ឱ សាទិត្យា អ្នកចំរៀងខ្មែរសញ្ជាតិអូស្ត្រាលី នឹងមកដល់កម្ពុជាក្នុងខែមីនានេះ! (មានវីដេអូ)

ភ្នំពេញ៖ កាលពីថ្ងៃម្សិលមិញ តារាចម្រៀង និងជាតារាសម្ដែង កម្ពុជាសញ្ជាតិអូស្ត្រាលី Sati-Ya បានធ្វើឲ្យអ្នកគាំទ្រកម្ពុជា មានភាពភ្ញាក់ផ្អើលជាខ្លាំង បន្ទាប់ពីលោកបានបង្ហោះសារមួយឃ្លានៅលើគណនី Facebook ផ្ទាល់ខ្លួនរបស់លោកថា  "Want to meet me in person? More information soon." ចង់ជួបខ្ញុំពេលខ្ញុំទៅដល់ស្រុកខ្មែរទេ? អ្នកនឹងមានឱកាសជួបខ្ញុំថតជាមួយខ្ញុំ ថែមទាំងបានស្តាប់ខ្ញុំច្រៀងផ្ទាល់ផង។ ពត៌មានបន្ថែមទៀតនឹងមានឆាប់ៗនេះ" ។

ស្របពេលនៃដំណើរជិតមកដល់របស់តារាប្រុសរូបនេះ យើងសូមលើកយកពីប្រវត្តិខ្លះៗរបស់លោក ដើម្បីជូនជាព័ត៌មានត្រួសៗ ដល់បណ្ដាអ្នកគាំទ្រដែលតែងតែស្រលាញ់ ចូលចិត្តតារាចម្រៀងរូបស្រស់សង្ហារនេះ។

លោកមានឈ្មោះពិតថា  ឪ សាទិត្យា កើតនៅខែវិច្ឆិកាឆ្នាំ១៩៨៧ ក្នុងខេត្តបាត់ដំបងប្រទេសកម្ពុជា។ លោកមិនត្រឹមតែជាតារាចម្រៀងទេ លោកក៏ជាតារាសម្ដែង និងជាអ្នកនិពន្ធបទភ្លេងផងដែរ។ លោកបានបង្ហាញខ្លួនជាលើកដំបូងនៅខែតុលា ឆ្នាំ២០១៦ ជាមួយបទចំរៀងដែលមានចំណងជើងថា​ "I never said Good bye" ដែលសំដែងជាមួយអតីត Freishy Girl តារាសំដែង និងតារាបង្ហាញម៉ូដ កញ្ញា ប្រាសាទ ដាវីន។ 

បន្ទាប់មក លោក សាទិត្យា បានបញ្ចេញ MV បទចម្រៀងមួយបទទៀតដែលមានចំណងជើងថា "ចិត្តកាយបេះដូងតែមួយ" នៅក្នុងខែវិច្ឆិកា ឆ្នាំ២០១៦។

លើសពីនេះ លោក សាទិត្យា មិនត្រឹមតែអាចច្រៀងបទPop និង R&B បានល្អទេ លោកក៏អាចច្រៀងបានយ៉ាងល្អនូវបទមរតកដើម របស់អធិរាជសំលេងមាស ស៊ិនស៊ីសាមុត ថែមទៀតផង។

សូមទស្សនាវីដេអូចម្រៀងរបស់តារាចម្រៀង ឱ សាទិត្យា​ ខាងក្រោមនេះ៖ 

• ចម្រៀង
• វីដេអូ