ភ្នំពេញ៖ តារាសម្តែងអ្នកមេម៉ាយ ចាយរាងអ្នកនាង សុខ សោម៉ាវត្តី ជួបរឿងស៊យ ដោយធ្លាក់ពីលើ កាំជណ្តើរ បណ្តាលឱ្យជាំលើសាច់ខ្នង ពាក់វាលមិនកើត ទើបធ្វើឲ្យនាង ខកខានចូលរួម កម្មវិធីធំៗជាច្រើន ដូចជាថ្ងៃដាក់បញ្ចាំង រឿងថ្មីរបស់នាង "ទឹកចិត្តម្តាយសម័យថ្មី" ក៏នាងខកខានដែរ ។
អ្នកមេម៉ាយរូបស្រស់ សុខ សោម៉ាវត្តី បានឲ្យដឹងថា គ្រោះថ្នាក់នេះបណ្តាលមកពី នាងមិនប្រយ័ត្ន ក្រោយពីពាក់ស្រោម ជើងរួចក៏ចុះមក កាំជណ្តើរក៏ស្រាប់តែរអិលចុះមក ធ្វើឱ្យនាងជាំសាច់ស្មា និង ខ្នងទាំងសងខាង។ ទោះបីជាមិនធ្ងន់ ពិតមែន ធ្វើឱ្យនាងឈឺនិងជាំ រហូតដល់ថ្នាក់ បោះបង់ចូលរួមកម្មវិធីសម្ពោធរឿងថ្មីរបស់នាង និងខកខានមិនបាន ជួបថតរូបជាមួយ អ្នកគាំទ្ររបស់នាង។ ទោះបីជានាងខកខាន មិនចូលរួមពិធីផ្លូវការ ក៏នាងបានលួចទៅមើលរឿងរបស់នាងដោយ ស្ងាត់ផងដែរ។
ជាមួយនឹងស្នាមញញឹម អ្នកនាងសុខ សោម៉ាវត្តី បន្តថា នាងមិនមានបញ្ហាអ្វីធ្ងន់ធ្ងរ ឬឈឺខ្លាំង ក្រោយពីរអិលធ្លាក់ពីកាំជណ្តើរនោះ នាងអាចទៅថតធម្មតាវិញ គ្រាន់តែពេល ពាក់អាវវាលស្មា ឃើញសាច់ជាំតែម្តង។ នាងមានការសោកស្តាយផងដែរ ចំពោះកើតរឿងស៊យ ដែលធ្វើឱ្យបាត់មុខ ក្នុងពិធីសម្ពោធរឿងធំខណៈតួ និងតារាផ្សេងទៀត ស្ទើរគ្រប់រូបបានចូលរួម ។
សូមជម្រាបថា ឆ្នាំថ្មីនេះនាងទទួលថតរឿង បានថ្មីចំនួនពីរទៀតហើយមាន ចំណងជើងថា “ក្រមុំចាស់ប៉ះក្មេងស្ទាវ” និង “និស្សិត ពេទ្យ”។ ខាងមុខនេះ នាខែមេសា ឆ្នាំ២០១៧ រឿងថ្មីរបស់នាង "Super Mom” នឹងសម្ពោធ ហើយខែឧសភា ឆ្នាំ២០១៧ រឿងមួយទៀតរបស់នាងគឺ “ខូចចិត្តអាជីព” ក៏នឹងសម្តោធចេញជាផ្លូវការផងដែរ៕
ប្រភព៖ looking today
ដោយឡែកពត៌មានគួរឥ្យចាប់អារម្មណ៍មួយទៀត៖
កប់ហ្មង! តូតា ទទួលកាដូកាបូប Diorពីនរណាគេហ្ន៎ (មានវីដេអូ)
ភ្នំពេញ៖ តារាសម្ដែង និងជាតារាបង្ហាញម៉ូតមុខស្រស់ កម្ពស់បាន ម៉ាក់ សែនសូនីតា ហៅតូតា ហាក់សង្កេតឃើញថា ក្នុងឆ្នាំថ្មីនេះដូចជាមានរាសីខ្ពស់ត្រដែត បន្ទាប់ពីគ្រងតំណែងជាតួឯកស្រី ក្នុងខ្សែភាពយន្តភាគ និងខ្សែភាពយន្តខ្នាតធំជាច្រើនកន្លងមក។
ដោយឡែក ខែមីនានេះ ជាខែកំណើតផ្ទាល់ របស់តារាស្រីវ័យក្មេង លេងខ្លួនរូបនេះ ដែលប្រិយមិត្ត ក៏ធ្លាប់បានសង្កេតឃើញថា នាងទទួលបានកាដូខួបកំណើត និងការ Suprise កម្មវិធីខួបកំណើតផ្សេងៗ តាំងពីដើមខែ ជាហូរហែមកដល់ថ្ងៃនេះផងដែរ។ បើនិយាយពីកាដូវិញ សឹងតែរាប់ភ្លេចទៅហើយ ដែលរាប់បញ្ចូលទាំងបាច់ផ្កា នំខេក គ្រឿងសំអាង និងរបស់ប្រើប្រាស់ផ្សេងៗជាច្រើន។
យ៉ាងណាមិញ ក្នុងល្ងាចថ្ងៃទី ១៥នេះវិញ កញ្ញាតូតា បានបង្ហោះអំណោយខួបកំណើតមួយទៀតហើយ ដែលលើកនេះកាដូខួបកំណើតហាក់មានតម្លៃក្រាស់ក្រែលតែម្ដង គឺកាបូបយួរដៃម៉ាក Dior ដែលធ្វើឲ្យកញ្ញាហាក់រំភើបខ្លាំង និងពេញចិត្តជាមួយនឹងអំណោយនេះតែម្ដង។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]