រាជធានីភ្នំពេញ ៖ ចៅក្រមសាលាឧទ្ធរណ៍ លោកប្លង់ សំណាង ប្រធានក្រុមប្រឹក្សាជំនុំជម្រះ កាលពីព្រឹកថ្ងៃទី២៨ កុម្ភៈ បានសម្រេចប្រកាសសាដីកាតម្កល់សាលក្រមសាលាដំបូងរាជធានីភ្នំពេញ ទុកជាបានការដដែល ក្នុងសំណុរឿងឃាតកម្មធ្វើទារុណកម្ម និងរំលោភសេពសន្ថវៈ ដែលប្រព្រឹត្តកាលពីថ្ងៃទី៧ តុលា ឆ្នាំ២០១៤ កន្លងមក ហើយយកសពទៅបោះចោលនៅក្នុងទឹកទន្លេត្រើយខាងកើតទុលមុខវាំង សង្កាត់ជ្រោយចង្វា ដែលជនជាប់ចោទឈ្មោះហុង កាលីឌីន ភេទប្រុស អាយុ២៧ឆ្នាំ ។
គួររំលឹកថា ចៅក្រមសាលាដំបូងរាជធានីភ្នំពេញលោក វ៉េង ហ៊ត់ ប្រធានក្រុមប្រឹក្សាជំនុំជម្រះ នៅរសៀលថ្ងៃទី៣១ សីហា ២០១៦បានសម្រេចប្រកាសសាលក្រម ក្នុងសំណុំរឿងឃាតកម្មធ្វើទារុណកម្ម និងរំលោភសេពសន្ថវៈកាលពីថ្ងៃទី៧ តុលា ឆ្នាំ២០១៤ ដែលជនជាប់ចោទឈ្មោះហុង កាលីឌីន ភេទប្រុស អាយុ២៧ឆ្នាំ ចៅក្រមសម្រេចដាក់ពន្ធនាគារអស់មួយជីវិត និងបង្គាប់ឲ្យសងដើមបណ្តឹង២០លានរៀល។
នៅព្រឹកថ្ងៃទី១៤ តុលា ២០១៤ នោះ នៅហាងកាហ្វេដាលីន ស្ថិតក្នុងសង្កាត់បឹងព្រលឹត ខណ្ឌ៧មករា សមត្ថកិច្ចបានឆែកឆេរចាប់ខ្លួនជនសង្ស័យ ពាក់ព័ន្ឋនឹងការសម្លាប់នារីម្នាក់ជានិស្សិតឆ្នាំទី១ នៃវិទ្យាស្ថានវ៉ាន់ដាគណនេយ្យ ហើយយកសពទៅបោះចោលក្នុងទឹកទន្លេ ។
ប្រភព៖ កោះសន្តិភាព
ដោយឡែករំលឹកព័ត៌មានមួយផ្សេងទៀត៖ មេតុងទីន២នាក់ប្ដីប្រពន្ធ វេចបង្វេចរត់ចោលកូនតុងទីនមួយករណីទៀតហើយ !
ខេត្តបន្ទាយមានជ័យ ៖ មានការភ្ញាក់ផ្អើលមួយ ចំពោះកូនតុងទីនជាច្រើននាក់ បន្ទាប់ពីទៅដល់តូបមេតុងទីនស្រាប់តែមានអ្នកថ្មីលក់ ហើយសាកសួរអ្នកជិតខាងថាបាត់មួយរយៈហើយ។
ហេតុការណ៍ភ្ញាក់ផ្អើលខាងលើ បានកើតឡើងនៅរសៀល ថ្ងៃទី២៧ កុម្ភៈ ២០១៧ នៅចំណុចផ្សារត្រី ស្ថិតក្នុងភូមិបាលិលេយ្យ១ សង្កាត់និងក្រុងប៉ោយប៉ែត។ នៅកន្លែងកើតហេតុកូនតុងទីនមិនច្រើនទេ ប៉ុន្តែពេលសួរនាំពួកគាត់និយាយថា ចំនួនកូនតុងទីនមាន១៣៩នាក់ ខ្លះលេង៥ក្បាល ខ្លះលេង៣ឬ២ក្បាល ដែលសរុបទឹកប្រាក់ប្រមូលក្នុងមួយថ្ងៃៗ មិនតិចជាង១ម៉ឺនដុល្លាអាមេរិកឡើយ។
ក្រុមកូនតុងទីននិយាយថា មេតុងទីននោះប្តីឈ្មោះ ជា ប្រពន្ធឈ្មោះ ឡេង ជាអាជីវករលក់គ្រឿងក្រអូបនៅផ្សារត្រី ក្នុងភូមិកើតហេតុខាងលើ ហើយមានតូបរហូត៣។ ពាក់ព័ន្ធបញ្ហានេះក្រុមកូនតុងទីនភាគច្រើន មិនហ៊ានធ្វើបទសម្ភាសទេ តែស្ត្រីអាជីវករលក់អង្ករក្នុងផ្សារត្រីឈ្មោះ អាង ឈុន អាយុ៤៤ឆ្នាំ និយាយថា សម្រាប់គ្រួសារគាត់លេងតុងទីន៥ក្បាលអស់ប្រាក់១៥ម៉ឺនបាត និងស្ត្រីម្នាក់ទៀត ជាម្ចាស់ហាងកាហ្វេក្នុងផ្សារត្រីនោះដែរមិនប្រាប់អត្តសញ្ញាណបាននិយាយថា គ្រួសារគាត់លេង៥ក្បាលដែរ អស់ប្រាក់រហូត៣០ម៉ឺនបាត។
ក្រុមអាជីវករនិយាយថា មេតុងទីនរូបនេះ ទំនងជារៀបគម្រោង រត់យូរហើយព្រោះ តូបទាំងអស់បានសេងទៅឲ្យអ្នកថ្មីគ្មាននរណាដឹងទេ លុះឃើញអ្នកថ្មីមកលក់ ហើយពេលសួរនាំម្ចាស់ថ្មីប្រាប់ថា សេងពីមេតុងទីនខាងលើ ទើបដឹងថា មេតុងទីនរត់ក៏នាំគ្នាភ្ញាក់ផ្អើលតែម្តង។ មុននេះបន្តិចដោយមានសេចក្តីរាយការណ៍ ដល់សមត្ថកិច្ចលោកវរសេនីយ៍ទោ ធិន ស៊ិនដេត អធិការនគរបាលក្រុងប៉ោយប៉ែត បានបញ្ជាកម្លាំងទៅជួបជាមួយកូនតុងទីន និងណែនាំឲ្យទៅដាក់ពាក្យបណ្តឹង ចៀសវាងកើតមានអំពើហិង្សា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
