(ភ្នំពេញ)៖ ពិតជាមិនគួរឲ្យជឿមែនថា ទ្រនំដ៏ល្បីនៅក្នុងប្រទេសមួយ បែរជាត្រូវបានតារាចម្រៀង ដើរចេញជាបន្តបន្ទាប់ ជាក់ស្ដែងក្រោយពីតារាចម្រៀង ឈិត សុវណ្ណបញ្ញា, អ្នកនាង យក់ ឋិតរដ្ឋា, អ្នកគ្រង់គ្រង គឺលោក អ៊ិន ទីតូ ដើរចេញពីហង្សមាស ហើយនោះ មកដល់ពេលនេះ គឺដល់វេនតារាចម្រៀងបែបស្រទន់ កញ្ញា សុន ស្រីពេជ្រ ម្ដងហើយ ដែលត្រូវដើរចេញ ពីហង្សមាស ដូចតារាខាងលើនោះដែរ។
មួយរយៈនេះ មហាជនបានសង្កេតឃើញថា តារាចម្រៀងល្បីៗ អ្នកដឹកនាំសម្ដែងដ៏ល្បីល្បាញ លោក អ៊ីន ទីតូ អ្នកនាង យក់ ឋិតរដ្ឋា កញ្ញា ឈិត សុវណ្ណបញ្ញា បាននាំគ្នាចាកចេញ ពីផលិតកម្មហង្សមាស ជាបន្តបន្ទាប់ ហើយក៏បានបង្អួតស្នាដៃថ្មី នៅផលិតកម្ម ថោន យ៉ាងព្រោងព្រាត ហើយពួកគេហាក់មានរំពឹងថា បានជោគជ័យច្រើន ក្នុងផលិតកម្មថ្មីជាងផលិតកម្មចាស់ ពិសេសបទចម្រៀងចូលឆ្នាំ ដែលប្រុងហ្នឹងចេញលក់ ក៏ហាក់ប្រកួតប្រជែងគ្នាយ៉ាងស្វិតស្វាញ។
ដោយឡែកតារាចម្រៀងស្រីដ៏អភ័ព្វ កញ្ញា សុន ស្រីពេជ្រ ឯណោះវិញ មិនត្រឹមតែគ្មានការងារថ្មី ក្នុងផលិតកម្មចាស់ទេ តែនាងបែរជាលាឈប់ ពីផលិតកម្មហង្សមាសហើយ ព្រោះរូបថតតារាចម្រៀង ក្នុងផលិតកម្ម ត្រូវបានចេញជាផ្លូវការកាលពីប៉ុន្មានម៉ោងមុន។ ក្នុងរូបភាពថ្មី តារាចម្រៀងទាំងអស់ ដែលស្ថិតក្នុងផលិតកម្ម មានវត្តមានទាំងអស់ ប៉ុន្តែគ្មានរូបថត សុន ស្រីពេជ្រ នោះទេ។ នេះបញ្ជាក់ថា នាងបានចាកចេញពីផលិតមួយនេះទៅហើយ ខណៈដែលគេដឹងថា នាងចូលសិល្បៈដំបូង គឺជ្រកកោនក្នុងផលិតកម្មនេះតែម្ដង។
យ៉ាងណាមិញ រយៈពេលបីឆ្នាំមកហើយ សុន ស្រីពេជ្រ គ្មានបទចម្រៀងថ្មីចេញលក់លើទីផ្សារនោះទេ ក្រៅពីបទចូលឆ្នាំខ្មែរ ហើយមិនមែនជាបទចម្រៀងផ្ទុះនោះទេ ទើបធ្វើឲ្យនាងអាក់អន់ចិត្ត ហើយដើរចេញទាំងមិនស្ដាយស្រណោះ។ ម្យ៉ាងការដើរចេញរបស់តារាផ្សេង ទើបធ្វើឲ្យនាងគិតថា នាងក៏មិនគួរនៅយកប្រាក់ខែ មិនដល់២០០ដុល្លារពីហង្សមាសតទៅទៀតទេ។
តារាចម្រៀង សុន ស្រីពេជ្រ ត្រូវបានគេមើលឃើញថា រយៈកាលប៉ុន្មានខែចុងក្រោយនេះ មិនត្រឹមតែស៊យខ្លាំងទេ ក្នុងឆ្នាំនេះ នាងហាក់យីអ៊ុនដាក់អារក្សជាន់ខ្លាំងមែនទែន ព្រោះឪពុករបស់នាង លោកតា សង់ស៊ីស ធ្លាក់ខ្លួនឈឺ រហូតមិនអាចទាន់និយាយបាននៅឡើយ ថែមទាំងគូដណ្ដឹងផ្ដាច់ពាក្យ ទាំងពាក់កណ្ដាលទី ឥឡូវនេះ នាងដើរចេញពីហង្សមាសទៀត។ សរុបមកនាងហាក់រងរឿង ស៊យផ្ទួនៗតែម្ដងក្នុងឆ្នាំនេះ៕
ប្រភព៖ Khmertalking
ដោយឡែករំលឹកព័ត៌មានមួយផ្សេងទៀត៖ សារ៉ាយ សក្ខណា ខំទប់ទឹកភ្នែក ពេលមិត្តភក្តិជាទីស្រលាញ់ជាច្រើននាក់ ចូលរួមជូនដំណើរទៅអាមេរិកវិញ
ភ្នំពេញ៖ កាលពីយប់មិញនេះ នៅព្រលានយន្តហោះអន្តរជាតិភ្នំពេញ ពិតជាសភាពអ៊ូអរខ្លាំងមែនទែន ដោយសារតែមានការចូលរួមជូនដំណើរតារាសម្តែងស្រីសម្បូរប្រជាប្រិយភាព អ្នកនាង សារ៉ាយ សក្ខណា ឡើងយន្តហោះ វិលទៅអាមេរិកវិញហើយ ក្រោយពេលដែលនាងបានធ្វើដំណើរ មកលេងទឹកដីកំណើតអស់មួយរយៈពេលកន្លងមកនេះ។
នៅក្នុងការជូនដំណើរឡើងយន្តហោះលើកនេះ យើងឃើញមាន កញ្ញា នី មុនី្ននាថ អ្នកនាង សុខ សោម៉ាវត្ដី ម្តាយសារ៉ាយ សក្ខណា និងស្វាមីនាង ព្រមជាមួយនឹងបងប្អូន មិត្តភក្តិស្និទ្ធស្នាលជាច្រើននាក់ផ្សេងទៀត បានមកចូលរួមយ៉ាងច្រើនផងដែរ ដែលជាហេតុធ្វើឱ្យអ្នកនាង សក្ខណា ពិតជាភាពរំភើប និងអាល័យយ៉ាងខ្លាំង រហូតទប់ទឹកភ្នែកមិនចង់ជាប់ ដោយសារតែមិនចង់ឃ្លាតពីមនុស្សជាទីស្រលាញ់ទៅរស់នៅឆ្ងាយ។
តាមការឱ្យដឹងពី អ្នកនាង សុខ សោម៉ាវត្ដី ក៏បានប្រាប់ឱ្យដឹងថា លើកនេះ សារ៉ាយ សក្ខណា អាចទៅអាមេរិកក្នុងរយៈពេលយូរ ប្រហែលជា២ទៅ៣ឆ្នាំឯណោះ ទើបត្រឡប់មកកម្ពុជាសាជាថ្មីម្តងទៀត។
ទន្ទឹមនឹងការជូនដំណើរ របស់អ្នកនាង សារ៉ាយ សក្ខណា ឡើងយន្តហោះ ក៏មានការ Surprise ជានំខួបកំណើតជាលើកចុងក្រោយផងដែរ សម្រាប់ថ្ងៃខួបកំណើតរបស់នាង កាលពីថ្ងៃទី ២៥ ខែកុម្ភៈ កន្លងទៅ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
