្ងៃត្រង់ ថ្ងៃទី១២ ខែមិនា ឆ្នាំ២០១៧កន្លងទៅ កូនស្រីរបស់គាត់ឈ្មោះ ខ ធ ជ បានជិះម៉ូតូចេញពីផ្ទះទៅដើរលេងជាមួយមិត្តភក្តិស្រីៗ មានឈ្មោះមាស និងឈ្មោះ ចិត្រ។ ស្រាប់តែឈ្មោះ ចិត្រ បានញុះញង់ (មេអណ្តើក) ឲ្យកូនស្រីគាត់ខលរកជនស័ង្សយ ហើយបានទៅជួបគ្នានៅផ្ទះណាក់ចាន់រះ ក្នុងបន្ទប់លេខ២ និងបានរួមរ័ក្សគ្នាបានសម្រេចជាច្រើនដង ។ ក្រោយមកឪពុកម្តាយខាងស្រី បានរកឃើញកុណស្រីនៅផ្ទះសំណាក់ខាងលើ ទើបមានរឿងផ្អើលឆោរហូតដល់ ប្តឹងប៉េអឹមចាប់ខ្លួន ចាន់ ចំរើន យកមកសួរនាំតែម្តង ។
ពាក់ពន្ធ័ករណីខាងលើ លោក ធឿង វាសនា នាយការិយាល័យប្រឆាំងការជួញដូរមនុស្ស និងការពារអនិតិជន នៃបញ្ជាការដ្ឋានកងរាជអាវុធហត្ថខេត្ត បានឲ្យដឹងថា នៅចំពោះមុខសមត្ថកិច្ចសួរនាំជនសង្ស័យ ចាន់ ចំរើន ហៅអាខ្នុរ បានសារភាពថា រូបគេពិជាបានទៅដេកជាមួយគ្នា នៅផ្ទះណាក់ចន្ទ័រះ មែន ដែលការទៅនេះគឺនាង ខ អ ជ ជាអ្នកទូរស័ព្ទហៅឲ្យរូបគេទៅ ។
លោកបន្តថា ចំពោះជនរងគ្រោះ ខ អ ជ ពេលសមត្ថកិច្ចសួរនាំបានឆ្លើយសារភាពថា នាងពិតជាបានទូរស័ព្ទហៅឈ្មោះ ចាន់ ចំរើន ទៅដេកនៅផ្ទះសំណាក់ចន្ទ័រះមែន ចំពោះការរួមភេទគ្នា គឺធ្វើឡើងដោយការស្ម័គ្រចិត្តទាំងពីរនាក់ ពុំមាននរណាបង្ខិតបង្ខំទេ ព្រោះនាងស្រលាញ់ ចាន់ ចំរើន ខ្លាំងតាំងពីចុងឆ្នាំ២០១៦មកម្លេះ ។
ក្រោយសួរនាំជនសង្ស័យត្រូវបានកសាងសំណុំរឿង បញ្ជូនទៅតុលការ ចាត់ការបន្តតាមច្បាប់ បើទោះបីជាភាគីទាំងពីរបានអះអាងថា ស្រលាញ់គ្នា រួមរ័ក្សគ្នាដោយ ការស្ម័គ្រចិត្តក៏ដោយ តែជនសង្ស័យនៅតែ ត្រូវបានចាប់ខ្លួន បើយោងច្បាប់ស្តីពីការបង្ក្រាបការជួញ ដូរមនុស្សនិងអំពើធ្វើអាជីវកម្មផ្លូវភេទ មាត្រា៤២ បានចែងនិងហាមឃាត់រួមភេទ ជាមួយអនិតិជនអាយុក្រោម១៥ឆ្នាំ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
