ទឹកចិត្តម្តាយគឺបែបនេះ នៅតែឈរមើល សុគន្ធកញ្ញា ច្រៀងរហូត តាំងពីគ្មានអ្នកណាចាប់អារម្មណ៍ រហូតក្លាយជាកំពូលតារាចម្រៀង

ភ្នំពេញ៖ ជាការពិត ក្នុងនាមជាអ្នកម្តាយ តែងតែព្យាយាមធ្វើអ្វីគ្រប់យ៉ាង មើលថែរក្សា និងផ្តល់កម្លាំងចិត្តឲ្យកូន មិនថាពេលណា ឬទីណាក៏ដោយ។

ជាក់ស្តែង កាលពីយប់មិញនេះ កំពូលតារាចម្រៀងស្រី ឱក សុគន្ធកញ្ញា បានបង្ហើរសារ ដឹងគុណចំពោះ អ្នកម្តាយរបស់នាង ដែលតែងនៅក្បែរ និងឈរមើលនាងច្រៀង តាំងពីនាង គ្មានអ្នកចាប់អារម្មណ៍សូម្បីតែម្នាក់ រហូតក្លាយជាកំពូលតារាចម្រៀង មកទល់សព្វថ្ងៃនេះ។

ក្នុងនោះ តារាស្រីរូបនេះ បានសរសេរថា «កាលពីខ្ញុំអាយុទើបតែ១០-១២ឆ្នាំ មានមនុស្សស្រីម្នាក់បានឈរមើលខ្ញុំច្រៀង ទោះគ្មានអ្នកណាចាប់អារម្មណ៍ពីខ្ញុំ តែគាត់ជាមនុស្សម្នាក់ដែលតែងតែឈរនៅត្រង់នេះគាំទ្រខ្ញុំជានិច្ច ហើយយប់នេះពេលខ្ញុំកំពុងច្រៀង ខ្ញុំក៏បានឃើញគាត់មើលមកខ្ញុំ ខ្ញុំក៏ស្រាប់តែមានអារម្មណ៍ថាដូចកាលពីពេលនោះដែរ.. ម្នាក់នោះគឺជាគាត់ម្តាយរបស់ខ្ញុំ ពេលមុនពិតជាមិនដូចពេលនេះទេ.. តែគាត់នៅតែដដែល love you mom»។

នេះហើយ ជាទឹកចិត្តម្តាយ ដែលស្រលាញ់ និងគាំទ្រកូនគ្រប់ពេលវេលា ដើម្បីឲ្យមានកម្លាំងចិត្ត ដើរឆ្ពោះទៅកាន់ផ្លូវជីវិតដ៏ជោគជ័យ៕ 

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថា តារាចម្រៀងស្រី ឱក សុគន្ធកញ្ញា បានបង្ហាញពីនាឡិការបស់នាងយ៉ាងច្រើន ដាក់តម្រៀបគ្នា។

តារាចម្រៀងស្រីល្បីឈ្មោះ និងកំពុងតែទទួលបានការគាំទ្រយ៉ាងខ្លាំងពីសំណាក់ទស្សនិកជន កញ្ញា ឱក សុគន្ធកញ្ញា បច្ចុប្បន្នប្រជាប្រិយភាពក៏ហាក់ដូចជាឡើងស្រឺតៗតែម្តង។

កាលពីពេលថ្មីៗកន្លងទៅ តារាចម្រៀងសម្បូរប្រជាប្រិយភាពរូបនេះ ក៏បានបង្ហាញនាឡិកាដៃសុទ្ធតែម៉ាកប្រ៊េនៗ ល្បីៗ ស្អាតៗ និងមានតម្លៃថ្លៃៗទៀតផង ដែលធ្វើឱ្យអ្នកគាំទ្រលួចច្រណែនជាច្រើននាក់។

ទន្ទឹមគ្នានឹងនេះផងដែរ កញ្ញា ឱក សុគន្ធកញ្ញា ក៏បានបង្ហើរសារយ៉ាងខ្លីថា៖ «ប៉ុណ្ណឹងប្រើម៉េចគ្រាន់...!»។ ក្នុងនោះយើងឃើញ មាននាឡិកាសុទ្ធតែម៉ាកស្អាតៗ កំពុងតម្រៀបគ្នាជាជួរ នៅក្នុងប្រអប់យ៉ាងស្អាត។ ស្រលាញ់មួយណា ចង់ប្រើម៉ាកណា រើសបានតាមចិត្ត ប៉ុណ្ណឹងហើយកញ្ញា សុគន្ធកញ្ញា នៅថាប្រើមិនគ្រាន់ទៀត៕

តោះទៅមើលនាឡិកាស្អាតៗរបស់នាងទាំងអស់គ្នា៖

• ឱក សុគន្ធកញ្ញា