ចិន៖ អត្តពលិកផ្នែកកីឡាហែលទឹក Ning Zetao មិនត្រឹមតែមានទេព្យកោសល្យ និងសមត្ថភាពខ្ពស់ក្នុងការប្រកូតនោះទេ ថែមទាំងស្រស់សង្ហារ ទាក់ទាញនារីៗជាច្រើនឈ្លក់វង្វេងទៀតផង។
ប៉ុន្តែថ្មីៗនេះ អត្តពលិកវ័យក្មេងស្រស់សង្ហារូបនេះ ស្រាប់តែត្រូវបានព័ត៌មានចុះផ្សាយថា ជាប់បំរាមមិនឲ្យប្រកួតក្នុងក្រុមជម្រើសជាតិ ដោយសារតែមិនគោរពវិន័យ និងគោលការណ៍នៅក្នុងក្រុម។
Ning Zetao ដែលល្បីឈ្មោះជាកីឡាករហែលទឹកដ៏សង្ហាប្រចាំប្រទេសចិនរូបនេះ ត្រូវបានគេរាយការណ៍មកថា ល្មើសនឹងគោលការណ៍របស់មជ្ឈមណ្ឌលគ្រប់គ្រងរដ្ឋបាលកីឡាហែលទឹកប្រចាំប្រទេសចិន ដោយក្នុងនោះមានដូចជា យល់ព្រមទៅថតផ្សព្វផ្សាយផលិតផលដោយគ្មានសុំការអនុញ្ញាត្តិ, មិនបានគោរពវិន័យដែលរៀបចំដោយក្រុមជម្រើសជាតិ និងមួយវិញទៀតបដិសេធមិនទៅប្រកួត ហើយពន្យាពេលរាល់ការប្រកួតទៅតាមកម្មវិធីផ្សេងៗ។
គួរឲ្យដឹងថា Ning Zateo ក៏ធ្លាប់បានជួបនូវរឿងចម្រូងចម្រាស់បែបនេះម្តងដែរ កាលពីឆ្នាំមុន ដែលធ្វើឲ្យគេប៊ិះនឹងមិនបានចូលរួមប្រកួតព្រឹត្តការណ៍អូឡាំពិក នៅទីក្រុង Rio ប្រទេសប្រេស៊ីលទៀតផង។
ដោយសារតែការល្មើសនឹងគោលការណ៍ មិនគោរពវិន័យនេះ បានធ្វើឲ្យប៉ះពាល់យ៉ាងខ្លាំងទៅដល់អាជីពរបស់គេ ពោលគឺឱកាសចូលរួមក្នុងការប្រកួតរបស់ Ning Zetao ត្រូវបានដាក់កំណត់មិនដូចពីមុន ហើយត្រូវបានទម្លាក់មកកាន់ក្រុមចាស់របស់គេវិញ ដែលមានឈ្មោះថា People’s Liberation Army Navy Team ។
បើទោះជាយ៉ាងណាក៏ដោយ ថ្វីត្បិតតែជ្រុះចេញពីក្រុមជម្រើសជាតិក៏ពិតមែន ប៉ុន្តែនៅក្នុងខែកញ្ញា ឆ្នាំ២០១៧ ខាងមុខនេះ អត្តពលិកវ័យក្មេងរូបនេះ នឹងតំណាងឲ្យក្រុម People’s Liberation Army Navy Team ចូលរួមប្រកួតកក្នុងព្រឹត្តការណ៍ Chinese National Game ដែលនឹងប្រព្រឹត្តឡើងក្នុងទីក្រុងធានជីន ប្រទេសចិន៕
ប្រភព៖ Koreaboo
ដោយឡែករំលឹកព័ត៌មានចាស់មួយផ្សេងទៀត៖ អាយុទើប២២ឆ្នាំសោះ កីឡាការិនីកូរ៉េស្រស់ស្អាតម្នាក់ សម្រេចចិត្តបែបនេះ
កូរ៉េខាងត្បូង៖ ទើបតែអាយុ២២ឆ្នាំសោះ អត្តពលិកវ័យក្មេង ស្រស់ស្អាត Son Yeon Jae សញ្ជាតិកូរ៉េខាងត្បូង បានសម្រេចចិត្តចូលនិវត្តន៍ពីអាជីពកាយសម្ព័ន្ធ កាលពីថ្ងៃទី១៨ ខែកុម្ភៈ ឆ្នាំ២០១៧កន្លងទៅនេះ។
ភ្នាក់ងាររបស់កីឡាការិនីរូបនេះបានបញ្ជាក់ថា Yeon Jae បានសម្រេចចិត្តចូលនិវត្តន៍ហើយ នឹងមិនចូលរួមជាបេក្ខភាពជ្រើសរើសដើម្បីទៅប្រកួតឲ្យក្រុមជម្រើសជាតិអត្តពលិករបស់កូរ៉េខាងត្បូងទៀតនោះទេ។
បើយោងតាមរបាយការណ៍ស្តីពីការចូលនិវត្តន៍របស់ Yeon Jae បានរៀបរាប់ឲ្យដឹងថា «កីឡាការិនីកាយសម្ព័ន្ធ Song Yeon Jae នឹងមិនបានចូលរួមជ្រើសរើសជាបេក្ខភាពដើម្បីទៅប្រកួតក្នុងក្រុមជម្រើសជាតិទៀតទេ ហើយស្របពេលជាមួយគ្នានេះដែរ នាងបានសម្រេចចិត្តចូលនិវត្តន៍ពីអាជីពមួយនេះតែម្តង» ។
របាយការណ៍ដដែលបានបន្ថែមទៀតថា « Son Yeon Jae មិនមានការអន់ចិត្ត និងសោកស្តាយអ្វីទេ មិនតែប៉ុណ្ណោះ នាងបានអរគុណទៅអ្នកគ្រប់គ្នាដែលតែងតែគាំទ្រនិងស្រលាញ់នាងប៉ុន្មានឆ្នាំចុងក្រោយនេះទៀតផង» ។
Son Yeon Jae អត្តពលិកវ័យក្មេង នឹងសម្រេចចិត្តដើរលើវិថីថ្មីមួយទៀតនៅក្នុងជីវិតរបស់នាង បើទោះបីជានាងបានលាចេញពីអាជីពជាកីឡាការិនីកាយសម្ព័ន្ធក៏ដោយ។
គួរបញ្ជាក់ថា Son Yeon Jae ត្រូវបានគេស្គាល់ ជាកីឡាការិនីកាយសម្ព័ន្ធ សញ្ជាតិកូរ៉េខាងត្បូងមួយរូប ដែលមានសម្រេស់ស្រស់ស្អាត វ័យក្មេង មិនតែប៉ុណ្ណោះ នាងថែមទាំងមានសមត្ថភាព និងទេព្យកោសល្យខ្ពស់ទៀតផង ដោយកាលពីឆ្នាំ២០១៦កន្លងទៅ នាងបានជាប់ចំណាត់ថ្នាក់លេខ៤ នៅក្នុងព្រឹត្តការណ៍អូឡាំពិកនៅក្នុងទីក្រុង Rio ប្រទេសប្រេស៊ីលទៀតផង ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]