ខេត្តប៉ៃលិន ៖ បន្ទាប់ពីមន្ត្រីបរិស្ថានខេត្ត បានចុះត្រួតពិនិត្យឃើញ ប្រជាពលរដ្ឋ និងមន្ត្រីនគរបាលការពារ ព្រំដែនមួយចំនួន បានឃុបឃិតគ្នាលួចកាប់បំផ្លាញព្រៃឈើតំបន់អភិរក្ស ដើម្បីយកដីធ្វើជាកម្មសិទ្ធិរបស់ខ្លួន ខណៈកំពុងតែធ្វើសកម្មភាពកាប់បំផ្លាញព្រៃអស់ជាច្រើនហិកតា ក៏ធ្វើការចាប់ឃាត់ខ្លួនបុរសម្នាក់ រីឯជនសង្ស័យដែលជាប់ពាក់ព័ន្ធ បាននាំគ្នាដាក់មេប្រូច រត់គេចខ្លួនចូលព្រៃអស់។
ហេតុការណ៍ចុះបង្ក្រាបជនសង្ស័យ ដែលកាប់បំផ្លាញព្រៃឈើតំបន់អភិរក្សនេះ ធ្វើឡើងកាលពីរសៀលថ្ងៃទី២៣ កុម្ភៈ ស្ថិតនៅក្បែរបន្ទាយការពារវរៈព្រំដែនលេខ៨២១ ក្នុងភូមិបហ៊ុយត្បូង សង្កាត់បយ៉ាខា ក្រុងប៉ៃលិន ហើយបានរៀបចំកសាងសំណុំរឿងបញ្ជូនទៅតុលាការកាលពីរសៀលថ្ងៃទី២៤ កុម្ភៈ ។
ប្រភពពីលោកគឹម សុខា ប្រធានមន្ទីរបរិស្ថានខេត្តប៉ៃលិនបានឱ្យដឹងថា ជនសង្ស័យដែលចាប់ខ្លួនឈ្មោះវ៉ៅ លឿន ភេទប្រុស អាយុ៤៩ឆ្នាំ ជាកិសករ មានប្រពន្ធឈ្មោះឆាន់ ថុល អាយុ៤៨ឆ្នាំ រស់នៅភូមិបហ៊ុយជើង សង្កាត់បយ៉ាខា ក្រុងប៉ៃលិន ។
លោកបន្តទៀតថា មុននឹងធ្វើការចាប់ឃាត់ខ្លួនជនសង្ស័យខាងលើ មានប្រជាពលរដ្ឋជាច្រើនបានរាយការណ៍ប្រាប់យ៉ាងច្បាស់ថា រូបគេធ្លាប់លួចកាប់ព្រៃតំបន់ការពារបានចំនួនជាង២ហិកតា ។
ក្រោយមក ខាងបរិស្ថានបានចុះធ្វើការហាមឃាត់ និងធ្វើកិច្ចសន្យាមិនឱ្យបន្តកាប់បន្តម្តងរួចទៅហើយ ប៉ុន្តែកាលពីប៉ុន្មានថ្ងៃក្រោយមក ជនសង្ស័យខាងលើបានធ្វើការកាប់ព្រៃតំបន់អភិរក្សនោះថែមទៀត សរុបទៅបានជាង៣ហិកតាដោយអះអាងថា មាននគរបាលម្នាក់ឈ្មោះរ៉ា និងនគរបាលវរព្រំដែនលេខ៨២១មួយចំនួនទៀត បាននាំគ្នាកាប់នៅក្បែរៗនោះដែរ ទើបជនសង្ស័យហ៊ានកាប់បន្តទៀត ក៏ត្រូវខាងលោកចុះចាប់ឃាត់ខ្លួនតែម្តង ។ លោកនឹងបញ្ជូនជនសង្ស័យជាប្តីទៅតុលាការ ចំណែកប្រពន្ធដោះលែងឱ្យត្រឡប់ទៅផ្ទះវិញ ហើយបន្តតាមជនសង្ស័យដទៃទៀត យកមកផ្តន្ទាទោសតាមច្បាប់ ។
ចំណែកជនសង្ស័យឈ្មោះវ៉ៅ លឿន អាយុ៤៩ឆ្នាំ បានសារភាពថា ខ្លួនពិតជាបាននាំប្រពន្ធទៅកាប់ព្រៃឈើតំបន់អភិរក្សក្នុងភូមិខាងលើមែន តែបានសុំអនុញ្ញាតពីមេបញ្ជា ការនគរបាលវរៈព្រំដែនរួចរាល់អស់ហើយ ។ ម្យ៉ាងវិញទៀត ខាងនគរបាលក៏បាននាំគ្នាកា ប់ព្រៃឈើតំបន់ការពារនោះអស់ជាច្រើនហិកតាផងដែរ តែអត់មានខាងណាចុះទៅធ្វើការ ហាមឃាត់នោះឡើយ ។
លោកបន្តទៀតថា កាលពីមុនខាងលោកបានឈប់ផ្អាកម្តងហើ យដែរ ប៉ុន្តែពេលឃើញគេកាប់ក្បែរៗដីរបស់ខ្លួន ដែលបានកាប់ពីមុន ទើបនាំប្តីប្រពន្ធកាប់បន្ត ហើយក៏ត្រូវខាងមន្ត្រីបរិស្ថានចាប់ឃាត់ខ្លួនតែម្តង ។ លោកក៏សុំឱ្យខាងមន្ទីរបរិស្ថានខេ ត្តធ្វើការចាប់ឃាត់ខ្លួនក្រុមនគរបាលវរព្រំដែន ដែលល្មើសនឹងច្បាប់ផងដែរ កុំឱ្យចាប់តែរូប គាត់ម្នាក់នោះឡើយ ។
ពាក់ព័ន្ធនឹងបញ្ហានេះ លោក អ៊ុំ ណូន មេបញ្ជាការវរៈព្រំដែនលេខ៨២១ បានឱ្យដឹង តាមទូរស័ព្ទកាលពីរសៀលថ្ងៃទី២៤ កុម្ភៈ នេះ ថា ខាងលោកអត់មានជាប់ពាក់ព័ន្ធនឹងការកាប់បំផ្លាញព្រៃឈើតំបន់អភិរក្ស ដូចការអះអាងរបស់ជនសង្ស័យខាងលើនោះឡើយ៕
ប្រភព៖ កោះសន្តិភាព
ដោយឡែក ព័ត៌មានចាប់អារម្មណ៍មួយផ្សេងទៀត៖
ញាក់សាច់! ឡិចស៊ីសហោះផ្លោះប្រឡាយ ព្រោះតែម៉ូតូ១គ្រឿង
ខេត្តកំពង់ធំ ៖ ឧបទ្ទវហេតុមួយកើតឡើង កាលពីវេលាម៉ោង០៧នាទីព្រឹកថ្ងៃទី២៥ កុម្ភៈ នេះ ស្ថិតតាមបណ្តោយផ្លូវជាតិលេខ៦ ក្នុងភូមិប្រដិត ឃុំសំព្រោច ស្រុកស្ទោង ខេត្តកំពង់ធំ ដោយរថយន្តឡិចស៊ីស មួយគ្រឿងបានគេចម៉ូតូជិះឆ្លងថ្នល់ ធ្វើឱ្យរេចង្កូតហោះកាត់ប្រឡាយទឹក ទៅធ្លាក់ប្រឡាយម្ខាង ទៀតយ៉ាងរន្ធត់ បណ្តាលមនុស្សដែលជិះក្នុងរថយន្ត ៤នាក់បានរងរបួសធ្ងន់ទាំងអស់ ។
ប្រភពឱ្យដឹងថា រថយន្តឡិចស៊ីសខាងលើ ពណ៌.ស ពាក់ស្លាកលេខភ្នំពេញ2AM-9608 បើកបរក្នុងល្បឿនយ៉ាងលឿន ដោយមានដឹកភ្ញៀវជនជាតិចិន មកពីភ្នំពេញ ក្នុងទៅទិសដៅខាងខេត្តសៀមរាប ។
លុះមកដល់ចំណុច កើតហេតុខាងលើ ស្រាប់តែលេចម៉ូតូមួយគ្រឿងជិះឆ្លងថ្នល់ ដែលជាហេតុនាំឱ្យអ្នកបើករថយន្ត គេចធ្លាក់ថ្នល់ ទៅខាងឆ្វេងដៃរបស់ខ្លួន ហើយរថយន្តមានល្បឿនលឿនផង បានហោះឆ្លងកាត់ប្រឡាយទឹក ដែលមានទឹកជម្រៅប្រហែល៥ម៉ែត្រ ទៅធ្លាក់នៅម្ខាងប្រឡាយទៀត ។
អ្នកជិះនៅក្នុងរថយន្ត រងរបួសធ្ងន់ទាំង៤នាក់ ក្នុងនោះខ្មែរម្នាក់ជាអ្នកបើកឈ្មោះម៉ុក អង្គារស្មី អាយុ៣២ឆ្នាំ រស់នៅភូមិបុរីកម្មករ សង្កាត់ជើងឯក ខណ្ឌដង្កោ រាជធានីភ្នំពេញ (បាក់ជើង) និងជនជាតិចិន៣នាក់ទៀត រងរបួសធ្ងន់ដូនគ្នា និងមានម្នាក់បាក់ជើង ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
