ជប៉ុន៖ នៅថ្ងៃនេះតារាចម្រៀងស្រីស្រស់ស្អាត ប្រចាំនៅក្នុងផលិតកម្មសាន់ដេ កញ្ញា សុខ ពិសី បានធ្វើដំណើរចាកចេញពីមាតុភូមិហើយ ដើម្បីទៅសម្តែងនៅលើទឹកដីរបស់ប្រទេសជប៉ុន រយៈពេល១សប្តាហ៍។
តាមរយៈការប្រកាសដំណឹង របស់កញ្ញា សុខ ពិសី នៅក្នុងហ្វេសប៊ុកនាងកាលពីយប់មិញ តារាចម្រៀងស្រីរូបនេះ ក៏បានទទួលពាក្យជូនពរយ៉ាងច្រើនពីសំណាក់អ្នកគាំទ្រ ហើយភាគច្រើនអ្នកគាំទ្ររបស់នាង ក៏បានហៅពិសីថាម៉ាក់ៗពេញមាត់ថែមទៀតផង។
គួរឱ្យដឹងដែរថា កញ្ញា សុខ ពិសី ជាតារាស្រីមួយដួង ដែលមានប្រជាប្រិយភាពនៅក្នុងវិស័យសិល្បៈចម្រៀងមិនចាញ់ តារាចម្រៀងផ្សេងទៀតនៅក្នុងស្រុកប៉ុន្មានឡើយ។
ចំណែកការងារក្នុងសិល្បៈវិញ ក៏មានភាពមមាញឹកយ៉ាងខ្លាំងរហូត ពិសី បដិសេធបុរសដែលចូលមកស្តីដណ្តឹងនាងជាហូរហែផងដែរ ព្រោះតែចិត្តស្រលាញ់ និងជាប់រវល់ជាមួយការងារសិល្បៈជាបន្តបន្ទាប់៕
ចុះប្រិយមិត្តវិញមានពាក្យជូនពរអ្វីខ្លះ សម្រាប់កញ្ញា សុខ ពិសី នៅក្នុងដំណើរចាកចេញទៅសម្តែងនៅប្រទេសជប៉ុនរបស់នាងលើកនេះ?
កំណត់ហេតុខ្មែរឡូត៖
រំលឹកព័ត៌មានចាស់ សុខ ពិសី ប្រកាសថា មានអ្នកចូលស្តី តែគួរឲ្យស្ដាយ បុរសទាំងនោះត្រូវបាន បដិសេធស្នេហ៍ ទាំងអស់។
តារាចម្រៀងស្រីល្បីឈ្មោះ កញ្ញា សុខ ពិសី ប្រកាសថា មានអ្នកចូលស្តី តែគួរឲ្យស្ដាយបុរសទាំងនោះ ត្រូវបានបដិសេធស្នេហ៍ទាំងអស់។ បើតាមការអះអាងរបស់កញ្ញា សុខ ពិសី បានប្រាប់សារព័ត៌មាន ក្នុងស្រុកថា ក្នុងពេលនេះមានបុរសៗទាំងក្នុង និងក្រៅរង្វង់សិល្បៈច្រើនអ្នក បានមកចូលស្ដីដណ្ដឹងនាង។
តែគួរឲ្យស្ដាយបុរស ទាំងនោះត្រូវបាន ពិសី បដិសេធស្នេហ៍ទាំងអស់ ។ តារាចម្រៀងស្រីរូបនេះបន្តថា បុរសៗដែលចូលស្ដីដណ្ដឹង សុខ ពិសី មានមន្ត្រីរាជការតារាសម្ដែង និងចម្រៀងជាដើម។ មូលហេតុដែលនាងមិនព្រមទទួល យកបុរសទាំងនោះ មិនបានន័យថាស្អប់ខ្ពើមគិតមានឬក្រទេ។ តែអ្វីដែលសំខាន់មួយរយៈនេះ នាងជាប់រវល់ជាមួយការងារសិល្បៈ។
ម្យ៉ាងទៀត មិនទាន់ ចង់គិតគូរពីស្នេហាផង ព្រោះឃើញគូស្នេហ៍នៅក្នុងរង្វង់សិល្បៈមួយចំនួន បែកបាក់គ្នាជាបន្តបន្ទាប់ ហេតុដូច្នេះហើយទើបសម្រេចចិត្តទុកបេះដូងឲ្យនៅទំនេរសិន ។ កញ្ញា សុខ ពិសី បន្ថែមថា បុរសៗ ដែលចង់បាននាងខ្ញុំ ភាគច្រើនគាត់ចូលមកដល់ លោកប៉ាខ្ញុំតែម្ដងបង ទោះបីគាត់ចូលស្ដីដណ្ដឹងខ្ញុំមិនបាន ក៏គាត់មិនខឹងខ្ញុំដែរ ពួកយើងនៅតែរក្សាទំនាក់ទំនង ដូចដើមគ្មានអ្វីប្រែប្រួលទេបង ទាំងអ្នកសិល្បៈដូចគ្នា និងក្រៅសិល្បៈ តែនាងខ្ញុំសុំបញ្ចេញឈ្មោះ អ្នកនៅក្នុងរង្វង់សិល្បៈទេបង ។
សូមជម្រាបថា សម្រាប់គូអនាគត ពិសី មិនទាន់ប្រាកដក្នុងចិត្តទេថា យកអ្នកសិល្បៈដូចគ្នា ឬក៏មន្ត្រីរាជការនោះទេ គ្រប់យ៉ាងអាស្រ័យទៅលើពេលវេលា និងព្រហ្មលិខិតជាអ្នកកំណត់ ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
