រាជធានីភ្នំពេញ ៖ លោកយ៉ែម សំអូន ប្រតិកម្មចំពោះតារាប្រុសម្នាក់ ដែលទម្លាយសារឆ្លើយឆ្លងរបស់លោកបបួលរូបគេឡើងសណ្ឋាគារ ហើយរឿងនេះបានផ្សព្វផ្សាយតាមសារព័ត៌មាន ។
លោកយ៉ែម សំអូន ចាត់ទុកការទម្លាយសារមិនទំនងរបស់តារាថ្មីរូបនោះ គឺជាចេតនាចង់បង្ខូចកេរ្តិ៍ឈ្មោះរបស់លោក ហើយធ្វើឲ្យខ្លួនឯងល្បី ។
ការចេញមុខបកស្រាយរបស់លោកយ៉ែម សំអូន នេះធ្វើឡើងបន្ទាប់ពីតារាសម្តែងថ្មីឈ្មោះណារ៉ា បានទម្លាយសារយ៉ែម សំអូន បានបបួលរូបគេទៅដេកសណ្ឋាគារជាមួយគ្នា ។
ព័ត៌មានមួយនេះបានចុះផ្សាយតាមសារព័ត៌មានអេឡិចត្រូនិកនៅក្នុងស្រុកមួយ និងត្រូវគេចែកចាយតាមហ្វេសប៊ុក ។
បន្ទាប់ពីទទួលដំណឹងនេះមកលោកយ៉ែម សំអូន បកស្រាយ ភ្លាមៗ ដើម្បីលាងខ្លួន ។ លោកយ៉ែម សំអូន អះអាងថា «ព័ត៌មាននេះបានធ្វើឲ្យខ្ញុំរសើបយ៉ាងខ្លាំង ក្នុងពេលដែលរឿងរ៉ាវចុះផ្សាយពីខ្ញុំកន្លងមកនោះ រូបខ្ញុំហាក់មិនសូវខ្វាយខ្វល់ទេ ។ ខ្ញុំចូលចិត្តធ្វើច្រើនជាងនិយាយ ហើយខ្ញុំចង់ប្រាប់ទៅណារ៉ា ថាណារ៉ា គឺជាតារាមួយរូបដែលចាប់ផ្តើមល្បីល្បាញហើយ ។
ប្អូនឯងមិនអាចទៅលេងជាមួយអ្នកសារព័ត៌មានបែបនេះដើម្បីបានភាពល្បីល្បាញ និងភាពស្អាតស្អំរបស់ប្អូនឡើយ ហើយមិនបាច់ទៅប្រាប់សារព័ត៌មានថា ខ្លួនឯងខ្ពើមចំពោះការស្រឡាញ់ភេទដូចគ្នានោះទេ ប្អូនប្រាប់តែខ្លួនឯងទៅបានហើយ ប្អូនឯងធ្វើអុីចឹងវាប៉ះពាល់ដល់កិត្តិយសរបស់ខ្ញុំ ។
ព័ត៌មានរសើបរបស់ខ្ញុំបានចេញរួចហើយៗខ្ញុំក៏មិនបាច់ទៅប្រាប់អ្នកណាគេថា ខ្លួនឯងស្អាតស្អំឡើយ ព្រោះខ្ញុំស្គាល់ខ្លួនឯងច្បាស់ ហើយខ្ញុំក៏មានសេចក្តីថ្លៃថ្នូរគ្រប់គ្រាន់ដែរ» ។
លោកយ៉ែម សំអូន បានដាក់បន្ទុកទៅលើអ្នកសារព័ត៌មានដែលសរសេររឿងនេះថានាំឲ្យប៉ះពាល់កិត្តិយសរបស់លោក ក្នុងពេលដែលលោកកំពុងតែជោគជ័យនៅក្នុងអាជីពសិល្បៈនាពេលបច្ចុប្បន្ន ។
ក្រោយពីមានការបកស្រាយឆ្លើយតបពីលោកយ៉ែម សំអូន រួចមក តារាសម្តែងថ្មី លោកណារ៉ា បានបង្ហោះសារសូមទោសលោកយ៉ែម សំអូន វិញ ដោយថាលោកទើបតែដឹងថាហ្វេសប៊ុកឆាតមកលោកនោះ គឺជាគណនេយ្យក្លែងក្លាយ ។
លោកណារ៉ា អះអាងថា លោកមិនមានចេតនាបង្ខូចកេរ្តិ៍លោកយ៉ែម សំអូន ទេ ហើយអ្វីៗដែលកើតឡើងនោះគឺជាការភាន់ច្រឡំ ។
ជាការឆ្លើយតបលោកយ៉ែម សំអូន បញ្ជាក់ថា «បងអរគុណដែលស្គាល់បងច្បាស់ក្រោយពេលឮបងឡាយវីដេអូ តែបងគិតថាបើប្អូន ស្គាល់បងមុនហ្នឹងបន្តិច ប្រហែលជាប្អូនមិនពិបាកហត់អុីចឹងទេ ។
ត្រូវរៀនស្គាល់ខ្លួនឯងឱ្យច្បាស់ជាងបង្ខំអ្នកដទៃឲ្យស្គាល់យើង និងជឿសម្តីយើង តែបងគិតថាឥឡូវគេកាន់តែស្គាល់បង និងប្អូនច្បាស់ថាជាអ្នកណា ។ បងសង្ឃឹមថាមិនមានលើកក្រោយទៀតទេណាប្អូន» ៕
ប្រភព៖ កោះសន្តិភាព
ដោយឡែក ងាកទៅមើលព័ត៌មានចាប់អារម្មណ៍មួយផ្សេងទៀត៖
ភ្នំពេញៈ តារាសម្ដែងស្រីមុខខ្ជូត អ្នកនាង សាត រស្មី ជឿជាក់ថា ភាពយន្តថ្មីទើបសម្ពោធយប់ថ្ងៃទី៦មីនា២០១៧ គឺរឿង "សសរកណ្ដាល" របស់ផលិតកម្ម Red Picture នឹងអាចជួយនាងឲ្យបំភ្លេចរឿងហេតុកន្លងទៅជាមួយអតីតស្វាមីជាកីឡាករប្រដាល់ ជៀស ស្រួច ។ រឿងនេះពិតជាធ្វើឲ្យប្រជាប្រិយភាពរបស់នាងឈានទៅមុខមួយ កម្រិតទៀតបន្ទាប់ពីស្ងប់ស្ងាត់រឿងអាស្រូវជាមួយអតីតស្វាមីមក ។
តារាសម្ដែងសាច់ស សាត រស្មី បានឲ្យដឹងថា "រឿងមួយរយៈជាមួយគាត់ហ្នឹង ពិតជាធ្វើឱ្យខ្ញុំខ្វល់ចិត្តខ្លាំងណាស់ព្រោះវាយូរហើយមិនគួរលើកមកនិយាយទេ។
តែមិនអីទេរឿងថ្មីអាចនឹងធ្វើឱ្យអ្វីៗថ្មីទាំងអស់សម្រាប់ខ្ញុំ"។និយាយបណ្តើរលាយឡំនឹងស្នាមញញឹមផង អ្នកនាង សាត រស្មី ជឿជាក់ថា ស្នាដៃថ្មីមួយទៀតរបស់ខ្លួនបើកសម្ពោធក្រោយផ្ទុះរឿងចរចាមអាមជាមួយអតីតស្វាមីកាលពីកន្លងទៅគឺពិតជាអាចទាញការគាំទ្រពីទស្សនិកជនបានច្រើន។ ក្ដីរំពឹងនេះព្រោះតែសាច់រឿងត្រូវទៅនឹងអ្វីដែលនាងចូលចិត្តសម្ដែង ហើយអាចសម្ដែងបានល្អ អស់ពីសមត្ថភាព។ ម្យ៉ាងការដឹកនាំរឿងដោយយកចិត្តទុកដាក់ពីផលិតករលោក ឌៀប សុវណ្ណតារា អាចនឹងធ្វើឱ្យភាពយន្តនេះផ្ទុះក្នុងទីផ្សារ។
តារាសម្ដែងវ័យក្មេងរូបនេះបន្តថា មិនត្រឹមតែបង្ហាញក្ដីជឿជាក់ថានឹងជោគជ័យប៉ុណ្ណោះទេ នាងថែមទៀតនិយាយថារឿង "សសសរកណ្ដាល" ពិតជាធ្វើឲ្យប្រជាប្រិយភាពរបស់នាងឈានទៅមុខមួយកម្រិតទៀតបន្ទាប់ពីស្ងប់ស្ងាត់រឿងអាស្រូវជាមួយអតីតស្វាមីមក។
សូមជម្រាបថា អ្នកនាង សាត រស្មី បានឡើងប្រជាប្រិយភាពមួយរំពេច បន្ទាប់ពីប្រកាសចូលសិល្បៈជាថ្មី។ ប៉ុន្តែបន្ទាប់ពីអតីតកីឡាករ ជៀស ស្រួច បានចេញប្រកាសថានាង គឺជាអតីតភរិយា កាលពីពេលថ្មីៗធ្វើឱ្យទីផ្សារអ្នកនាងស្ងប់ស្ងាត់មួយរយៈ។ យ៉ាងណាក៏ដោយនាងជឿជាក់ថា តាមរយៈស្នាដៃថ្មីរឿង "សសរកណ្ដាល" នឹងធ្វើឱ្យអ្នកនាងបំភ្លេចអ្វីៗដែលបានកើនឡើង និងជួយលើកប្រជាប្រិយភាពនាងអោយកាន់តែខ្ពស់ជាងមុន។
សូមរំលឹកថា តារាស្រី សាត រស្មី បានបង្ហាញ ក្តីស្រលាញ់ទៅកាន់គូស្នេហ៍ក្រោយផ្ទុះរឿងអាស្រូវចាស់រវាងអតីតអ្នកប្រដាល់ និងតារាកំប្លែងលោកជាស្រួចជាមួយនឹងតារាស្រី សាតរស្មីដែលត្រូវបានគេដឹងថាពួកគេទាំងពីរនាក់ជា អតីតប្តីប្រពន្ធ នឹងគ្នារួចមក អ្នកគាំទ្រសង្កេតឃើញថារូបនាងហាក់ដូច ជាមិនឈឺក្បាលវិលមុខ ទៅលើព័ត៌មាននេះ ប៉ុន្មានទេ។
តារាស្រីម្នាក់នេះមានទំនាក់ទំនង ជាមួយនឹងបុរសវ័យក្មេង រូបសង្ហារ ដែលឈ្មោះលី ជាយូរឆ្នាំណាស់មកហើយ។ ជាពិសេស បើតាមគេដឹង គឺគូស្នេហ៍របស់នាង ជាអាណិកជន កំពុងរស់នៅសហរដ្ឋអាមេរិក តែគ្មានអ្នកណាដឹងថា រូបលោក មានការងារ និងមុខរបរអ្វីនោះទេ។ ហើយបើតាមសង្កេតមើល តារាស្រី សាត រស្មី ស្រលាញ់មិត្តប្រុសនាងខ្លាំងណាស់ រហូតហ៊ានសាក់ឈ្មោះរូបលោក នៅលើស្មារបស់នាងទៀតផង ដោយដាក់ថា "Ly is myeverything" (លីជាអ្វីគ្រប់យ៉ាងរបស់ខ្ញុំ)៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]