(ភ្នំពេញ)៖ កញ្ញា ស៊ីស៊ី ដែលទើបគ្រោងតំណែងតួឯកស្រី ក្នុងរឿង «ស្នូរជើងអ្នកណា» របស់ផលិតកម្ម Wouder Film Cambodia បានប្រាប់អ្នកសារព័ត៌មានថា កញ្ញាចូលចិត្ត ស្លៀកពាក់ បែបស៊ីវីល័យ ដែលបង្ហាញភាពសិចស៊ីរបស់ខ្លួន គួរឱ្យទាក់ភ្នែក ប៉ុន្តែមិនស៉ិចស៊ីខ្លាំងហួសហេតុពេកនោះទេ។

បើមើលតាមរយៈការបង្ហាញរូបភាពចេញមកខាងក្រៅ និងរូបថតសិចស៊ីជាច្រើនសន្លឹក ដែលនាងបានបង្ហោះ ក្នុងគណនីយ​ហ្វេសប៊ុក បានធ្វើឱ្យគេគិតថាតារាសម្ដែងខ្ពស់ ស្រឡះសាច់សស្រឡូនម្នាក់នេះច្បាស់ ជាមានចិត្ដស្លុយ​ទៅលើការសម្ដែង ឈុតឆាកសិចស៊ីជាមិនខាន។

ស៊ីស៊ី ទើបតែប្រឡូកចូលក្នុងការសម្ដែង បានប្រមាណ២ទៅ៣រឿងប៉ុណ្ណោះ ប៉ុន្ដែដោយសារ ទេពកោសល្យការសម្ដែងយ៉ាង​លេចធ្លោ របស់នាងបានធ្វើឱ្យមហាជនជាច្រើនចាប់អារម្មណ៍មកលើរូប នាងពិសេសគ្រាដែលនាងស្លៀកពាក់​បែបកូនអ្នកមាន​ទ្រព្យសម្បតិ្ដ លេងចរឹកឫកពារឡូយឆាយនៅក្នុងសាច់រឿង។ ជាមួយគ្នាតារាសម្ដែងរូបនេះបានបង្ហាញ​ពីមហិច្ឆតាខ្លួនថានាង​នឹង​លះបង់​ទៅលើការសម្ដែងមិនថាជាតួអង្គតូច ធំ ស្លូត កាច មនោសញ្ចេតនា ឬតួអង្គសិចស៊ីនោះទេ នាងនឹងធ្វើឱ្យបានដើម្បី​ទទួលបាននូវភាពល្បីល្បាញ។

កញ្ញាស៊ីស៊ី បានបញ្ជាក់ថា នាងពិតជាហ៊ានសម្ដែងក្នុងឈុតឆាកសិចស៊ី មែនប្រសិនបើអ្នកដឹកនាំរឿងយល់ថា វាគ្មានភាពខុសឆ្គង ឬបង្កជាបញ្ហាប៉ះពាល់ ដល់អារម្មណ៍មហាជន គ្រាដែលនាងខ្លួនឯងក៏បានតាំងចិត្ដថាអាច ធ្វើបានដើម្បីទាញយកការគាំទ្រពី មហាជនទៅលើការសម្ដែងរបស់ខ្លួន ។

តារាសម្ដែងរូបនេះប្រាប់ថា សម្រាប់ទស្សនផ្ទាល់ខ្លួន គឺនាងមានស្ទីលសិចស៊ីរបស់ខ្លួនដែល មើលទៅគួរឱ្យច់ងគយ​គន់និងទាក់ភ្នែក ជាជាងមើលទៅសិចស៊ីបែបជ្រុលហួសហេតុ។

ស៊ីស៊ីបញ្ជាក់ថា «ខ្ញុំមានរបៀបសិចស៊ីរបស់ខ្ញុំមើលទៅមិនអាក្រក់ពេក ឬធ្វើឱ្យខុសប្រពៃណីទេ ពោលភាពសិចស៊ីមិនចាំបាច់ ទាល់តែបញ្ចេញដើមទ្រូងខ្លាំង ឬបញ្ចេញគល់ភ្លៅខ្លាំងទើបហៅថាសិចស៊ីទេ ខ្ញុំមានវិធីសាស្រ្ដធ្វើយ៉ាងណាឱ្យគេមើលឃើញថា សិចស៊ី ប៉ុន្ដែគួរឱ្យចង់គយគន់»

នាងបន្ដថា ជាក់ស្ដែងដូចជារូបភាពសិចស៊ីមួយចំនួន ដែលនាងបានបង្ហោះនៅក្នុងបណ្ដាញ សង្គមគឺសិចស៊ី ប៉ុន្ដែត្រូវបានអ្នកគាំទ្រនិងហ្វេនជាច្រើន របស់នាងលើកឡើងថា រូបភាពទាំងនោះសិចស៊ីគួរឱ្យស្រលាញ់។

គួរបញ្ជាក់ថាកញ្ញា ស៊ីស៊ី ធ្លាប់បានសម្ដែងនៅក្នុងរឿង «វាសនាកូនភ្លោះ»​ «ចំការលាក់ស្នេហ៍»។ បច្ចុប្បន្ននាងកំពុងថតរឿង «រាជបុរី Come back »និង «ស្នូរជើងអ្នកណា?»។

បើកត់សំគាល់តាមរយៈការបញ្ជាក់របស់ ស៊ីស៊ី គឺហាក់មិនខុសគ្នាពីតារាសម្ដែងស្រីមួយចំនួន ដែលធ្លាប់បានប្រើវិធីសាស្រ្ដនេះដើម្បីភាពល្បីល្បាញខ្លួននោះទេ ពោលគឺពួកគេតែងតែយកភាពសិចស៊ីរបស់ ខ្លួនមកទាក់ភ្នែកមហាជនពិសេសអ្នកដឹកនាំរឿងជាច្រើន ដើម្បីទទួលបានឱកាសការងារក្នុង ការសម្ដែងឬការងារផ្សេងៗស្ថិតក្នុងក្របខណ្ឌសិល្បៈ ។

វិធីសាស្រ្ដនេះទោះបីជាមានតារាភាគច្រើនត្រូវទទួលរង នូវការរិះគន់យ៉ាងចាស់ដៃពីមហាជនក៏ពិតមែនតែយ៉ាង ហោចណាស់ពួកគេទាំងនោះត្រូវបានមហាជនស្គាល់ មុខយ៉ាងច្បាស់រួចទៅហើយ តួយ៉ាងដូចជា កញ្ញា វណ្ណ វល័ក្ខ បេននី យុំាងជាដើម៕

ប្រភព៖ Fresh News

ដោយឡែករំលឹកព័ត៌មានមួយផ្សេងទៀត៖ គឹម កែវ​មរកត ហៅ អេម៉ា បាក់​សម្រស់​ ព្រោះ​​ប្រឹង​​ច្រៀង​​ផង រៀន​ផង!

(ភ្នំពេញ)៖ តារាចម្រៀងស្រីវ័យក្មេងស្រស់ស្អាត គឹម កែវមរកត ហៅ អេម៉ា ខណៈដែលបច្ចុប្បន្នមានតែឈ្មោះថា រស់នៅក្នុងផលិតកម្ម «ភ្លេងវរីខត» ប៉ុន្តែធាតុពិតនាង ហាក់មិនត្រូវបាន ផលិតកម្មចាប់អារម្មណ៍ លើនាងប៉ុន្មានឡើយ អ្វីដែលសំខាន់នាងហាក់បាក់ស្រកស្រុតសម្រស់យ៉ាងខ្លាំង មើលទៅហាក់ចាស់ជាងឆ្នាំមុនៗ ខណៈដែលនាងប្រឹងប្រែង ច្រៀងតាមក្លឹបនានាផង និងរៀនផង ក្នុងពេលតែមួយ គ្មានពេលសម្រាក់គ្រប់គ្រាន់នោះទេ។

តារាចម្រៀង គឹម កែវមរកត ហៅ អេម៉ា មិនសូវមានបទចម្រៀងលក់លើទីផ្សារច្រើនឡើយ ព្រោះតារាក្នុងផលិតកម្ម «ភ្លេងវរីខត» មានច្រើន ហើយក៏បានចាកចេញបណ្ដើរៗ ហើយដែរ ស្របពេលមានតារាក្នុងផលិតកម្ម ភ្លេងរីខតតិចតួចណាស់ ដែលមានប្រជាប្រិយភាពលោតឡើងខ្លាំង។

តារាចម្រៀង អេម៉ា ថ្វីត្បិតតែមិនមានបទចម្រៀងចេញច្រើន តែនៅគេស្គាល់ថា ជាអេម៉ាភ្លេងរីខត ហើយជាតារាចម្រៀងស្រីមួយដួង ច្រៀងប្រចាំនៅ Aprus Pub និង Base club ក្រៅពីនោះនាងបានច្រៀងឲ្យ ក្រុមតន្ត្រីពីរក្រុម គឺ P Enter និង Sambath entertainment ខណៈដែលនាងបានបង្ហាញវត្តមាន ញឹកញាប់នៅក្រុម P Enter ។

ក្រៅពីមមាញឹកក្នុងអាជីពចម្រៀង គឹម កែវមរកត ពុំបានបោះបង់ការសិក្សាចោលឡើយ ពោលនាងនៅតែបន្តថ្នាក់បរិញ្ញាបត្រ នៅសាកលវិទ្យាល័យន័រតុន ផ្នែកសំណង់ ហើយជាឆ្នាំបញ្ចប់ទៀត ដូចនេះនាងត្រូវធ្វើនិក្ខេបបទ ដើម្បីបញ្ចប់ឆ្នាំផង ច្រៀងផង ដែលរៀងរាល់យប់នាងខំធ្វើការ និងពេលថ្ងៃឡើងរៀន ទើបធ្វើឲ្យនាង ហាក់បាក់សម្រស់ចាស់ជាងមុនច្រើន។ ថ្វីត្បិតតែការរៀនធ្វើឲ្យ គឹម កែវមរកត ហាក់មានសម្ពាធច្រើន តែនាងមិនបោះបង់ចោលការសិក្សានេះឡើយ ពោលនាងតស៊ូដល់ទីបំផុត ព្រោះចង់ធ្វើជាមនុស្ស មានចំណេះដឹង សម្រាប់អនាគត ប្រសើរជាងស្រវាតែភាពល្បីល្បាញក្នុងរយៈពេលខ្លី ព្រោះចំណេះដឹងអាចធ្វើឲ្យនាង មានអនាគតភ្លឺស្វាងជាងសិល្បៈ ដែលមានតែការប្រកួតប្រជែង ប៉ុណ្ណោះ។

កញ្ញា អេម៉ា ក្រៅពីជាអ្នកសិល្បៈមានគោលជំហររឹងមាំ ចំពោះផែនការណ៍អនាគត នាងក៏ជាតារាសិល្បៈម្នាក់ ដែលម៉ឺងមាត់ ព្រមទាំងម៉ត់ចត់ថែមទៀតផង៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]