តិចនិកសាមញ្ញៗ ដែលជួយឲ្យអ្នករៀបចំខ្លួនបានរៀបរយ និងស្រស់ស្អាតបានជារៀងរាល់ថ្ងៃ

បញ្ហាក្នុងការរៀបចំខ្លួនមួយចំនួន ដូចជាខោរឹបតឹងពេក ស្បែកជើងថ្មីពាក់មិនស្រួល ឬអាវដែលរួញខ្លាំង បន្ទាប់ពីបោករួច ពិតជាបង្កអារម្មណ៍ធុញទ្រាន់ខ្លាំងណាស់ សម្រាប់មនុស្សយើងម្នាក់ៗ។

ប៉ុន្តែពេលនេះអ្នកអាចនិយាយលាបញ្ហាទាំងអស់នេះបានហើយ ដោយគ្រាន់តែតាមដានតិចនិកសាមញ្ញៗជាមួយយើង ដូចខាងក្រោមនេះ ៖

១. សម្អាតភាពកខ្វក់លើផលិផលស្បែក ៖ ងាយៗដោយគ្រាន់តែយកទឹក លាយជាមួយទឹកខ្មេះ រួចយកទៅជូតសម្អាតជាការស្រេច។ 

២. រក្សាគ្រឿងអល្លង្ការឲ្យនៅស្អាត ៖ តែត្រូវចាំថា វិធីនេះអនុវត្តបានតែ គ្រឿងអល្លង្ការកាឡៃប៉ុណ្ណោះ ដោយគ្រាន់តែយកថ្នាំក្រចក (ទឹករលោង) មកលាបជុំវិញផ្ទៃលោហៈខាងក្នុងជាការស្រេច។

៣. កំចាត់ជាតិប្រេង ឬខ្លាញ់កខ្វក់ ជាប់នឹងសម្លៀកបំពាក់ ៖ ងាយៗដោយគ្រាន់តែ ប្រើម្សៅហុយ កូនក្មេងមកសម្អាត ជាការស្រេច។

៤. កម្ចាត់បញ្ហាអាវយឺតមានសាច់ក្រណាត់រួញ ៖ ដោយអ្នកគ្រាន់តែត្រាំអាវនោះ រយៈពេលកន្លះម៉ោង ក្នុងទឹកលាយជាមួយសាប៊ូកក់សក់កូនក្មេង (ទឹកមួយលីត្រ ត្រូវដាក់សាប៊ូកក់សក់កូនក្មេងមួយស្លាបព្រា)។ បន្ទាប់មក ពូតវាឲ្យស្ងួត រួចដាក់កន្សែងពោះគោសង្កត់ពីលើ និងពីក្រោមអាវ រយៈពេល ១០ នាទី។ ចុងក្រោយបង្អស់ អ្នកគ្រាន់តែទាញអាវទាំងនោះឲ្យត្រង់ ដោយយករបស់ធ្ងន់ៗមកសង្កត់ចុងៗអាវ ហើយទុកឲ្យស្ងួតជាការស្រេច។

៥. កំចាត់ព្រុយជាប់នឹងសម្លៀកបំពាក់ ៖ ដោយអ្នកគ្រាន់តែយក ប្រដាប់កោរពុកមាត់មកកាត់ផ្តាច់ជាការស្រេច។

៦. ការពារកុំឲ្យខោខូវប៊យស្លេកពណ៌ ៖ អ្នកគ្រាន់តែចាក់ទឹកខ្មេះមួយកែវ ចូលក្នុងម៉ាស៊ីនបោកខោអាវ គឺអាចការពារខោខូវប៊យ របស់អ្នកមិនឲ្យស្លេកពណ៌បាន យ៉ាងមានប្រសិទ្ធភាព។

៧. ប្រើម៉ាស៊ីនអ៊ុតសក់ ជំនួសឆ្នាំងអ៊ុត ៖ អ្នកអាចយកម៉ាស៊ីនអ៊ុតសក់ មកអ៊ុត ត្រង់កអាវ ត្រង់កន្លែងបិទឡេវអាវ ឬអ៊ុតឲ្យចេញជាផ្នត់សំពត់ក៏បាន។

៨. បំបាត់ស្នាមប្រឡាក់ លើស្បែកជើងកម្ញី ៖ ងាយៗដោយអ្នកគ្រាន់តែ ប្រើជ័រលុបមកលុបៗ ជាការស្រេច។

៩. កម្ចាត់ស្នាមប្រឡាក់លើស្បែកជើងកីឡា ៖ វិធីសាមញ្ញបំផុត គឺគ្រាន់តែលាយម្សៅ Baking Soda ជាមួយនឹងសាប៊ូណាមួយ រួចយកច្រាសដុសធ្មេញឈប់ប្រើ មកមកជ្រលក់ ដុសលើផ្ទៃស្បែកជើងជាការស្រេច។

១០. ដាក់ខ្សែរដែលរបូតចូលប្រហោងអាវវិញ ៖ ងាយបំផុត ដោយគ្រាន់តែអ្នកប្រើ បំពង់ប៊ឺត សម្រាប់ជួយស៊ក ចូលប្រហោងអាវបានងាយស្រួល។

១១. ធ្វើឲ្យស្បែកជើងថ្មីងាយស្រួលពាក់ ៖ អ្នកអាចច្រកទឹកចូលក្នុងថង់ប្លាស្ទិចបិទជិត រួចយកវាទៅដាក់ក្នុងស្បែកជើង បន្ទាប់មក យកស្បែកជើងនោះទៅដាក់កន្លែងកក។ នៅពេលដែលទឹកនោះកក វានឹងរីកមាឌ ហេតុនេះវាជួយឲ្យស្បែកជើងនោះ មិនសូវរឹង និងតឹងចង្អៀតដូចមុនឡើយ។

១២. ការពារកុំឲ្យរូតខោរបូតចុះ ៖ អ្នកគ្រាន់តែស៊ក កងរង្វង់ របស់បណ្តោងសោរ ជាមួយនឹងក្បាលរ៉ូត រួចថ្ពក់ជាប់ជាមួយនឹងឡេវ របស់ខោ ជាការស្រេច។

១៣. ចៀសវាងស្លៀកពាក់លេចចេញកន្លែងសំខាន់ ៖ នេះក៏ដោយសារតែ ភាគច្រើនអ្នកចូលចិត្តស្លៀកពាក់ខោរឹបតឹងពេក មិនថាខោខូវប៊យ ខោរឹប ឬខោខ្លីនោះទេ។ ហេតុនេះ អ្នកគួរតែជ្រើសខោណា ដែលមិនតឹងពេក មិនរលុងពេកទើបជាការប្រសើរ៕

ប្រភព៖ Bright Side

ដោយឡែកព័ត៌មានគួរឲ្យចាប់អារម្មណ៍មួយផ្សេងទៀត៖

របៀបរៀបចំតុបតែងខ្លួន ឲ្យសក្តិសមជាអ្នកមាន និងថ្លៃថ្នូរ ទោះបីមិនប្រើរបស់ថ្លៃក៏ដោយ!

ការតុបតែងខ្លួនស្លៀកពាក់ គឺជាភាពទាក់ទាញ របស់មនុស្សយើងម្នាក់ៗ។ ប៉ុន្តែ អ្វីដែលអ្នកត្រូវដឹងនោះគឺ យើងម្នាក់ៗមិនចាំបាច់ទាល់តែជាអ្នកមាន ទាល់តែប្រើរបស់ថ្លៃៗ ទើបរៀបចំស្លៀកពាក់បានស្អាតនោះទេ។

ខាងក្រោមនេះ គឺជាកំហុសគួរចៀសវាង និងរបៀបរៀបចំខ្លួនងាយៗមួយចំនួន ដែលអ្នកគួរអនុវត្ត ដើម្បីឲ្យមានភាពទាក់ទាញ និងថ្លៃថ្នូរ ដោយមិនចាំបាច់តែប្រើប្រាស់របស់ថ្លៃៗឡើយ ៖

១. ក្រឡាសត្វ ៖ អ្នកមិនគួរប្រើសម្លៀកបំពាក់ ដែលមានក្រលាសត្វ លើសម្លៀកបំពាក់នោះទេ ពីព្រោះវាធ្វើឲ្យអ្នកមើលទៅប្រើរបស់អន់ៗ។ ផ្ទុយមកវិញ អ្នកគួរប្រើរបស់របរតូចៗវិញ ដូចជាកន្សែងបង់ក ក្រឡាសត្វ ទើបមើលទៅថ្លៃថ្នូរ។

២. សម្លៀកបំពាក់ពណ៌ខ្មៅ ៖ អ្នកគួរជ្រើសរើសពណ៌ខ្មៅក្រឹប មើលទៅដូចថ្មី ជំនួសដោយពណ៌ខ្មៅស្លេកៗ ឬសឹកៗ ទើបអាចឲ្យអ្នកមើលទៅស្អាត និងថ្លៃថ្នូរ។

៣. ក រ៉ូប ៖ អ្នកនឹងមើលទៅស្រស់ស្អាត និងថ្លៃថ្នូរ ប្រសិនបើអ្នកជ្រើសរើស ករ៉ូបដែល មានភាពសាមញ្ញ គ្មានម៉ូតរញ៉េរញ៉ៃ និងចៀសវាង ករ៉ូបដែលស៊ិចស៊ី និងបញ្ចេញខ្លាំងពេក។

៤. ស្បែកជើង ៖ អ្នកមិនគួរជ្រើសរើស ស្បែកជើង ដែលក្រាស់ៗ ខ្ពស់ៗម៉ូតស្កះពេកទេ ផ្ទុយទៅវិញ អ្នកគួរជ្រើសរើស ស្បែកជើង ដែលមានម៉ូតសាមញ្ញៗទើបសក្តិសម។

៥. ទំហំ ៖ អ្នកមិនត្រូវស្លៀកពាក់សម្លៀកបំពាក់ មានទំហំធំពេក ឬតូចពេកទេ ពីព្រោះវាហាក់ដូចជាខ្ចីគេពាក់យ៉ាងអ៊ីចឹង។ អ្នកគួរស្លៀកពាក់សម្លៀកបំពាក់ ដែលសមសួនជាមួយរូបរាង ទើបមានភាពស្រស់ស្អាត។

៦. ប៉ាក់ ៖ គេនឹងគិតថា អ្នកស្លៀកសម្លៀកបំពាក់ដែលមើលទៅមានតម្លៃថោក សោយសារម៉ូតប៉ាក់ច្រើនពេក។ ជាក់ស្តែង អ្នកគួរជ្រើសយកសម្លៀកបំពាក់ ដែលមានម៉ូតប៉ាក់ តុបតែងបន្តិចបន្តូចបានហើយ ទើបថ្លៃថ្នូរ។

៧. ម៉ាកប្រេន ៖ ប្រសិនបើអ្នក ជ្រើសរើស សម្លៀកបំពាក់ ដែលមានម៉ាកប្រេន នៅពីលើច្បាស់ៗនោះ គេប្រាកដជាដឹងថា វាជារបស់ក្លែងក្លាយហើយ ហេតុនេះ អ្នកគួរជ្រើសរើសសម្លៀកបំពាក់ណា ដែលសាមញ្ញ ទើបមើលទៅសក្តិសម និងថ្លៃថ្នូរ។

៨. ពណ៌សម្លៀកបំពាក់ ៖ អ្នកគួរជ្រើសរើសពណ៌សម្លៀកបំពាក់ ដែលដិតៗ ទើបស្រស់ស្អាត និងថ្លៃថ្នូរ ជាជាង ពណ៌សម្លៀកបំពាក់ដែលភ្លឺចាំងពេក។

៩. ខោអាវក្នុង ៖ អ្នកមិនត្រូវស្លៀកពាក់ ឲ្យឃើញឆ្លុះ ដល់ខោអាវក្នុងនោះទេ ពីព្រោះអ្នកនឹងធ្វើឲ្យខ្លួនឯង មើលទៅប្រើតែរបស់អន់ៗ និងថោកៗហើយ។

១០. គ្រឿងអល្លង្ការ ៖ អ្នកគួរជ្រើសរើស គ្រឿងអល្លង្ការដែលតូចល្មម ប្រកបដោយភាពស្រស់ស្អាត ជាជាងគ្រឿងអល្លង្ការប្លាស្ទិច ដែលមានទំហំធំជ្រុលហួស។

១១. កាបូប ៖ អ្នកគួរចៀសវាង ស្ពាយកាបូប ដែលមើលទៅមានលក្ខណៈសំពីងសំពោង និងគួរងាកមកប្រើ កាបូប ដែលមានភាពស្មើ ស្រស់ស្អាតវិញ។

១២. អង្កាំ និងផ្លេកៗ ៖ អ្នកត្រូវតែចៀសវាង សម្លៀកបំពាក់ ដែលមានអង្កាំ និងផ្លេកៗពាសពេញ និងគួរជ្រើសយក សម្លៀកបំពាក់ ដែលមានអង្កាំ និងផ្លេកៗ តុបតែងបន្តិចបន្តូច ទើបមានភាពទាក់ទាញ។

១៣. ស្រោមជើង ៖ អ្នកកួរចៀសវាង ពាក់ស្បែកជើងបើកមុខ ជាមួយនឹងស្រោមជើង ពីព្រោះវាគ្មានភាពស្រស់ស្អាតឡើយ។

១៤. ការរួមបញ្ចូលពណ៌ ៖ អ្នកមិនគួរស្លៀកពាក់ពណ៌លាយចូលគ្នា ទាំងមិនសក្តិសមនោះទេ ជាពិសេស ស្លៀកពាក់ពណ៌ខ្មៅលាយជាមួយពណ៌ត្នោត ឬពណ៌ទឹកប៊ិច។

១៥. គ្រឿងអល្លង្ការធ្វើពីលោហៈ ៖ អ្នកមិនគួរពាក់គ្រឿងអល្លង្ការ ធ្វើពីលោហៈគ្រប់ប្រភេទ លើដៃតែមួយនោះទេ។ ផ្ទុយទៅវិញ ប្រសិនបើអ្នកពាក់ប្រាក់ អ្នកគួរជ្រើសរើសគ្រឿងអល្លង្ការប្រាក់ទាំងអស់ ទើបសក្តិសម និងថ្លៃថ្នូរ៕